Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Marcos 13:1-37

13  Bayat nga isu rumrummuar iti templo maysa kadagiti adalanna ti nagkuna kenkuana: “Mannursuro, kitaem! anian a kita dagiti bato ken anian a kita dagiti patakder!”+  Nupay kasta, kinuna kenkuana ni Jesus: “Makitam kadi dagitoy dadakkel a patakder?+ Awanto a pulos ti matda ditoy a maysa a bato iti rabaw ti maysa a bato+ a saan a marba.”+  Ket bayat nga agtugtugaw idiay Bantay dagiti Olibo a matan-awanna ti templo, rinugian da Pedro+ ken Santiago ken Juan ken Andres ti agimtuod kenkuana iti pribado:+  “Ibagam kadakami, Kaanonto a mapasamak dagitoy a banag, ket anianto ti pagilasinan inton amin dagitoy a banag maikeddengda a dumteng iti panungpalan?”+  Gapuna rinugian a kunaen kadakuada ni Jesus: “Kitaenyo nga awan asinoman a mangyaw-awan kadakayo.+  Adunto ti umay maibatay iti naganko, a kunkunada, ‘Siak dayta,’ ket iyaw-awandanto ti adu.+  Mainayon pay, inton makangngegkayo iti gubgubat ken damdamag ti gubgubat, dikay mapabutngan; masapul a maaramid dagitoy a banag, ngem saan pay a panungpalan.+  “Ta ti nasion tumakderto a bumusor iti nasion ken ti pagarian a bumusor iti pagarian,+ addanto dagiti ginggined+ iti nadumaduma a disso, addanto dagiti kinakirang ti taraon.+ Dagitoy ket pangrugian dagiti ut-ot ti panagrigat.+  “No maipapan kadakayo, aluadanyo ti bagbagiyo; dagiti tattao iyawatdakayto kadagiti lokal a pangukoman,+ ket mababautkayto kadagiti sinagoga+ ket maisaklangkayo iti sanguanan dagiti gobernador ken ar-ari maigapu kaniak, kas pangsaksi kadakuada.+ 10  Kasta met, kadagiti amin a nasion kasapulan a maikaskasaba nga umuna+ ti naimbag a damag.+ 11  Ngem inton ipandakayo tapno iyawatdakayo, dikay maringgoran a nasaksakbay no ania ti sawenyo;+ no di ket aniaman a maited kadakayo iti dayta nga oras, sawenyo daytoy, ta saan a dakayo dagidiay agsasao, no di ket ti nasantuan nga espiritu.+ 12  Kanayonanna pay, ti kabsat a lalaki iyawatnanto ti kabsat a lalaki iti ipapatay, ket ti ama iyawatnanto ti anak,+ ket ti annak tumakderdanto a bumusor kadagiti nagannak ket papapatayda ida;+ 13  ket puntiriakayto ti pananggura ti amin a tattao maigapu iti naganko.+ Ngem ti nakapagibtur agingga iti panungpalan+ isunto ti maisalakan.+ 14  “Nupay kasta, inton ti makarimon a banag+ a mamataud iti panaglangalang+ makitayo nga agtaktakder iti saanna a rebbeng a pagtakderan (ti agbasa usarenna koma ti panangilasin),+ iti kasta dagidiay adda idiay Judea rugianda koma ti agkamang iti bambantay.+ 15  Ti tao nga adda iti tuktok ti balay saan koma a bumaba, wenno uray sumrek iti uneg tapno mangala iti aniaman a banag manipud iti balayna;+ 16  ket ti tao nga adda iti talon saan koma nga agsubli iti bambanag iti likudan tapno alaenna ti makinruar a kawesna.+ 17  Asi pay dagiti masikog a babbai ken dagidiay agpaspasuso iti ubing kadagita nga aldaw!+ 18  Itultuloyyo nga ikararag a saan koma a mapasamak dayta iti panawen ti lam-ek;+ 19  ta dagidiay nga aldaw ket al-aldawto ti rigat+ a dayta ket saan pay a napasamak manipud idi panangrugi ti panamarsua a pinarsua ti Dios agingga iti dayta a tiempo, ket saanto a mapasamak manen.+ 20  Iti kinapudnona, malaksid no pinaababa ni Jehova+ ti al-aldaw, awan ti lasag a maisalakan. Ngem maigapu kadagiti napili+ isuda a pinilina+ pinaababana ti al-aldaw.+ 21  “Iti kasta, met, no kunaen kadakayo ti asinoman, ‘Kitaenyo! Adda ditoy ti Kristo,’ ‘Kitaenyo! Adda sadiay,’+ dikay patien dayta.+ 22  Ta tumakderto dagiti ulbod a Kristo ken dagiti ulbod a mammadto+ ket mangteddanto kadagiti pagilasinan ken datdatlag+ tapno iyaw-awanda, no mabalin, dagiti napili.+ 23  Dakayo, ngarud, agsiputkayo;+ impakpakaunakon kadakayo ti amin a bambanag.+ 24  “Ngem kadagidiay nga aldaw, kalpasan dayta a rigat, agsipngetto ti init, ket saanto nga itden ti bulan ti lawagna, 25  ket dagiti bituen agtinnagdanto manipud langit, ket agkintayegto dagiti pannakabalin nga adda iti langlangit.+ 26  Ket iti kasta makitadanto ti Anak ti tao+ nga um-umay kadagiti ulep nga addaan dakkel a pannakabalin ken dayag.+ 27  Ket iti kasta ibaonnanto dagiti anghel ket urnongendanto a sangsangkamaysa dagiti pinilina+ manipud iti uppat nga angin, manipud iti ungto ti daga agingga iti ungto ti langit.+ 28  “Ita manipud iti kayo a higos adalenyo ti pangngarig: Apaman a ti kabbaro a sangana gumanus ken mangpataud iti bulbulongna, ammoyo a ti kalgaw asidegen.+ 29  Kasta met a dakayo, inton makitayo a mapaspasamaken dagitoy a banag, ammuenyo nga isu asidegen, addan kadagiti ruangan.+ 30  Pudno kunak kadakayo a daytoy a kaputotan saanto a pulos lumabas agingga a mapasamak amin dagitoy a banag.+ 31  Aglabasto ti langit+ ken daga, ngem dagiti saok+ saanto nga aglabas.+ 32  “Maipapan iti dayta nga aldaw wenno ti oras awan ti asinoman a makaammo, uray dagiti anghel sadi langit wenno uray ti Anak, no di ti Ama.+ 33  Agtultuloykayo a kumita, agtultuloykayo a siririing,+ ta saanyo nga ammo no kaano ti naituding a tiempo.+ 34  Dayta ket kas iti tao nga agdaldaliasat iti sabali a daga+ a pinanawanna ti balayna ket intedna ti autoridad kadagiti adipenna, iti tunggal maysa ti trabahona, ket binilinna ti agay-aywan iti ruangan nga agtultuloy nga agbantay. 35  Gapuna agtultuloykayo nga agbantay,+ ta saanyo nga ammo no kaano nga umay ti apo ti balay, no iti mumalemen wenno iti tengnga ti rabii wenno iti panagtaraok ti kawitan wenno iti nasapa iti bigat;+ 36  tapno no dumteng a kellaat, saannakayo a masarakan a matmaturog.+ 37  Ngem ti kunaek kadakayo kunaek iti isuamin, Agtultuloykayo nga agbantay.”+

Footnotes