Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Malakias 3:1-18

3  “Adtoy! Ibaonko ti mensaherok,+ ket masapul a mangwaknit iti maysa a dalan iti sanguanak.+ Ket giddato nga umayto iti templona+ ti pudno nga Apo,+ a sapsapulenyo, ken ti mensahero+ ti tulag+ a kenkuana maragsakankayo.+ Adtoy! Sigurado nga umayto,” kinuna ni Jehova ti buybuyot.+  “Ngem siasino ti makapaganusto iti aldaw ti iyaayna,+ ket siasino daydiay agtakderto inton agparang?+ Ta isu kaslanto iti apuy ti manangpasudi+ ken kas iti turo+ dagiti managlaba.+  Ket masapul nga agtugaw a kas manangpasudi ken agdaldalus iti pirak+ ket dalusanna ti annak ni Levi;+ ket masapul a pasin-awenna ida a kas iti balitok+ ken kas iti pirak, ket sigurado nga agbalindanto ken Jehova nga ili a mangidiaya iti daton a sagut+ iti kinalinteg.  Ket ti daton a sagut ti Juda ken ti Jerusalem pudno a makaparagsakto ken Jehova,+ kas kadagiti aldaw ti nabayagen a tiempo ken kas kadagiti tawen ti kinaugma.+  “Ket umasidegakto kadakayo maipaay iti panangukom,+ ket agbalinakto a nasiglat a saksi+ maibusor kadagiti mangkukulam,+ ken maibusor kadagiti mannakikamalala,+ ken maibusor kadagidiay agsapsapata a siuulbod,+ ken maibusor kadagidiay agtigtignay buyogen ti panangkusit kadagiti tangdan ti makitegtegged,+ iti balo a babai+ ken iti awan amana nga ubing,+ ken maibusor kadagidiay mangpappapanaw iti ganggannaet nga agnanaed,+ yantangay saanda a nagbuteng kaniak,”+ kinuna ni Jehova ti buybuyot.  “Ta siak ni Jehova; saanak a nagbaliw.+ Ket annaknakayo ni Jacob; saankayo a nagpatingga.+  Manipud iti al-aldaw dagidi ammayo simiasikayo kadagiti alagadek ket saanyo a sinalimetmetan ida.+ Agsublikayo kaniak, ket agsubliakto kadakayo,”+ kinuna ni Jehova ti buybuyot. Ket kinunayo: “Iti ania a pamay-an nga agsublikamto?”  “Ti naindagaan a tao takawannanto aya ti Dios? Ngem dakayo taktakawandak.” Ket kinunayo: “Iti ania a pamay-an a tinakawandaka?” “Kadagiti apagkapullo ken kadagiti kontribusion.  Babaen iti lunod ilunlunoddak,+ ket taktakawandak—ti nasion iti pakabuklanna. 10  Amin dagiti apagkapullo+ iyegyo iti kamalig, tapno maadda ti taraon iti balayko;+ ket subokendak, pangngaasiyo, iti daytoy a banag,”+ kinuna ni Jehova ti buybuyot, “no saankonto a luktan kadakayo dagiti aribengbeng ti langlangit+ ket pudno a mangibukbokakto kadakayo iti bendision agingga nga awanen panagkasapulan.”+ 11  “Ket babalawekto maipaay kadakayo daydiay agal-alun-on,+ ket ti bunga ti dagayo saanto a dadaelen dayta, ti puon ti ubas iti talonyo saanto met nga agbalin nga awanan bunga,”+ kinuna ni Jehova ti buybuyot. 12  “Ket amin dagiti nasion kunaendanto a naragsakkayo,+ ta dakayo agbalinkayto a daga a pakaragsakan,”+ kinuna ni Jehova ti buybuyot. 13  “Nabileg ti sasaoyo maibusor kaniak,”+ kinuna ni Jehova. Ket kinunayo: “Ania ti sinaomi iti maysa ken maysa maibusor kenka?”+ 14  “Kinunayo, ‘Awan pategna ti agserbi iti Dios.+ Ket ania ti magunggona iti panangsalimetmettayo iti pagrebbengan kenkuana, ken iti pannagnatayo a sililiday maigapu ken Jehova ti buybuyot?+ 15  Ket iti agdama kunaentayo a naragsak dagiti nadursok a tattao.+ Kasta met, napabileg dagiti managaramid iti kinadangkes.+ Kasta met, sinubokda ti Dios ket agtultuloy a makalisida.’”+ 16  Iti dayta a tiempo nagsao iti maysa ken maysa dagidiay agbuteng ken Jehova,+ tunggal maysa iti kaduana, ket ni Jehova nangipangpangag ken immim-imdeng.+ Ket maysa a libro a pakalaglagipan nangrugi a masuratan iti sanguananna+ maipaay kadagidiay agbuteng ken Jehova ken maipaay kadagidiay mangpampanunot iti naganna.+ 17  “Ket sigurado nga agbalindanto a kukuak,”+ kinuna ni Jehova ti buybuyot, “iti aldaw a panangpataudko iti naisangsangayan a sanikua.+ Ket ipakitakto ti panangngaasi kadakuada, no kasano a ti maysa a tao ipakitana ti panangngaasi iti anakna nga agserserbi kenkuana.+ 18  Ket sigurado a makitayonto manen ti pagdumaan iti nagbaetan daydiay nalinteg ken daydiay nadangkes,+ iti nagbaetan daydiay agserserbi iti Dios ken daydiay saan a nagserbi kenkuana.”+

Footnotes