Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Marcos 2:1-28

2  Nupay kasta, kalpasan ti sumagmamano nga aldaw isu simrek manen idiay Capernaum ket naipadamag nga adda iti pagtaengan.+  Gapu itoy adu ti naguurnong, iti kasta awanen ti paglugaran, awan uray iti asideg ti ridaw, ket rinugianna a sawen ti sao+ kadakuada.  Ket adda tattao a nangyeg kenkuana iti paralitiko nga inawit ti uppat.+  Ngem yantangay saanda a mabalinan nga iyeg agingga a mismo ken Jesus maigapu iti bunggoy, inikkatda ti atep iti ngatuen ti ayanna idi, ket idi nakabuttawda imbabada ti langkapi a pagid-iddaan ti paralitiko.+  Ket idi nakita ni Jesus ti pammatida+ kinunana iti paralitiko: “Anak, mapakawan dagiti basolmo.”+  Ita adda idi sadiay ti sumagmamano kadagiti eskriba, a situtugaw ken irasrasonda iti puspusoda:+  “Apay nga agsasao daytoy a tao iti kastoy? Agtabtabbaaw. Siasino ti makapakawan kadagiti basol malaksid ti maysa, ti Dios?”+  Ngem ni Jesus, yantangay nailasinna a dagus babaen iti espirituna nga agrasrasonda iti kasta iti bagbagida, kinunana kadakuada: “Apay nga irasrasonyo dagitoy a banag iti puspusoyo?+  Ania ti nalaklaka, ti panangikuna iti paralitiko, ‘Mapakawan dagiti basolmo,’ wenno ti panangikuna, ‘Bumangonka ket bagkatem ta langkapim ket magnaka’?+ 10  Ngem tapno maammuanyo a ti Anak ti tao+ addaan autoridad a mangpakawan kadagiti basol iti rabaw ti daga,”+—kinunana iti paralitiko: 11  “Kunak kenka, Bumangonka, bagkatem ta langkapim, ket agawidka iti pagtaengam.”+ 12  Gapuna bimmangon, ket dagus a binagkatna ti langkapina ket nagna a rimmuar iti sanguananda amin,+ iti kasta pudno a nagsiddaawda amin, ket indaydayawda ti Dios, a kunkunada: “Saantay pay a pulos nakakita iti kasta.”+ 13  Isu napan manen iti igid ti baybay; ket nagtultuloy nga immay kenkuana ti intero a bunggoy, ket rinugianna nga isuro ida. 14  Ngem bayat nga isu lumablabas idi, nakitana ni Levi+ nga anak ni Alfeo a situtugaw iti pagsingiran iti buis, ket kinunana kenkuana: “Agbalinka a pasurotko.” Ket idi a timmakder simmurot kenkuana.+ 15  Kalpasanna naaramid nga isu sisasadag iti panganan idiay balayna, ket adu nga agsingsingir iti buis+ ken managbasol ti sisasadag a kadua ni Jesus ken dagiti adalanna, ta aduda idi ket rinugianda ti simmurot kenkuana.+ 16  Ngem dagiti eskriba dagiti Fariseo, idi nakitada a makipangpangan kadagiti managbasol ken kadagiti agsingsingir iti buis, rinugianda a kinuna kadagiti adalanna: “Makipangan aya kadagiti agsingsingir iti buis ken kadagiti managbasol?”+ 17  Idi mangngegna daytoy kinuna kadakuada ni Jesus: “Dagidiay napipigsa saanda a kasapulan ti mangngagas, no di ket dagidiay masakit. Immayak agayab, saan a kadagiti nalinteg a tattao, no di ket kadagiti managbasol.”+ 18  Ita ti ad-adalan ni Juan ken dagiti Fariseo inannurotda ti panagayunar. Gapuna immayda ket kinunada kenkuana: “Apay a ti ad-adalan ni Juan ken ti ad-adalan dagiti Fariseo annurotenda ti panagayunar, ngem ti ad-adalam saanda nga annuroten ti panagayunar?”+ 19  Ket kinuna kadakuada ni Jesus: “Mabalin kadi nga agayunar dagiti gagayyem ti nobio bayat nga adda kadakuada ti nobio?+ Agingga nga adda kadakuada ti nobio saanda a mabalin ti agayunar.+ 20  Ngem umayto dagiti aldaw a ti nobio maipanaw kadakuada, ket iti kasta agayunardanto iti dayta nga aldaw.+ 21  Awan ti asinoman a mangidait iti di kimsen a lupot a pangtakup iti daan a makinruar a kawes; no aramidenna, napigsa ti panangguyodna, ti baro manipud iti daan, ket kumaro ti pigisna.+ 22  Kasta met, awan ti asinoman a mangikabil iti baro nga arak kadagiti daan a supot a lalat; no aramidenna, ti arak bettakenna dagiti lalat, ket ti arak mapukaw kasta met dagiti lalat.+ No di ket mangikabil dagiti tattao iti baro nga arak kadagiti baro a supot a lalat.”+ 23  Ita napasamak nga isu lumaslasat idi iti kataltalonan iti sabbath, ket dagiti adalanna rinugianda ti dumalan nga agrurrurosda+ kadagiti dawa iti binukel.+ 24  Gapuna kinuna kenkuana dagiti Fariseo: “Kitaem daytoy! Apay nga ar-aramidenda iti sabbath ti di nainkalintegan?”+ 25  Ngem kinunana kadakuada: “Saanyo kadi a pulos nabasa uray naminsan no ania ti inaramid ni David+ idi a nagkasapulan ket nagbisin, isu ken dagiti lallaki a naikuyog kenkuana?+ 26  No kasano nga isu simrek iti balay ti Dios, iti salaysay maipapan ken ni Abiatar+ a panguluen a padi, ket kinnanna dagiti tinapay ti panangidiaya,+ a di nainkalintegan+ a kanen ti asinoman malaksid ti papadi, ket inikkanna met dagiti lallaki a naikuyog kenkuana?”+ 27  Gapuna intultuloyna a kunaen kadakuada: “Napaadda ti sabbath maigapu iti tao,+ ket saan a ti tao maigapu iti sabbath;+ 28  no kasta ti Anak ti tao ket Apo uray pay ti sabbath.”+

Footnotes