Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Mateo 1:1-25

1  Ti libro ti pakasaritaan+ ni Jesu-Kristo, anak ni David,+ nga anak ni Abraham:+   Ni Abraham isu ti ama ni Isaac;+ ni Isaac isu ti ama ni Jacob;+ ni Jacob isu ti ama ni Juda+ ken ti kakabsatna;   ni Juda isu ti ama da Perez+ ken Zera babaen ken Tamar; ni Perez isu ti ama ni Hezron;+ ni Hezron isu ti ama ni Ram;+   ni Ram isu ti ama ni Aminadab; ni Aminadab isu ti ama ni Naason;+ ni Naason isu ti ama ni Salmon;+   ni Salmon isu ti ama ni Boaz babaen ken Rahab;+ ni Boaz isu ti ama ni Obed babaen ken Ruth;+ ni Obed isu ti ama ni Jesse;+   ni Jesse isu ti ama ni David+ nga ari.+ Ni David isu ti ama ni Solomon+ babaen iti asawa ni Urias;   ni Solomon isu ti ama ni Roboam;+ ni Roboam isu ti ama ni Abias; ni Abias+ isu ti ama ni Asa;+   ni Asa isu ti ama ni Jehosafat;+ ni Jehosafat isu ti ama ni Jehoram;+ ni Jehoram isu ti ama ni Ozias;   ni Ozias isu ti ama ni Jotam; ni Jotam+ isu ti ama ni Acaz;+ ni Acaz isu ti ama ni Ezekias;+ 10  ni Ezekias isu ti ama ni Manases;+ ni Manases+ isu ti ama ni Amon;+ ni Amon+ isu ti ama ni Josias; 11  ni Josias+ isu ti ama ni Jeconias+ ken ti kakabsatna idi tiempo ti pannakaidestiero idiay Babilonia.+ 12  Kalpasan ti pannakaidestiero idiay Babilonia, ni Jeconias isu ti ama ni Sealtiel;+ ni Sealtiel isu ti ama ni Zorobabel;+ 13  ni Zorobabel isu ti ama ni Abiud; ni Abiud isu ti ama ni Eliakim; ni Eliakim isu ti ama ni Azor; 14  ni Azor isu ti ama ni Sadok; ni Sadok isu ti ama ni Aquim; ni Aquim isu ti ama ni Eliud; 15  ni Eliud isu ti ama ni Eleazar; ni Eleazar isu ti ama ni Matan; ni Matan isu ti ama ni Jacob; 16  ni Jacob isu ti ama ni Jose nga asawa ni Maria, a kenkuana nayanak ni Jesus,+ a maawagan Kristo.+ 17  Amin dagiti kaputotan, ngarud, manipud ken Abraham agingga ken David sangapulo ket uppat a kaputotan, ket manipud ken David agingga iti pannakaidestiero idiay Babilonia sangapulo ket uppat a kaputotan, ket manipud iti pannakaidestiero idiay Babilonia agingga iti Kristo sangapulo ket uppat a kaputotan. 18  Ngem kastoy ti pannakayanak ni Jesu-Kristo. Kabayatan ti tiempo a ni inana a Maria naikari+ a mayasawa ken Jose, nasarakan a nagsikog babaen iti nasantuan nga espiritu+ sakbay a napagmaymaysada. 19  Nupay kasta, ni Jose nga asawana, agsipud ta nalinteg ken saanna a kayat a pagbalinen a bubuyaen iti publiko,+ pinanggepna nga idiborsio+ a sililimed. 20  Ngem kalpasan a napampanunotna dagitoy a banag, adtoy! ti anghel ni Jehova nagparang kenkuana iti tagtagainep, a kunkunana: “Jose, anak ni David, dika agamak a mangyawid ken Maria nga asawam, ta dayta nabukel kenkuana ket babaen iti nasantuan nga espiritu.+ 21  Mangipasngayto iti anak a lalaki, ket masapul a panaganam iti Jesus,+ ta isalakannanto+ ti ilina+ kadagiti basolda.”+ 22  Amin daytoy iti kinaagpaysuanna napasamak tapno matungpal daydiay sinao ni Jehova+ babaen iti mammadtona,+ a kunkunana: 23  “Adtoy! Ti birhen+ agsikogto ket mangipasngayto iti anak a lalaki, ket panaganandanto iti Emmanuel,”+ a kayatna a sawen, no maipatarus, “Adda Kadatayo ti Dios.”+ 24  Idin nagriing ni Jose manipud iti turogna ket inaramidna ti kas iti inwanwan kenkuana ti anghel ni Jehova, ket inyawidna ti asawana. 25  Ngem saan a nakidenna+ kenkuana agingga a nangipasngay iti anak a lalaki;+ ket pinanagananna iti Jesus.+

Footnotes