Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Marcos 15:1-47

15  Ket idi agbannawag dagus a nagiinnuman ti panguluen a papadi agraman dagiti lallakay ken dagiti eskriba,+ uray ti intero a Sanhedrin, ket pinarautanda ni Jesus ken inturongda ket inyawatda ken ni Pilato.+  Gapuna insaludsod kenkuana ni Pilato: “Sika kadi ti ari+ dagiti Judio?” Kas sungbat kenkuana kinunana: “Sika kunam dayta.”+  Ngem isu inakusar ti panguluen a papadi iti adu a bambanag.+  Ita rinugian manen ni Pilato ti agsaludsod kenkuana, a kunkunana: “Awan kadi ti maisungbatmo?+ Kitaem no kasano kaadu ti pammabasol nga iparparangda maibusor kenka.”+  Ngem awan ti kanayonan nga insungbat ni Jesus, iti kasta nangrugi nga agsiddaaw ni Pilato.+  Ala ket, iti tunggal piesta kadawyanna ti mangluk-at kadakuada iti maysa a balud, a dawatenda.+  Iti dayta a tiempo adda idi ti maaw-awagan Barabas a sibabalud a kadua dagiti managalsa, nga iti iyaalsada nakapapatayda.+  Gapuna immasideg ti bunggoy ket nangrugida nga agdawat sigun iti kadawyanna nga aramiden maipaay kadakuada.  Ni Pilato simmungbat kadakuada, a kunkunana: “Kayatyo kadi a luk-atak kadakayo ti ari dagiti Judio?”+ 10  Ta ammona a gapu iti apal+ isu inyawat ti panguluen a papadi.+ 11  Ngem ti panguluen a papadi sinulbogda ti bunggoy tapno ni Barabas ketdi ti luk-atanna.+ 12  Manen kas sungbat kinuna kadakuada ni Pilato: “Ania, ngarud, ti aramidek kenkuana nga aw-awaganyo iti ari+ dagiti Judio?”+ 13  Naminsan pay inyikkisda: “Ilansam!”+ 14  Ngem kinuna kadakuada ni Pilato: “Apay, ania aya ti dakes a banag nga inaramidna?” Kaskasdi inyikkisda nga ad-adda pay: “Ilansam!”+ 15  Iti kasta ni Pilato, yantangay kayatna a penneken ti bunggoy,+ linuk-atanna kadakuada ni Barabas, ket, kalpasan a pinasaplitna ni Jesus, inyawatna tapno mailansa.+ 16  Itan isu inturong dagiti soldado idiay paraangan, a dayta ket, idiay palasio ti gobernador; ket inayabanda a sangsangkamaysa ti intero a bagi dagiti buyot,+ 17  ket isu kinawesanda iti purpura ken nanglagada iti korona a sisiitan ket inkabilda dayta kenkuana.+ 18  Ket rinugianda a kablaawan: “Naimbag nga aldawmo,+ sika nga Ari dagiti Judio!” 19  Kasta met, kabilenda iti ulona babaen ti maysa a runo ken tupraanda ket, bayat a sipaparintumengda, agruknoyda kenkuana.+ 20  Kamaudiananna, idi napagang-angawandan, inuksobda kenkuana ti purpura ket inkabilda kenkuana dagiti makinruar a kawesna. Ket isu inruarda tapno ilansada.+ 21  Kasta met, pinilitda nga agserbi ti maysa a lumablabas, maysa a Simon a taga Cirene, a naggapu iti away, ti ama da Alejandro ken Rufo, tapno awitenna ti kayona a pagtutuokan.+ 22  Gapuna inyegda iti lugar a Golgotha, a kayatna a sawen, no maipatarus, Disso ti Bangabanga.+ 23  Ditoy pinadasda ti mangted kenkuana iti arak a nalaokan iti droga a mirra,+ ngem saanna nga awaten dayta.+ 24  Ket inlansada ket biningbingayda dagiti makinruar a kawesna+ babaen ti panagbibinnunotda kadagita no asino ti mangala iti kastoy wenno kasta.+ 25  Maikatlo nga oras itan,+ ket inlansada. 26  Ket ti kitikit ti pammabasol+ maibusor kenkuana naisurat iti ngato, “Ti Ari dagiti Judio.”+ 27  Mainayon pay, nangilansada a maikuyog kenkuana iti dua a mannanakaw, maysa iti makannawanna ken maysa iti makannigidna.+ 28  —— 29  Ket dagidiay aglabas agsaoda a sibabassawang+ kenkuana, nga ingilngilangilda dagiti uloda ken kunkunada: “Bah! Sika a mangrebba kampay idi iti templo ken mangibangon iti dayta iti las-ud ti tallo nga aldaw,+ 30  isalakanmo ta bagim babaen ti iyuulogmo manipud iti kayo a pagtutuokan.”+ 31  Iti umasping met a pamay-an nagiinnangaw ti panguluen a papadi agraman dagiti eskriba ket kinunkunada: “Ti dadduma insalakanna; ti bagina saanna a kabaelan nga isalakan!+ 32  Ti Kristo nga Ari ti Israel umulog koma ita manipud iti kayo a pagtutuokan, tapno makitami ket mamatikami.”+ Isu inum-umsi met dagidiay nailansa a naikuyog kenkuana.+ 33  Idi maikanem nga orasen immapay ti kinasipnget iti intero a daga agingga iti maikasiam nga oras.+ 34  Ket iti maikasiam nga oras nagpukkaw ni Jesus buyogen ti natbag a timek: “Eli, Eli, lama sabachthani?” a kayatna a sawen, no maipatarus: “Diosko, Diosko, apay a binaybay-annak?”+ 35  Ket ti sumagmamano kadagidiay agtaktakder iti asideg, idi mangngegda dayta, rinugianda a kunaen: “Kitaenyo! Ay-ayabanna ni Elias.”+ 36  Ngem adda maysa a timmaray, nangipasagepsep iti espongha iti naalsem nga arak, inkabilna dayta iti maysa a runo, ket rinugianna a pinainum,+ a kunkunana: “Isu bay-anyo! Kitaentayo no umay ni Elias a mangibaba kenkuana.”+ 37  Ngem nangyesngaw ni Jesus iti natbag nga ikkis ket nauyos ti biagna.+ 38  Ket ti kortina+ ti santuario napisang a nagudua manipud ngato agingga iti baba.+ 39  Ita, idi a ti opisial ti buyot a nakamattider iti sanguananna nakitana a nauyos ti biagna iti sidong dagitoy a kasasaad, kinunana: “Pudno unay a daytoy a tao ket Anak ti Dios.”+ 40  Adda met idi babbai nga agbuybuya manipud iti adayo,+ kadakuada adda ni Maria Magdalena kasta met ni Maria nga ina ni Santiago a Bassit ken ni Joses, ken ni Salome,+ 41  isuda a kimmuykuyog kenkuana+ ken nagserbi kenkuana idi adda idiay Galilea, ken adu a sabsabali pay a babbai a simmang-at a kaduana idiay Jerusalem.+ 42  Itan idi a mumalem unayen, ken yantangay Panagsagana idi, kayatna a sawen, ti aldaw sakbay ti sabbath, 43  immay ni Jose a taga Arimatea, maysa a mararaem a kameng ti Konseho, nga isu met a mismo ur-urayenna idi ti pagarian ti Dios.+ Pinaturedna ti pakinakemna a sumrek iti sanguanan ni Pilato ket dinawatna ti bagi+ ni Jesus. 44  Ngem ni Pilato nagduadua no isu natayen, ket, idi inayabanna ti opisial ti buyot, inimtuodna kenkuana no isu natayen. 45  Gapuna kalpasan ti panangsiguradona manipud iti opisial ti buyot, intedna ken Jose ti bangkay.+ 46  Iti kasta gimmatang iti napino a lienso ket isu imbabana, binalkutna iti napino a lienso ket impaiddana+ iti tanem+ a naikungkong iti dakkel a bato; ket nangitulid iti bato iti ruangan ti pakalaglagipan a tanem.+ 47  Ngem ni Maria Magdalena ken ni Maria nga ina ni Joses nagtultuloyda a sikikita iti nakaipaiddaanna.+

Footnotes