Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Mateo 11:1-30

11  Itan idi a nalpasen ni Jesus ti mangted kadagiti pammilin iti sangapulo ket dua nga adalanna, pimmanaw sadiay tapno mangisuro ken mangasaba kadagiti siudadda.+  Ngem ni Juan, idi nangngegna idiay pagbaludan+ maipapan iti ar-aramid ti Kristo, nagbaon babaen kadagiti mismo nga adalanna  ket kinunana kenkuana: “Sika kadi Daydiay Umay, wenno inanamaenmi aya ti sabali?”+  Kas sungbat kinuna kadakuada ni Jesus: “Mapankayo ket ipadamagyo ken Juan ti mangmangngeg ken makitkitayo:  Dagiti bulsek makakitada manen,+ ket dagiti pilay+ magmagnada, dagiti agkukutel+ madaldalusanda ket dagiti tuleng+ makangkangngegda, ket dagiti natay+ maibangbangonda, ket dagiti napanglaw maidekdeklara kadakuada ti naimbag a damag;+  ket naragsak daydiay saan a makasarak kaniak iti rason a maitibkol.”+  Bayat a mapmapan dagitoy, rinugian ni Jesus a kunaen kadagiti bunggoy maipapan ken Juan: “Ania ti rimmuaranyo a kitaen idiay let-ang?+ Maysa a runo nga ipalpallayog ti angin?+  Ania, ngarud, ti rimmuaranyo a kitaen? Maysa a tao a nagkawes kadagiti nalamuyot a pagan-anay? Ay ket, dagidiay sikakawes kadagiti nalamuyot a pagan-anay addada kadagiti balay ti ar-ari.+  Kinapudnona, apay ngarud a rimmuarkayo? Tapno kitaenyo ti maysa a mammadto? Wen, ibagak kadakayo, ket adayo a nangnangruna ngem iti maysa a mammadto.+ 10  Isu daytoy daydiay a maipapan kenkuana adda a naisurat, ‘Adtoy! Siak ibaonko ti mensaherok iti sanguanam, a mangisagananto ti dalanmo nga umun-una ngem sika!’+ 11  Pudno kunak kadakayo, Kadagidiay nayanak kadagiti babbai+ awan ti naibangon a dakdakkel ngem ni Juan a Mammautisar; ngem daydiay a nanumnumo iti pagarian+ ti langlangit ket dakdakkel ngem isu. 12  Ngem nanipud iti kaaldawan ni Juan a Mammautisar agingga ita ti pagarian ti langlangit isu ti kalat a pagreggetan dagiti tattao, ket dagidiay agregregget nga agtultuloy isuda ti makagunggun-od iti dayta.+ 13  Ta amin, dagiti Mammadto ken ti Linteg, nagipadtoda agingga ken Juan;+ 14  ket no kayatyo nga awaten dayta, Isu ‘ni Elias a naikeddeng nga umay.’+ 15  Ti addaan kadagiti lapayag agimdeng koma.+ 16  “Iti siasino ti pangipadisak iti daytoy a kaputotan?+ Umasping kadagiti ubbing nga agtugtugaw kadagiti plasa isuda a mangpukkaw kadagiti kaay-ayamda,+ 17  a kunkunada, ‘Tinokarmi ti plauta maipaay kadakayo, ngem saankayo a nagsala; nagdung-awkami, ngem saanyo a sinaplit ti bagbagiyo gapu iti ladingit.’+ 18  Mayasping unay, immay ni Juan a saan a mangmangan wenno umin-inum,+ kaskasdi a kuna dagiti tattao, ‘Adda sairona’; 19  ti Anak ti tao immay a mangmangan ken umin-inum,+ kaskasdi a kuna dagiti tattao, ‘Adtoy! Maysa a tao a nabuklis ken kaay-ayona ti aginum iti arak, gayyem dagiti agsingsingir iti buis ken dagiti managbasol.’+ Nupay kasta, ti kinasirib mapaneknekan a nalinteg babaen iti ar-aramidna.”+ 20  Idin rinugianna nga umsien dagiti siudad a nakapasamakan ti kaaduan kadagiti mannakabalin nga aramidna, agsipud ta saanda a nagbabawi:+ 21  “Asika pay, Corazin! Asika pay, Betsaida!+ agsipud ta no dagiti mannakabalin nga aramid a napasamak kadakayo napasamakda idiay Tiro ken Sidon, nabayag koman a nagbabawida buyogen ti tinakpil ken dapdapo.+ 22  Iti kasta kunak kadakayo, Nalaklakanto a maibturan ti Tiro ken Sidon ti Aldaw a Panangukom+ ngem dakayo.+ 23  Ket sika, Capernaum,+ maitan-okkanto aya agingga sadi langit? Maipababakanto agingga iti Hades;+ agsipud ta no dagiti mannakabalin nga aramid a napasamak kenka napasamakda idiay Sodoma, nagtalinaed koma dayta agingga itoy met laeng nga aldaw. 24  Iti kasta kunak kadakayo, Nalaklakanto a maibturan ti daga ti Sodoma ti Aldaw a Panangukom ngem sika.”+ 25  Iti dayta a tiempo kinuna ni Jesus kas sungbat: “Idaydayawka iti publiko, Ama, Apo ti langit ken daga, agsipud ta inlemmengmo dagitoy a banag kadagiti mamasirib ken nasaririt ket impalgakmo ida kadagiti ubbing.+ 26  Wen, O Ama, agsipud ta ti panangaramid iti kasta isu ti wagas nga inanamongam. 27  Amin a banag inyawaten kaniak ni Amak,+ ket awan ti makaam-ammo a naan-anay iti Anak no di ti Ama,+ awan met ti asinoman a makaam-ammo a naan-anay iti Ama no di ti Anak ken ti asinoman a kayat a pangipalgakan kenkuana ti Anak.+ 28  Umaykayo kaniak, dakayo amin a mabambannogan ken madagdagsenan,+ ket pagin-awaenkayto. 29  Ibaklayyo ti sangolko+ ket agsursurokayo kaniak,+ ta naalumamay ti kababalinko+ ken napakumbaba ti pusok, ket makasarakkayto ti gin-awa+ a maipaay kadagiti kararuayo. 30  Ta ti sangolko nalanay ken ti awitko nalag-an.”+

Footnotes