Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Marcos 7:1-37

7  Ita dagiti Fariseo ken sumagmamano kadagiti eskriba a naggapu idiay Jerusalem naguurnongda iti asidegna.+  Ket idi nakitada a sumagmamano kadagiti adalanna manganda a natulawan dagiti imada, kayatna a sawen, di nabugguan+  ta dagiti Fariseo ken amin dagiti Judio saanda a mangan malaksid no bugguanda dagiti imada agingga iti siko, a salsalimetmetanda a sititibker ti tradision dagiti tattao kadagidi immun-una a tiempo,  ket, no agsublida manipud tiendaan, saanda a mangan malaksid no dalusanda ti bagbagida babaen ti panangwarsi; ket adu pay a sabsabali a tradision+ ti inawatda tapno salimetmetanda a sititibker, dagiti bautismo kadagiti kopa ken kadagiti harra ken kadagiti basehas a gambang;+  gapuna inimtuod kenkuana dagitoy a Fariseo ken eskriba: “Apay a dagiti adalam saanda nga agbibiag mayannurot iti tradision dagiti tattao kadagidi nagkauna a tiempo, no di ket manganda a natulawan dagiti imada?”+  Kinunana kadakuada: “Ni Isaias mayanatup a nagipadto maipapan kadakayo a managinsisingpet, kas iti adda a naisurat,+ ‘Daytoy nga ili dayawennak kadagiti bibigda, ngem dagiti pusoda adayo kaniak.+  Kinaubbaw nga agtultuloyda nga agdaydayaw kaniak, agsipud ta isuroda kas doktrina ti bilbilin dagiti tattao.’+  Ta baybay-anyo ti bilin ti Dios, salsalimetmetanyo a sititibker ti tradision dagiti tattao.”+  Kanayonanna, kinunana pay kadakuada: “Silalaing nga inwalinyo ti bilin+ ti Dios tapno pagtalinaedenyo ti tradisionyo. 10  Kas pagarigan, kinuna ni Moises, ‘Dayawem ni amam ken ni inam,’+ ken, ‘Ti mangrabngis iti ama wenno ina manungpal koma iti ipapatay.’+ 11  Ngem dakayo kunayo, ‘No ti maysa a tao kunaenna iti amana wenno inana: “Aniaman nga adda kaniak a pakagunggonaam koma kaniak ket korban,+ (kayatna a sawen, maysa a sagut a naidedikar+ iti Dios,)”’— 12  dikay ipalubosen nga isu agaramid iti maysa a banag maipaay ken ni amana wenno inana,+ 13  ket iti kasta pagbalinenyo nga awan kapapay-an ti sao ti Dios+ babaen iti tradisionyo nga inyawatyo. Ket adu a banag+ nga umasping iti daytoy ti aramidenyo.” 14  Gapuna, idi inayabanna manen ti bunggoy, kinunana kadakuada: “Imdengandak, dakayo amin, ket tarusanyo ti kaipapananna.+ 15  Awan ti banag manipud iti ruar ti tao a sumrek kenkuana ti mabalin a mangtulaw kenkuana; no di ket ti bambanag a rummuar manipud iti tao isuda ti bambanag a mangtulaw iti tao.”+ 16  —— 17  Ita idi nakastrek iti maysa a balay nga adayo iti bunggoy, nangrugi nga agsaludsod kenkuana dagiti adalanna maipapan iti pangngarig.+ 18  Gapuna kinunana kadakuada: “Awanankayo met kadi iti pannakaawat a kas kadakuada?+ Saanyo aya nga ammo nga awan ti banag manipud iti ruar a sumrek iti tao a mabalin a mangtulaw kenkuana, 19  yantangay sumrek dayta, saan nga iti pusona, no di ket kadagiti bagisna, ket lumasat a rummuar iti pagiblengan?”+ Iti kasta indeklarana a nadalus amin a taraon.+ 20  Kanayonanna, kinunana: “Daydiay rummuar manipud iti tao isu ti mangtulaw iti tao;+ 21  ta manipud iti uneg, manipud iti puso dagiti tattao,+ rummuar dagiti makadangran a panagrasrason: dagiti pannakiabig,+ dagiti panagtakaw, dagiti panangpapatay,+ 22  dagiti pannakikamalala, dagiti panagagum,+ dagiti aramid ti kinadangkes, allilaw, nalulok a kababalin,+ naapal a mata, panagtabbaaw, kinatangsit, di kinanainkalintegan. 23  Amin dagitoy a nadangkes a banag rummuarda manipud iti uneg ket tulawanda ti tao.”+ 24  Manipud sadiay isu timmakder ket napan kadagiti rehion ti Tiro ken Sidon.+ Ket simrek iti maysa a balay ket saanna a kayat a maammuan ti asinoman. Kaskasdi a saanna a maliklikan ti pannakadlaw;+ 25  no di ket dagus a maysa a babai a ti balasitangna addaan iti narugit nga espiritu nangngegna ti maipapan kenkuana ket immay ket nagruknoy kadagiti sakana.+ 26  Ti babai ket taga Grecia, umili ti Sirofenicia; ket kinidkiddawna kenkuana a paruarenna ti sairo manipud iti anakna a babai.+ 27  Ngem nangrugi babaen ti panangikuna kenkuana: “Bay-an a mapnek nga umuna ti annak, ta saan nga umiso nga alaen ti tinapay ti annak+ ket ipuruak dayta kadagiti uken.”+ 28  Kas sungbat, nupay kasta, kinunana kenkuana: “Wen, apo, ngem kaskasdi a dagiti uken iti sirok ti lamisaan manganda kadagiti murkat+ ti babassit nga annak.”+ 29  Iti kasta kinunana kenkuana: “Gapu iti panangisaom iti daytoy, mapankan; ti sairo rimmuaren manipud iti anakmo a babai.”+ 30  Gapuna isu nagawid iti pagtaenganna ket nasarakanna+ ti ubing a nakaidda iti pagiddaan ket ti sairo rimmuaren. 31  Itan idi nagsubli manipud kadagiti rehion ti Tiro isu limmasat iti Sidon nga agturong iti baybay ti Galilea agingga iti nagbabaetan dagiti rehion ti Decapolis.+ 32  Ditoy inyegda kenkuana ti maysa a lalaki a tuleng ken adda lapped ti panagsaona, ket nagpakaasida kenkuana nga ipatayna kenkuana ti imana.+ 33  Ket inyadayona a pribado manipud iti bunggoy ket inkabilna dagiti ramayna kadagiti lapayag ti lalaki ket, kalpasan a timmupra, sinagidna ti dilana.+ 34  Ket idi timmangad sadi langit+ isu nagsennaay+ iti nauneg ket kinunana kenkuana: “Effatha,” kayatna a sawen, “Maluktanka.” 35  Ala ket, naluktan dagiti pannakabalinna a dumngeg,+ ken nawarwar ti lapped ti dilana, ket nangrugi nga agsao a kas iti gagangay. 36  Gapuna binilinna ida a saanda nga ibagbaga iti asinoman;+ ngem bayat nga ad-adda a bilinenna ida, ad-adda met nga iwaragawagda dayta.+ 37  Pudno, nalabes unay ti panagsiddaawda+ ket kinunada: “Naimbag ti panangaramidna iti amin a bambanag. Pagbalinenna pay a makangngeg dagiti tuleng ken makasao dagiti umel.”+

Footnotes