Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Mateo 10:1-42

10  Gapuna inayabanna ti sangapulo ket dua nga adalanna ket inikkanna ida iti kinaturay kadagiti narugit nga espiritu,+ tapno paruarenda dagitoy ken tapno agasanda ti tunggal kita ti sagubanit ken tunggal kita ti an-annayen.  Ti nagnagan ti sangapulo ket dua nga apostol+ isu dagitoy:+ Umuna, Simon, daydiay naawagan iti Pedro,+ ken ni Andres+ a kabsatna; ken Santiago nga anak ni Zebedeo+ ken ni Juan a kabsatna;  Felipe ken Bartolome;+ Tomas+ ken Mateo+ nga agsingsingir iti buis; Santiago nga anak ni Alfeo,+ ken Tadeo;  Simon a Cananeo,+ ken Judas Iscariote, nga idi agangay nangliput+ kenkuana.  Dagitoy sangapulo ket dua imbaon ni Jesus, nga intedna kadakuada dagitoy a bilin:+ “Dikay mapan iti dalan dagiti nasion, ket dikay sumrek iti maysa a siudad dagiti Samaritano;+  ngem, imbes ketdi, mapankayo nga agtultuloy kadagiti napukaw a karnero iti balay ti Israel.+  Bayat a mapankayo, mangasabakayo, a kunkunayo, ‘Ti pagarian ti langlangit asidegen.’+  Agasanyo dagiti masakit a tattao,+ ibangonyo dagiti natay a tattao, pagbalinenyo a nadalus dagiti agkukutel, paruarenyo dagiti sairo. Inawatyo nga awan bayadna, itedyo nga awan bayadna.+  Dikay mangala iti balitok wenno pirak wenno gambang a maipaay kadagiti supot a barikesyo,+ 10  wenno supot ti taraon maipaay iti panagdaliasat, wenno dua a makin-uneg a kawes, wenno palpalloka wenno sarukod; ta ti trabahador maikari iti taraonna.+ 11  “Iti aniaman a siudad wenno purok a serkanyo, birokenyo no siasino iti dayta ti maikari, ket agyankayo sadiay agingga a pumanawkayo.+ 12  No sumrekkayo iti balay, kablaawanyo ti sangakabbalayan; 13  ket no ti balay maikari, ti talna a tarigagayanyo iti dayta dumteng koma iti dayta;+ ngem no di maikari, ti talna manipud kadakayo agsubli koma kadakayo. 14  Sadinoman nga adda di umawat kadakayo wenno umimdeng kadagiti saoyo, iti iruruaryo iti dayta a balay wenno iti dayta a siudad pampagenyo ti tapok kadagiti sakayo.+ 15  Pudno kunak kadakayo, Nalaklakanto a maibturan ti daga ti Sodoma+ ken Gomorra ti Aldaw a Panangukom ngem dayta a siudad.+ 16  “Adtoy! Ibaonkayo a kas karnero iti nagtetengngaan dagiti lobo;+ ngarud paneknekanyo ti bagbagiyo a naannad a kas kadagiti serpiente+ ket kaskasdi a nasingpet a kas kadagiti kalapati.+ 17  Agaluadkayo kadagiti tattao;+ ta iyawatdakayto kadagiti lokal a pangukoman,+ ket saplitendakayto+ kadagiti sinagogada.+ 18  Ay ket, maisaklangkayto iti sanguanan dagiti gobernador ken ar-ari+ maigapu kaniak, maipaay a pangsaksi+ kadakuada ken kadagiti nasion. 19  Nupay kasta, inton iyawatdakayo, dikay maringgoran no kasano wenno no ania ti sawenyo; ta ti sawenyo maitedto kadakayo iti dayta nga oras;+ 20  ta saan laeng a dakayo dagiti agsasao, no di ket ti espiritu ni Amayo ti agsao babaen kadakayo.+ 21  Kanayonanna, ti kabsat+ iyawatnanto ti kabsat iti ipapatay, ket ti ama iyawatna ti anakna, ket tumakderto ti annak a bumusor kadagiti nagannak ket papapataydanto ida.+ 22  Ket puntiriakayto ti pananggura dagiti amin a tattao maigapu iti naganko;+ ngem ti nakapagibtur agingga iti panungpalan isunto ti maisalakan.+ 23  Inton idadanesdakayo iti maysa a siudad, pumanawkayo nga agturong iti sabali;+ ta pudno kunak kadakayo, Saanyonto a pulos maileppas ti sirkito+ dagiti siudad ti Israel agingga a dumteng ti Anak ti tao.+ 24  “Ti adalan saan a nangatngato ngem ti mannursurona, wenno ti adipen saan a nangatngato ngem ti apona.+ 25  Umanayen a ti adalan agbalin a kas ti mannursurona, ken ti adipen a kas ti apona.+ No dagiti tattao inawaganda ti bumalay iti Beelzebub,+ anian nga ad-adda pay nga awagandanto iti kasta dagiti kameng ti sangakabbalayanna? 26  Gapuna dikay kabuteng ida; ta awan ti naabbongan a saanto a maipanayag, ken palimed a saanto a maammuan.+ 27  Ti ibagak kadakayo iti sipnget, sawenyo iti lawag; ket ti mangngegyo a nayarasaas, ikasabayo manipud kadagiti tuktok ti balbalay.+ 28  Ket dikay agbuteng+ kadagidiay mangpapatay iti bagi ngem saanda a kabaelan a papatayen ti kararua; no di ket agbutengkayo iti daydiay+ makabalin a mangdadael agpadpada iti kararua ken bagi idiay Gehenna.+ 29  Saan aya a ti dua a billit-tuleng mailako iti sinsilio a bassit ti pategna?+ Kaskasdi awan maysa kadakuada ti matnag iti daga a saan nga ammo ni Amayo.+ 30  Ngem dagiti mismo a buok ti uloyo nabilangda amin.+ 31  Gapuna dikay agbuteng: napatpategkayo ngem iti adu a billit-tuleng.+ 32  “Tunggal maysa, ngarud, a mangipudno a naikaykaysa kaniak iti sanguanan dagiti tattao, ipudnokto met a naikaykaysaak+ kenkuana iti sanguanan ni Amak nga adda iti langlangit; 33  ngem siasinoman a mangtallikud kaniak iti sanguanan dagiti tattao, paglikudakto+ met iti sanguanan ni Amak nga adda iti langlangit. 34  Dikay pagarupen nga immayak mangikabil ti talna iti daga; immayak a mangikabil, saan a ti talna,+ no di ket ti maysa a kampilan. 35  Ta immayak a mangpataud iti pannakabingbingay, ti maysa a lalaki maibusor iti amana, ken ti anak a babai maibusor iti inana, ken ti maysa nga agtutubo nga asawa a babai maibusor iti katuganganna-a-babai.+ 36  Pudno unay, dagiti kabusor ti maysa a tao isudanto dagiti tattao iti bukodna a sangakabbalayan. 37  Ti addaan dakdakkel a panagayat iti ama wenno ina ngem kaniak saan a maikari kaniak; ket ti addaan dakdakkel a panagayat iti anak a lalaki wenno anak a babai ngem kaniak saan a maikari kaniak.+ 38  Ket siasinoman a saan a mangawat iti kayona a pagtutuokan ken sumurot kaniak saan a maikari kaniak.+ 39  Ti makasarak iti kararuana mapukawnanto dayta, ket ti makapukaw iti kararuana maigapu kaniak masarakannanto dayta.+ 40  “Ti umawat kadakayo awatennak met, ket ti umawat kaniak awatenna met ti nangibaon kaniak.+ 41  Ti umawat iti mammadto agsipud ta isu mammadto makaalanto iti gunggona ti mammadto,+ ket ti umawat iti nalinteg a tao agsipud ta isu nalinteg a tao makaalanto iti gunggona ti nalinteg a tao.+ 42  Ket siasinoman a mangted iti maysa kadagitoy babassit iti sangakopa laeng a nalamiis a danum nga inumen agsipud ta isu maysa nga adalan, pudno nga ibagak kadakayo, saannanto a pulos mapukaw ti gunggonana.”+

Footnotes