Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mateo 15:1-39

15  Idin immay ken Jesus dagiti Fariseo ken eskriba manipud Jerusalem,+ a kunkunada:  “Apay a salsalungasingen dagiti adalam ti tradision dagiti tattao kadagidi nagkauna a tiempo? Kas pagarigan, saanda a bugguan ti im-imada sakbay a manganda.”+  Kas sungbat kinunana kadakuada: “Apay a salungasingenyo met ti bilin ti Dios gapu iti tradisionyo?+  Kas pagarigan, kinuna ti Dios, ‘Dayawem ni amam ken ni inam’;+ ken, ‘Daydiay mangrabngis iti ama wenno ina manungpal koma iti ipapatay.’+  Ngem kunayo, ‘Siasinoman nga agkuna iti amana wenno inana: “Aniaman nga adda kaniak a pakagunggonaam koma kaniak ket maysa a sagut a naidedikar iti Dios,”  saanna a masapul a padayawan a pulos ni amana.’+ Ket iti kasta pinagbalinyo nga awan kapapay-an ti sao ti Dios gapu iti tradisionyo.+  Dakayo a managinsisingpet,+ ni Isaias+ mayanatup a nagipadto iti maipapan kadakayo, idi a kinunana,  ‘Daytoy nga ili dayawennak babaen kadagiti bibigda, ngem ti pusoda adayo kaniak.+  Kinaubbaw nga agtultuloyda nga agdayaw kaniak, agsipud ta isuroda ti bilbilin dagiti tattao kas doktrina.’”+ 10  Gapu iti dayta pinaasidegna ti bunggoy ket kinunana kadakuada: “Imdenganyo ket alaenyo ti kababagasna:+ 11  Saan a ti sumrek iti ngiwatna ti mangtulaw iti tao; no di ket ti rummuar manipud iti ngiwatna ti mangtulaw iti tao.”+ 12  Idin immasideg dagiti adalan ket kinunada kenkuana: “Ammom kadi a naitibkol dagiti Fariseo idi mangngegda ti kinunam?”+ 13  Kas sungbat kinunana: “Tunggal mula a saan nga immula ti nailangitan nga Amak maparutto.+ 14  Bay-anyo ida. Isuda dagiti bulsek a mangidaldalan. No, ngarud, ti bulsek a tao idalanna ti bulsek a tao, matnagdanto nga agpada iti abut.”+ 15  Kas sungbat kinuna kenkuana ni Pedro: “Pagbalinem a nalawag kadakami ti pangngarig.”+ 16  Gapu itoy kinunana: “Awanankayo pay met kadi iti pannakaawat?+ 17  Saanyo aya nga ammo a ti amin a banag a sumrek iti ngiwat lumasat kadagiti bagis ket mairuar iti pagiblengan? 18  Nupay kasta, dagiti banag a rummuar manipud ngiwat agtaudda iti puso, ket dagidiay a banag ti mangtulaw iti tao.+ 19  Kas pagarigan, rummuar manipud puso dagiti nadangkes a panagrasrason,+ panangpapatay, pannakikamalala, pannakiabig, panagtakaw, ulbod a pammaneknek, panagtabbaaw.+ 20  Dagitoy ti bambanag a mangtulaw iti tao; ngem ti pannangan a di nabugguan dagiti ima saanna a tulawan ti maysa a tao.”+ 21  Idi pimmanaw sadiay, napan ita ni Jesus kadagiti paset ti Tiro ken Sidon.+ 22  Ket, adtoy! rimmuar ti maysa a babai a taga Fenicia+ manipud kadagidiay a rehion ket nagikkis iti napigsa, a kunkunana: “Maasianka kaniak,+ Apo, Anak ni David. Ti anakko a babai nakaro ti pannakasairona.” 23  Ngem saan a nangisao iti maysa a sao kas sungbat kenkuana. Gapuna immasideg dagiti adalanna ket rinugianda a kiddawen kenkuana: “Papanawem; agsipud ta agik-ikkis a sumursurot kadatayo.” 24  Kas sungbat kinunana: “Saanak a naibaon iti aniaman no di kadagiti napukaw a karnero iti balay ti Israel.”+ 25  Idi a ti babai immay rinugianna ti nagruknoy kenkuana, a kunkunana: “Apo, tulongannak!”+ 26  Kas sungbat kinunana: “Saan nga umiso nga alaen ti tinapay ti annak ket ipuruak dayta kadagiti uken.” 27  Kinunana: “Wen, Apo; ngem pudno a dagiti uken manganda kadagiti murkat nga agtintinnag manipud iti lamisaan dagiti appoda.”+ 28  Idin kinuna ni Jesus kas sungbat kenkuana: “O babai, dakkel ti pammatim; mapasamak koma kenka ti kayatmo.” Ket ti anakna a babai napaimbag manipuden iti dayta nga oras.+ 29  Idi bumalballasiw iti pagilian manipud sadiay, simmaganad a napan ni Jesus iti asideg ti baybay ti Galilea,+ ket, kalpasan ti isasang-atna iti bantay,+ nagtugtugaw sadiay. 30  Idin immasideg kenkuana ti dadakkel a bunggoy, a naikuyog kadakuada dagiti tattao a pilay, pawad, bulsek, umel, ken adu a sabsabali pay, ket ngannganida la ipuruak ida iti sakaananna, ket inagasanna ida;+ 31  iti kasta nagsiddaaw ti bunggoy idi nakitada a ti umel agsasao ken ti pilay magmagna ken ti bulsek makakita, ket indaydayawda ti Dios ti Israel.+ 32  Ngem inayaban ni Jesus dagiti adalanna ket kinunana:+ “Maasianak+ iti bunggoy, agsipud ta tallo nga aldawen a nakipagtalinaedda kaniak ket awan makanda; ket diak kayat a pagawiden ida a mabisbisin. Mabalin nga agkapuyda iti dalan.” 33  Nupay kasta, kinuna kenkuana dagiti adalan: “Sadino iti daytoy langalang a lugar ti pangalaanmi kadagiti umdas a tinapay tapno mapennek ti bunggoy a kastoy ti kaaduna?”+ 34  Gapu iti daytoy kinuna kadakuada ni Jesus: “Mano a tinapay ti adda kadakayo?” Kinunada: “Pito, ken sumagmamano a babassit nga ikan.” 35  Gapuna, kalpasan a binilinna ti bunggoy nga agdalupisakda iti daga, 36  innalana ti pito a tinapay ken dagiti ikan ket, kalpasan a nangipaay iti panagyaman, pinispisina ida ket rinugianna nga imbunong kadagiti adalan, dagiti adalan kalpasanna imbunongda kadagiti bunggoy.+ 37  Ket nanganda amin ket napnekda, ket kas tedda a pispisi nakaurnongda iti pito a labba ti taraon a napno.+ 38  Ngem dagidiay nangan uppat a ribuda a lallaki, malaksid dagiti babbai ken ub-ubbing. 39  Kamaudiananna, idi napagawidnan dagiti bunggoy, limmugan iti barangay ket immay kadagiti rehion ti Magadan.+

Footnotes