Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Malakias 4:1-6

4  “Ta, adtoy! um-umay ti aldaw a sumsumged a kas iti urno,+ ket amin dagidiay nadursok ken amin dagidiay agar-aramid iti kinadangkes agbalindanto a kas punget.+ Ket sigurado nga alun-onento ida ti aldaw nga um-umay,” kinuna ni Jehova ti buybuyot, “iti kasta saanto a mangitedda kadakuada uray ramut wenno kangrunaan a sanga.+  Ket kadakayo nga agbuteng iti naganko sigurado nga agsilnagto ti init ti kinalinteg,+ a kadagiti payakna adda pannakapaimbag;+ ket pudno a rummuarkayto ket karukayenyo ti daga a kas kadagiti pinalukmeg a kigaw a baka.”+  “Ket sigurado nga ibaddebaddekyonto dagidiay nadangkes, ta agbalindanto a kas pulbos iti baba dagiti dapan ti saksakayo iti aldaw a panagtignayko,”+ kinuna ni Jehova ti buybuyot.  “Lagipenyo ti linteg ni Moises nga adipenko nga imbilinko kenkuana idiay Horeb maipapan iti intero nga Israel, uray pay dagiti alagaden ken dagiti hudisial a pangngeddeng.+  “Adtoy! Ibaonko kadakayo ni Elias a mammadto+ sakbay ti iyaay ti dakkel ken nakaam-amak nga aldaw ni Jehova.+  Ket isublinanto ti puso ti amma iti annak, ken ti puso ti annak kadagiti amma; tapno iti kasta saanak koma nga umay ket pudno a kabilek ti daga buyogen ti panangipaay iti dayta iti pannakadadael.”+

Footnotes