Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Marcos 11:1-33

11  Ita idi umas-asidegdan iti Jerusalem, idiay Betfage ken Betania+ iti Bantay dagiti Olibo, nangibaon iti dua kadagiti adalanna+  ket imbagana kadakuada: “Mapankayo iti purok a matantannawaganyo, ket apaman a makastrekkayo iti dayta makasarakkayto iti urbon ti asna a naigalut, nga iti dayta awan pay asinoman iti sangatauan ti nagsakay; warwaranyo ket iyegyo.+  Ket no adda asinoman nga agkuna kadakayo, ‘Apay nga ar-aramidenyo daytoy?’ kunaenyo, ‘Kasapulan dayta ti Apo, ket madagdagus nga ipatulodnanto met laeng ditoy.’”+  Gapuna napanda ket nasarakanda ti urbon ti asna a naigalut iti ruangan, iti ruar idiay sumina a dalan, ket winarwaranda.+  Ngem sumagmamano kadagidiay sitatakder sadiay rinugianda a kunaen kadakuada: “Ania ti ar-aramidenyo a warwarwaranyo ti urbon ti asna?”+  Kinunada kadagitoy ti kas iti kinuna ni Jesus; ket binay-anda ida a mapan.+  Ket inyegda ti urbon ti asna+ ken Jesus, ket imparabawda iti dayta dagiti makinruar a kawesda, ket sinakayanna dayta.+  Kasta met, adu ti nangyaplag kadagiti makinruar a kawesda+ iti dalan, ngem ti dadduma nangsigpatda iti bulbulong+ manipud kadagiti talon.+  Ket dagidiay adda iti sanguanan ken dagidiay sumarsaruno impukpukkawda: “Mangisalakanka, ikararagmi!+ Bendito daydiay umay iti nagan ni Jehova!+ 10  Bendito ti um-umay a pagarian ni amatayo a David!+ Mangisalakanka, ikararagmi, iti kangatuan!” 11  Ket isu simrek idiay Jerusalem, iti templo; ket kimmita iti aglikmut kadagiti amin a banag, ket, gapu ta ti oras naladawen, isu rimmuar a nagturong idiay Betania agraman ti sangapulo ket dua.+ 12  Iti sumaganad nga aldaw, idi nakaruardan manipud Betania, isu nagbisin.+ 13  Ket manipud iti adayo nakakita iti kayo a higos nga addaan kadagiti bulong, ket napan tapno kitaenna bareng no adda masarakanna iti dayta. Ngem, idi dumteng iti dayta, awan nasarakanna no di bulbulong, ta saan idi a panawen dagiti higos.+ 14  Gapuna, kas tignayna, kinunana iti dayta: “Awan koma ti manganen iti bunga manipud kenka iti agnanayonen.”+ Ket agim-imdeng idi dagiti adalanna. 15  Itan dimtengda idiay Jerusalem. Sadiay isu simrek iti templo ket rinugianna a paruaren dagidiay aglaklako ken aggatgatang idiay templo, ket binalintuagna dagiti lamisaan dagiti agsuksukat iti kuarta ken dagiti bangko dagidiay aglaklako kadagiti kalapati;+ 16  ket saanna nga ipalubos nga adda asinoman a mangiserrek iti aruaten idiay templo, 17  ngem insursurona ken kinunkunana: “Saan aya nga adda a naisurat, ‘Ti balayko maawaganto iti balay a pagkararagan+ maipaay kadagiti amin a nasion’?+ Ngem pinagbalinyo a rukib dagiti mannanakaw.”+ 18  Ket ti panguluen a papadi ken dagiti eskriba nangngegda dayta, ket rinugianda a sapulen no kasanoda a dadaelen;+ ta sibubutengda idi kenkuana, ta ti intero a bunggoy nagtultuloy nga agsidsiddaaw unay iti pannursurona.+ 19  Ket no mumalemen, rummuarda manipud iti siudad. 20  Ngem idi lumablabasda a nasapa iti bigat, nakitada ti kayo a higos a nagangon manipud kadagiti ramutna.+ 21  Gapuna ni Pedro, yantangay malagipna dayta, kinunana kenkuana: “Rabbi, kitaem! ti kayo a higos nga inlunodmo nagangon.”+ 22  Ket kas sungbat kinuna ni Jesus kadakuada: “Maaddaankayo ti pammati iti Dios. 23  Pudno kunak kadakayo a siasinoman nga agkuna itoy a bantay, ‘Maibagkat ken maitappuakka idiay baybay,’ ket saan nga agduadua iti pusona no di ket addaan iti pammati a ti sawenna ket mapasamak, maaramidto dayta kenkuana a kasta.+ 24  Daytoy ti makagapu nga ibagak kadakayo, Amin a bambanag nga ikararag ken dawatenyo maaddaankayo iti pammati a kasla inawatyon, ket magun-odyonto ida.+ 25  Ket inton agtakderkayo nga agkararag, pakawanenyo+ ti aniaman nga adda kadakayo a maibusor iti asinoman; tapno ni Amayo nga adda iti langlangit pakawanennakayo met kadagiti labsingyo.”+ 26  —— 27  Ket dimtengda manen idiay Jerusalem. Ket bayat a magmagna idi idiay templo, ti panguluen a papadi ken dagiti eskriba ken ti lallakay immasidegda kenkuana+ 28  ket rinugianda a kunaen kenkuana: “Babaen iti ania nga autoridad nga aramidem dagitoy a banag? wenno siasino ti nangted kenka itoy nga autoridad tapno aramidem dagitoy a banag?”+ 29  Kinuna kadakuada ni Jesus: “Imtuodek kadakayo ti maysa a saludsod. Sungbatandak, ket ibagakto met kadakayo no babaen iti ania nga autoridad nga aramidek dagitoy a banag.+ 30  Ti kadi pammautisar+ ni Juan nagtaud idiay langit wenno nagtaud kadagiti tattao? Sungbatandak.”+ 31  Gapuna rinugianda nga irason iti bagbagida, a kunkunada: “No kunaentayo, ‘Nagtaud idiay langit,’ kunaennanto, ‘Apay, ngarud, a saankayo a namati kenkuana?’+ 32  Ngem no ikarittayo a kunaen, ‘Nagtaud kadagiti tattao’?”—Nagbutengda iti bunggoy, ta amin dagitoy imbilangda a ni Juan ket pudno a maysa a mammadto.+ 33  Ala ket, kas sungbat ken Jesus kinunada: “Saanmi nga ammo.” Ket kinuna kadakuada ni Jesus: “Uray siak diak met ibaga kadakayo no babaen iti ania nga autoridad nga aramidek dagitoy a banag.”+

Footnotes