Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Marcos 16:1-20

16  Gapuna idi napalabasen ti sabbath,+ ni Maria Magdalena,+ ken ni Maria nga ina ni Santiago, ken ni Salome gimmatangda kadagiti especia tapno umayda ket isu sapsapuanda.+  Ket nakasapsapa unay iti umuna nga aldaw+ ti lawas immayda iti pakalaglagipan a tanem, idi limgaken ti init.+  Ket kinunkunada iti maysa ken maysa: “Asino ti mangitulid maipaay kadatayo iti bato manipud ruangan ti pakalaglagipan a tanem?”  Ngem idi timmangwada, nakitada a naituliden ti bato, nupay nakadakdakkel dayta.+  Idi simrekda iti pakalaglagipan a tanem, nakitada ti maysa nga agtutubo a lalaki a situtugaw iti makannawan a sikigan a nakakawes iti puraw a pagan-anay, ket naglagawda.+  Kinunana kadakuada: “Sumardengkayo nga aglagaw. Sapsapulenyo ni Jesus a Nazareno, a nailansa.+ Isu naibangonen,+ awan ditoy. Kitaenyo! Ti disso a nangipaiddaanda kenkuana.+  Ngem mapankayo, ibagayo kadagiti adalanna ken ni Pedro, ‘Isu mapan nga umun-una ngem dakayo idiay Galilea;+ sadiay makitayonto, kas iti imbagana kadakayo.’”+  Gapuna idi rimmuarda nagtalawda iti pakalaglagipan a tanem, ta nakemmegda iti panagpigerger ken napalaus a rikna. Ket awan ti asinoman a nangibagaanda iti aniaman, ta nagbutengda.+ ABABA A PANGSERRA Ti sumagmamano a naud-udi a manuskrito ken bersion naglaonda iti ababa a pangserra kalpasan ti Marcos 16:8, kas ti sumaganad: Ngem ti amin a bambanag a naibilin sinalaysayda iti ababa kadagidiay adda iti aglawlaw ni Pedro. Kanayonanna, kalpasan dagitoy a banag, ni Jesus a mismo impatulodna babaen kadakuada manipud iti daya agingga iti laud ti nasantuan ken di agrupsa a pannakaiwaragawag ti agnanayon a pannakaisalakan. ATIDDOG A PANGSERRA Ti dadduma a kadaanan a manuskrito (Codex Alexandrinus, Codex Ephraemi, Codex Bezae) ken bersion (Latin Vulgate, Curetonian Syriac, Syriac Peshitta) inayonda ti sumaganad nga atiddog a pangserra, ngem ikkaten dayta ti Codex Sinaiticus, Codex Vaticanus, ti Sinaitic Syriac codex, ken ti Armenian Version:  Kalpasan a bimmangon a nasapa iti umuna nga aldaw ti lawas isu nagparang nga umuna ken ni Maria Magdalena, a nangparuaranna iti pito a sairo. 10  Isu napan ket impadamagna kadagidiay nakikadkadua kenkuana, bayat nga agledleddaang ken agsangsangitda. 11  Ngem isuda, idi nangngegda nga isu nagbiag ket naimatanganna, saanda a pinati. 12  Mainayon pay, kalpasan dagitoy a banag isu nagparang iti sabali a langa iti dua kadakuada a magmagna, bayat a mapmapanda idi idiay away; 13  ket nagsublida ket impadamagda kadagiti dadduma. Saanda met a pinati dagitoy. 14  Ngem idi agangay isu nagparang kadagiti mismo a sangapulo ket maysa bayat a sisasadagda iti panganan, ket dinillawna ti kaawan ti pammatida ken kinatangken ti panagpuspusoda, agsipud ta saanda a pinati dagidiay nakakita kenkuana a naibangonen manipud kadagiti natay. 15  Ket kinunana kadakuada: “Mapankayo iti intero a lubong ket ikasabayo ti naimbag a damag iti amin a parsua. 16  Ti mamati ken mabautisaran maisalakanto, ngem ti di mamati makondenarto. 17  Kanayonanna pay, dagitoy a pagilasinan kumuyogto kadagidiay mamati: Babaen ti panangusar iti naganko mangparuardanto kadagiti sairo, agsaodanto kadagiti pagsasao, 18  ket babaen kadagiti imada mangpidutdanto kadagiti serpiente, ket no uminumda iti aniaman a makapapatay saannanto a pulos saktan ida. Ipataydanto dagiti imada kadagiti masakit a tattao, ket umimbagto dagitoy.” 19  Iti kasta, ngarud, ni Apo Jesus, kalpasan a nagsao kadakuada, naipangato sadi langit ket nagtugaw iti makannawan ti Dios. 20  Isuda, mayanatup unay, rimmuarda ket nangasabada iti isuamin a lugar, bayat a ti Apo nakipagtrabaho kadakuada ken pinatalgedanna ti mensahe babaen kadagiti maipakpakuyog a pagilasinan.

Footnotes