Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Marcos 9:1-50

9  Kanayonanna pay, kinunana kadakuada: “Pudno kunak kadakayo, Adda sumagmamano kadagidiay sitatakder ditoy a saandanto a pulos maramanan ni patay agingga nga umuna pay a makitada ti pagarian ti Dios nga immayen iti pannakabalinna.”+  Iti kasta innem nga aldaw kalpasanna inkuyog ni Jesus da Pedro ken Santiago ken Juan, ket impanna ida iti maysa a nangato a bantay nga is-isuda. Ket nagbalbaliw ti langana iti sanguananda,+  ket simmilap dagiti makinruar a kawesna, adayo a napudpudaw ngem iti mabalin a panangpapudaw kadakuada ti asinoman nga agdaldalus kadagiti lupot ditoy daga.+  Kasta met, nagparang kadakuada ni Elias agraman ni Moises, ket makisasaoda ken Jesus.+  Ket kas panagtignay kinuna ni Pedro ken Jesus: “Rabbi, nasayaat no ditoytayon, gapuna mangibangontayo iti tallo a tolda, maysa ti maipaay kenka ket maysa ti maipaay ken Moises ket maysa ti maipaay ken Elias.”+  Iti kinapudnona, saanna nga ammo no ania ti isungbatna, ta mabutbutengda unay.  Ket nabukel ti maysa nga ulep, a nanglinong kadakuada, ket adda timek+ a naggapu iti ulep: “Daytoy ti Anakko,+ ti dungdungnguen; agimdengkayo kenkuana.”+  Pagammuan, nupay kasta, kimmitada iti aglikmut ket awan ti nakitadan a kaduada, malaksid laeng ken Jesus.+  Bayat a sumalsalogda iti bantay, binilinna ida a silalawag a saanda a salaysayen+ iti asinoman ti nakitada, agingga iti kalpasan a bimmangonen ti Anak ti tao manipud kadagiti natay.+ 10  Ket impapusoda ti sao, ngem nagsasaritaanda iti nagtetengngaanda no ania ti kaipapanan daytoy nga ibabangon manipud kadagiti natay. 11  Ket rinugianda ti agsaludsod kenkuana, a kunkunada: “Apay a kuna dagiti eskriba a masapul nga umay+ nga umuna ni Elias?”+ 12  Kinunana kadakuada: “Ni Elias umay nga umuna ket isublina amin a bambanag;+ ngem kasano nga adda a naisurat maipapan iti Anak ti tao nga isu masapul nga agpasar iti adu a panagsagaba+ ken matrato a kas awan patpategna?+ 13  Ngem kunak kadakayo, ni Elias,+ iti kinapudnona, immayen, ket inaramidda kenkuana ti amin a bambanag a kinayatda, kas iti adda a naisurat maipapan kenkuana.”+ 14  Itan, idi a dimtengdan kadagiti dadduma pay nga adalan, nakitada ti maysa a dakkel a bunggoy iti aglawlawda ken dagiti eskriba a makisupsupiat kadakuada.+ 15  Ngem apaman nga isu nakita ti intero a bunggoy naglagawda, ket, idi nagtatarayda nga immasideg kenkuana, rinugianda a kablaawan. 16  Ket inimtuodna kadakuada: “Ania ti pakisupsupiatanyo kadakuada?” 17  Ket insungbat kenkuana ti maysa nga adda iti bunggoy: “Mannursuro, inyegko kenka ti anakko a lalaki agsipud ta isu addaan iti umel nga espiritu;+ 18  ket sadinoman a pakakemmeganna kenkuana isu itublakna iti daga, ket isu aglabutab ken ingaretngetna dagiti ngipenna ket mapukawna ti pigsana. Ket imbagak kadagiti adalam a paruarenda dayta, ngem saanda a kabalinan.”+ 19  Kas sungbat kinunana kadakuada: “O awanan pammati a kaputotan,+ kasano kabayag a masapul nga agtalinaedak kadakayo? Kasano kabayag a masapul nga aganusak kadakayo? Iyegyo kaniak.”+ 20  Gapuna isu inyegda kenkuana. Ngem apagkitana kenkuana madagdagus a ti espiritu pinagkuyegyegna ti ubing, ket kalpasan a naitublak iti daga isu nagtulidtulid, nga aglablabutab.+ 21  Ket inimtuodna iti amana: “Kasano kabayagen a mapaspasamak daytoy kenkuana?” Kinunana: “Manipud pay kinaubingna; 22  ket maulit-ulit nga isu ipuruak dayta agpadpada iti apuy ken iti danum tapno dadaelenna.+ Ngem no mabalinam nga aramiden ti aniaman, maasianka kadakami ket tulongannakami.” 23  Kinuna kenkuana ni Jesus: “Dayta nga ebkas, ‘No mabalinam’! Ay ket, amin a bambanag mabalin iti maysa no isu addaan iti pammati.”+ 24  Dagus nga idi a nagikkis, kinuna ti ama ti ubing: “Addaanak iti pammati! Tulongannak no sadino a kasapulak ti pammati!”+ 25  Ni Jesus, nga itan makitkitana a maysa a bunggoy ti agtataray a sangsangkamaysa nga agturong kadakuada, binabalawna+ ti narugit nga espiritu, a kunkunana iti dayta: “Sika nga umel ken tuleng nga espiritu, ibilinko kenka, rummuarka kenkuana ket saankan a sumrek kenkuana.” 26  Ket kalpasan a nagikkis ken nagpasar iti adu a panagkuyegyeg rimmuar dayta;+ ket nagbalin a kasla natay, iti kasta ti ad-adu kadakuada kinunkunada: “Natayen!” 27  Ngem iniggaman ni Jesus iti imana ket binangonna, ket bimmangon.+ 28  Gapuna kalpasan a simrek iti maysa a balay rinugian dagiti adalanna nga iyimtuod kenkuana iti pribado: “Apay a saanmi a nabalinan a paruaren dayta?”+ 29  Ket kinunana kadakuada: “Daytoy a kita di mabalin a maparuar babaen iti aniaman malaksid no babaen iti kararag.”+ 30  Manipud sadiay pimmanawda ket dimmalanda iti Galilea, ngem saanna a kayat a maammuan dayta ti asinoman. 31  Ta isursurona idi kadagiti adalanna ken ibagbagana kadakuada: “Ti Anak ti tao mayawat iti im-ima dagiti tattao, ket papatayendanto,+ ngem, uray pay mapapatay, maibangonto tallo nga aldaw kalpasanna.”+ 32  Nupay kasta, saanda a maaw-awatan idi ti sasao, ket nagamakda nga agsaludsod kenkuana.+ 33  Ket dimtengda idiay Capernaum. Ita idi adda iti uneg ti balay insaludsodna kadakuada: “Ania ti nagririkiaranyo iti dalan?”+ 34  Nagulimekda, ta iti dalan nagririkiaranda no asino ti dakdakkel.+ 35  Gapuna isu nagtugaw ket inayabanna dagiti sangapulo ket dua ket kinunana kadakuada: “No ti asinoman agtarigagay nga agbalin nga umuna, isu masapul a maudi iti isuamin ken agserbi iti isuamin.”+ 36  Ket nangala iti maysa nga ubing, pinagtakderna iti tengngada ket inyarakupna dagiti takiagna iti dayta ket kinunana kadakuada:+ 37  “Siasinoman nga umawat iti maysa kadagiti kastoy nga ubbing maigapu iti naganko, awatennak; ket siasinoman nga umawat kaniak, awatenna, saan laeng a siak, no di ket kasta met daydiay nangibaon kaniak.”+ 38  Kinuna kenkuana ni Juan: “Mannursuro, nakakitakami iti maysa a tao a mangparparuar kadagiti sairo babaen ti panangusar iti naganmo ket pinadasmi a lapdan,+ agsipud ta saan a kumuykuyog kadatayo.”+ 39  Ngem kinuna ni Jesus: “Dikay padasen a lapdan, ta awan ti asinoman nga agaramidto iti mannakabalin nga aramid maibatay iti naganko a sidadarasto a makabael a mangrabngis kaniak;+ 40  ta ti saan a bumusor kadatayo dumasig kadatayo.+ 41  Ta siasinoman a mangted kadakayo iti kopa+ ti danum nga inumen gapu ta kukuanakayo ni Kristo,+ pudno nga ibagak kadakayo, saannanto a pulos mapukaw ti gunggonana. 42  Ngem siasinoman a mangitibkol iti maysa kadagitoy babassit a mamati, nasaysayaat kenkuana no maigalut iti tengngedna ti maysa a gilingan a bato a kas iti puspusiposen ti asno ket isu pudno a maitapuak iti baybay.+ 43  “Ket no itibkolnaka ta imam, putdem; nasaysayaat a pawadka a sumrek iti biag ngem ti addaanka iti dua nga ima a mapanka iti Gehenna, iti apuy a di mabalin a maiddep.+ 44  —— 45  Ket no itibkolnaka ta sakam, putdem; nasaysayaat a pilayka a sumrek iti biag+ ngem ti addaanka iti dua a saka a maitapuakka iti Gehenna.+ 46  —— 47  Ket no itibkolnaka ta matam, ibellengmo;+ nasaysayaat a buldingka a sumrek iti pagarian ti Dios ngem ti addaanka iti dua a mata a maitapuakka iti Gehenna,+ 48  a sadiay dagiti iggesda saan a matay ket ti apuy di maiddep.+ 49  “Ta tunggal maysa masapul a maasinan+ iti apuy. 50  Ti asin nasayaat; ngem no ti asin mapukawna ti bilegna, ania ti pangtemplayo iti dayta met laeng?+ Maaddaankayo iti asin+ iti bagbagiyo, ket salimetmetanyo ti talna+ iti nagbabaetan ti maysa ken maysa.”

Footnotes