Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Marcos 5:1-43

5  Ala ket, nakadanonda iti sabali a bangir ti baybay iti pagilian dagiti Geraseno.+  Ket dagus kalpasan a dimsaag iti barangay maysa a tao nga adda iti pannakabalin ti narugit nga espiritu ti simmabet kenkuana manipud kadagiti pakalaglagipan a tanem.+  Ayuyangna ti nagtetengngaan dagiti tanem; ket agingga iti dayta a tiempo awan a pulos ti asinoman a makabael a mangparaut kenkuana uray pay babaen iti kawar,  agsipud ta masansan a naparautan kadagiti grilios ken kawkawar, ngem nakettana dagiti kawar ket pudno a napekka dagiti grilios; ket awan ti asinoman nga addaan bileg a mangparukma kenkuana.  Ket agtultuloy, rabii ken aldaw, agik-ikkis kadagiti tanem ken kadagiti bantay ket iw-iwaenna ti bagina babaen kadagiti bato.  Ngem idi makitana ni Jesus manipud iti adayo isu timmaray ket nagruknoy kenkuana,  ket, idi nakapagikkis iti natbag a timek,+ kinunana: “Ania ti bibiangko kenka, Jesus, Anak ti Kangatuan a Dios?+ Pagsapataenka+ babaen ti Dios a saannak a tuoken.”+  Ta imbagbagana iti dayta: “Rummuarka manipud iti tao, sika a narugit nga espiritu.”+  Ngem rinugianna nga imtuoden kenkuana: “Ania ti naganmo?” Ket kinunana kenkuana: “Ti naganko ket Lehion,+ agsipud ta adukami.”+ 10  Ket nagpakaasi kenkuana iti adu a daras a saanna a papanawen dagiti espiritu manipud iti pagilian.+ 11  Ita maysa a dakkel a pangen+ dagiti baboy ti adda idi idiay bantay nga agar-arabda.+ 12  Gapuna nagpakaasida kenkuana, a kunkunada: “Ibaonnakami kadagiti baboy, tapno sumrekkami kadakuada.” 13  Ket pinalubosanna ida. Gapuna rimmuar dagiti narugit nga espiritu ket simrekda kadagiti baboy; ket ti pangen nagdaruros iti teppang nga agturong iti baybay, agarup dua ribuda, ket nalmesda nga agsasaruno iti baybay.+ 14  Ngem nagtalaw dagiti agtartaraken kadakuada ket impadamagda dayta iti siudad ken iti aw-away; ket immay dagiti tattao tapno kitaenda no ania dayta a napasamak.+ 15  Gapuna dimtengda ken Jesus, ket nakitada ti lalaki a nagunggan ti sairo nga agtugtugaw a sikakawesen ken nasimbengen ti panunotna, daytoy a lalaki nga addaan idi iti lehion; ket nagbutengda. 16  Kasta met, dagidiay nakakita iti dayta insalaysayda kadakuada no kasano a napasamak daytoy iti lalaki a nagunggan ti sairo ken ti maipapan kadagiti baboy. 17  Ket ngarud rinugianda ti agpakaasi kenkuana a pumanaw kadagiti distritoda.+ 18  Itan bayat a lumuglugan iti barangay, ti lalaki a nagunggan idi ti sairo nangrugi nga agpakaasi kenkuana tapno agtultuloy koma a kumuyog kenkuana.+ 19  Nupay kasta, saanna a pinalubosan, no di ket kinunana kenkuana: “Agawidka kadagiti kabagiam,+ ket ipadamagmo kadakuada ti amin a bambanag nga inaramid kenka ni Jehova+ ken ti panangngaasina+ kenka.” 20  Ket isu pimmanaw ket rinugianna nga iwaragawag idiay Decapolis+ ti amin a bambanag nga inaramid kenkuana ni Jesus, ket amin dagiti tattao nangrugida nga agsiddaaw.+ 21  Kalpasan a ni Jesus nakaballasiw manen a nagbarangay iti bangir nga igid ti baybay maysa a dakkel a bunggoy ti naguurnong a sangsangkamaysa kenkuana; ket isu adda idi iti denna ti baybay.+ 22  Ita maysa kadagiti mangidadaulo nga opisial ti sinagoga, a Jairo ti naganna, immay ket, idi makitana, nagruknoy kadagiti sakana+ 23  ket nagpakpakaasi kenkuana iti adu a daras, a kunkunana: “Ti balasitangko nakaro ti kasasaadna. Pangngaasim kadi ta umayka ket ipataymo kenkuana dagita imam+ tapno umimbag koma ket agbiag.”+ 24  Iti kasta nakikuyog kenkuana. Ket maysa a dakkel a bunggoy ti sumursurot idi kenkuana ken mangdupdupudop kenkuana.+ 25  Ita adda idi ti maysa a babai a sangapulo ket dua a tawenen+ nga agpaspasar iti panagbulos ti dara,+ 26  ket adu a rigat ti impapaay kenkuana ti adu a mangngagas+ ken nabusbosna aminen dagiti sanikuana ket awan nagunggonana ngem, imbes ketdi, kimmaro. 27  Idi nangngegna ti bambanag maipapan ken Jesus, immay iti likudan iti bunggoy ket sinagidna+ ti makinruar a kawesna; 28  ta kinunkunana: “No masagidko uray laeng dagiti makinruar a kawesna umimbagakto.”+ 29  Ket dagus a ti ubbog ti darana naabbatan, ket nariknana iti bagina a napaimbagen iti nadagsen a sakit.+ 30  Madagdagus, nadlaw met ni Jesus iti bagina nga adda pannakabalin a rimmuar kenkuana,+ ket sinangona ti bunggoy ket rinugianna a kunaen: “Asino ti nangsagid kadagiti makinruar a kawesko?”+ 31  Ngem rinugian a kunaen kenkuana dagiti adalanna: “Makitam a dupdupudopennaka ti bunggoy,+ ket kunaem kadi, ‘Asino ti nangsagid kaniak?’” 32  Nupay kasta, kumitkita idi iti aglikmut tapno makitana daydiay nangaramid iti daytoy. 33  Ngem ti babai, a napabutngan ken agpigpigerger, yantangay ammona ti napasamak kenkuana, immay ket nagkurno iti sanguananna ket imbagana kenkuana ti intero a kinapudno.+ 34  Kinunana kenkuana: “Anak, ti pammatim pinaimbagnaka. Mapanka a sitatalna,+ ket sumalun-atka koma iti nadagsen a sakitmo.”+ 35  Bayat nga agsasao pay laeng, immay ti sumagmamano a lallaki manipud iti pagtaengan ti mangidadaulo nga opisial ti sinagoga ket kinunada: “Natayen ti anakmo a babai! Apay pay laeng a ringgorem ti mannursuro?”+ 36  Ngem ni Jesus, idi maallingagna ti sao a maisasao, kinunana iti mangidadaulo nga opisial ti sinagoga: “Dika agbuteng, watwatem laeng ti pammati.”+ 37  Ita saanna nga impalubos nga adda asinoman a sumurot kenkuana malaksid kada Pedro ken Santiago ken Juan a kabsat ni Santiago.+ 38  Gapuna dimtengda iti balay ti mangidadaulo nga opisial ti sinagoga, ket nakitana ti panagkakaribuso ken dagidiay agsangsangit ken agdungdung-aw iti kasta unay, 39  ket, kalpasan ti iseserrekna, kinunana kadakuada: “Apay nga agkakaribusokayo ken agsangsangitkayo? Saan a natay ti ubing, no di ket matmaturog.”+ 40  Gapu itoy rinugianda a katawaan a silalais. Ngem, idi naparuarna ida amin, inkuyogna ti ama ken ina ti ubing ken dagidiay naikuyog kenkuana, ket simrek iti ayan ti ubing.+ 41  Ket, idi iniggamanna ti ima ti ubing, kinunana kenkuana: “Talitha cumi,” a, no maipatarus, kayatna a sawen: “Balasang, kunak kenka, Bumangonka!”+ 42  Ket dagus a timmakder ti balasang ket nangrugi a nagna, ta sangapulo ket dua idi ti tawenna. Ket dagus a saanda a natngelan ti riknada buyogen ti dakkel a panagsiddaaw.+ 43  Ngem maulit-ulit nga imbilinna kadakuada nga awan koma ti makaammo+ iti daytoy, ket kinunana nga ikkanda iti makan.

Footnotes