Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Marcos 1:1-45

1  Ti pangrugian ti naimbag a damag maipapan ken Jesu-Kristo:  Kas adda a naisurat iti Isaias a mammadto: “(Adtoy! Ibaonko ti mensaherok iti sanguanam, a mangisagananto iti dalanmo;)+  imdenganyo! adda mangipukpukkaw idiay let-ang, ‘Isaganayo ti dalan ni Jehova, palintegenyo dagiti danana,’”+  ni Juan a manangbautisar dimteng idiay let-ang, a mangikaskasaba iti bautismo kas simbolo ti panagbabawi maipaay iti pannakapakawan dagiti basol.+  Gapuna ti intero a teritoria ti Judea ken amin nga agnanaed iti Jerusalem rimmuarda a napan kenkuana, ket nabautisaranda babaen kenkuana idiay Karayan Jordan, a sipapanayag nga ipudpudnoda dagiti basolda.+  Ita ni Juan ket nakakawes iti dutdot ti kamelio ken addaan barikes a lalat iti aglawlaw dagiti lomona,+ ket mangmangan idi kadagiti insekto a dudon+ ken atap a diro.+  Ket mangasaba, a kunkunana: “Iti likudak um-umay ti maysa a nabilbileg ngem siak; saanak a maikari nga agrukob ken mangwarwar iti galgalut dagiti pallokana.+  Binautisarankayo iti danum, ngem bautisarannakayto iti nasantuan nga espiritu.”+  Kabayatan dagidiay nga aldaw immay ni Jesus manipud Nazaret ti Galilea ket nabautisaran idiay Jordan babaen ken Juan.+ 10  Ket dagus nga idi sumangsang-at manipud iti danum nakitana ti langlangit a mabisbisngay, ken, kasla kalapati, ti espiritu a bumabbaba kenkuana;+ 11  ket adda timek a naggapu iti langlangit: “Sika ti Anakko, ti dungdungnguen; inanamonganka.”+ 12  Ket dagus nga isu tinignay ti espiritu tapno mapan idiay let-ang.+ 13  Gapuna nagtalinaed idiay let-ang iti uppat a pulo nga aldaw,+ a sulsulisogen ni Satanas,+ ket kaduana dagiti atap nga animal, ngem agserserbi kenkuana dagiti anghel.+ 14  Ita kalpasan a ni Juan naaresto napan ni Jesus idiay Galilea,+ a mangikaskasaba iti naimbag a damag ti Dios+ 15  ket kunkunana: “Ti naituding a tiempo natungpalen,+ ket ti pagarian ti Dios immasidegen. Agbabawikayo,+ ket maaddaankayo iti pammati iti naimbag a damag.” 16  Bayat a magmagna iti igid ti baybay ti Galilea nakitana ni Simon+ ken ni Andres a kabsat ni Simon nga iwaywayatda dagiti iketda iti baybay, ta dumadaklisda.+ 17  Gapuna kinuna kadakuada ni Jesus: “Surotendak, ket pagbalinenkayto a dumadaklis iti tattao.”+ 18  Ket madagdagus a binaybay-anda dagiti iketda ket simmurotda kenkuana.+ 19  Ket kalpasan ti iyaadayona pay bassit nakitana ni Santiago nga anak ni Zebedeo ken ni Juan a kabsatna, kinapudnona, bayat nga addada idi iti barangayda nga agay-ayumada kadagiti iketda;+ 20  ket awan panagtaktak nga inayabanna ida. Kalpasanna pinanawanda ni amada a Zebedeo iti barangay a kadua dagiti patangtangdanan a lallaki ket simmurotda kenkuana. 21  Ket simrekda idiay Capernaum.+ Madagdagus nga iti sabbath simrek iti sinagoga ket rinugianna ti mangisuro. 22  Ket nagsiddaawda unay iti wagas ti panangisurona,+ ta sadiay insursurona ida a kas maysa nga addaan autoridad, ket saan a kas kadagiti eskriba.+ 23  Kasta met, iti dayta met laeng a tiempo adda idi idiay sinagogada ti maysa a tao nga adda iti pannakabalin ti maysa a narugit nga espiritu, ket nagpukkaw,+ 24  a kunkunana: “Ania ti bibiangmi kenka, Jesus sika a Nazareno?+ Immayka kadi tapno dadaelennakami? Ammok+ nga apag-isu no siasinoka, Daydiay Santo+ ti Dios.”+ 25  Ngem binabalaw ni Jesus, a kunkunana: “Agulimekka, ket rummuarka kenkuana!”+ 26  Ket ti narugit nga espiritu, kalpasan a pinagkuyegyegna ken naglalaaw iti kapigsaan ti timekna, rimmuar kenkuana.+ 27  Ala ket, dagiti tattao nagmalmalangada amin iti kasta unay ta rinugianda ti nagsasarita iti nagtetengngaanda, a kunkunada: “Ania daytoy? Maysa a baro a sursuro! Bilinenna a situturay uray pay dagiti narugit nga espiritu, ket agtulnogda kenkuana.”+ 28  Gapuna ti damag maipapan kenkuana dagus a nagrakurak iti amin a turong iti intero a pagilian iti aglikmut ti Galilea.+ 29  Ket dagus a rimmuarda manipud sinagoga ket napanda iti pagtaengan da Simon+ ken Andres a kaduada da Santiago ken Juan. 30  Ita ti katugangan-a-babai ni Simon+ siiidda nga aggurigor,+ ket dagus nga imbagada kenkuana ti maipapan kenkuana. 31  Ket idi napan kenkuana pinatakderna, nga iniggamanna ti imana; ket ti gurigor pimmanaw kenkuana,+ ket rinugianna ti nagserbi kadakuada.+ 32  Kalpasan a dimtengen ti rabii, idi limneken ti init, rinugian dagiti tattao nga inyeg kenkuana amin dagidiay masakit+ ken dagidiay nagunggan ti sairo;+ 33  ket ti intero a siudad naurnong iti mismo a ruangan. 34  Gapuna inagasanna dagiti adu a masakit iti nadumaduma a sakit,+ ket pinaruarna ti adu a sairo, ngem saanna a palubosan nga agsao dagiti sairo, agsipud ta ammoda nga isu ti Kristo.+ 35  Ket nasapa iti bigat, bayat a nasipnget pay laeng, isu bimmangon ket rimmuar ket napan iti disso a langalang,+ ket sadiay nangrugi a nagkararag.+ 36  Nupay kasta, sinapul ni Simon ken dagidiay naikuyog kenkuana 37  ket nasarakanda, ket kinunada kenkuana: “Isuamin sapsapulendaka.” 38  Ngem kinunana kadakuada: “Mapantayo iti sabali pay a lugar, kadagiti pimmurok nga ili iti kabangibang, tapno mangasabaak+ met sadiay, ta gapu itoy a panggep a rimmuarak.”+ 39  Ket isu napan, a nangaskasaba kadagiti sinagogada iti intero a Galilea ken nangparparuar kadagiti sairo.+ 40  Adda met maysa nga agkukutel nga immay kenkuana, a sipaparintumeng nga agpakpakaasi kenkuana, a kunkunana kenkuana: “No kayatmo laeng koma, kabaelannak a dalusan.”+ 41  Iti kasta simnek ti asina,+ ket inunnatna ti imana ket sinagidna, ket kinunana kenkuana: “Kayatko. Madalusanka koma.”+ 42  Ket dagus a nagpukaw kenkuana ti kukutel, ket nagbalin a nadalus.+ 43  Kanayonanna pay, nangipaay kenkuana kadagiti nainget a bilin ket dagus a pinapanawna, 44  ket kinunana kenkuana: “Siguraduem a dika ibaga iti asinoman ti aniaman a banag, no di ket inka agparangka iti padi+ ket idatonmo maigapu iti pannakadalusmo ti bambanag nga imbilin ni Moises,+ maipaay a pangsaksi kadakuada.”+ 45  Ngem kalpasan a pimmanaw rinugian ti lalaki nga iwaragawag dayta iti kasta unay ken irakurak a sisasaknap ti salaysay, iti kasta saanen a mabalin ni Jesus ti sumrek a sipapanayag iti maysa a siudad, no di ket nagtalinaed iti ruar kadagiti disso a langalang. Kaskasdi nagtultuloyda nga immay kenkuana manipud iti amin a sikigan.+

Footnotes