Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Malakias 2:1-17

2  “Ket ita agpaay kadakayo daytoy a bilin, O papadi.+  No dikayto agimdeng,+ ken no dikayto ipapuso+ ti panangidayaw iti naganko,”+ kinuna ni Jehova ti buybuyot, “sigurado nga ibaonkonto met kadakayo ti lunod,+ ket ilunodkonto dagiti bendisionyo.+ Wen, inlunodko pay ti bendision, agsipud ta saanyo nga ipappapuso dayta.”  “Adtoy! Babalawek ti naimula a bin-i+ maigapu kadakayo, ket mangiwarisakto iti ibleng kadagiti rupayo, ti ibleng dagiti piestayo; ket pudno nga addanto mangipan kadakayo iti dayta.  Ket kasapulanto a maammuanyo nga impatulodko kadakayo daytoy a bilin,+ tapno iti kasta agtultuloy koma ti tulagko+ ken Levi,”+ kinuna ni Jehova ti buybuyot.  “No maipapan iti tulagko, adda idi kenkuana, daydiay tulag iti biag ken iti talna,+ ket intultuloyko nga inted ida kenkuana, buyogen ti buteng. Ket nagtultuloy a nagbuteng kaniak;+ wen, gapu iti naganko isu nagaligaget.+  Ti mismo a linteg ti kinapudno adda idi iti ngiwatna,+ ket awan ti kinakillo a masarakan kadagiti bibigna. Nakipagna kaniak iti talna ken iti kinalinteg,+ ket adu dagidiay pinagbaw-ingna manipud iti biddut.+  Ta dagiti bibig ti padi isuda ti rebbeng a mangsalimetmet iti pannakaammo, ket ti linteg isu ti rebbeng a sapulen dagiti umili manipud iti ngiwatna;+ ta isu ti mensahero ni Jehova ti buybuyot.+  “Ngem dakayo—simiasikayo iti dalan.+ Pinagtibkolyo ti adu iti linteg.+ Dinadaelyo ti tulag ni Levi,”+ kinuna ni Jehova ti buybuyot.  “Ket siak met, iti biangko, sigurado a pagbalinenkayto a maum-umsi ken nababa kadagiti amin nga umili,+ yantangay saanyo a sinalimetmetan dagiti dalanko, no di ket nangipakitakayo iti panangidumduma iti linteg.”+ 10  “Saan kadi nga addaantayo amin iti maymaysa nga ama?+ Saan kadi a maymaysa a Dios ti nangparsua kadatayo?+ Apay ngarud a makilangentayo a sigugulib iti maysa ken maysa,+ iti panangtabbaaw iti tulag dagidi ammatayo?+ 11  Ti Juda nakilangen a sigugulib, ket nakarimrimon a banag ti naaramid iti Israel ken iti Jerusalem;+ ta tinabbaawan ti Juda ti kinasanto ni Jehova,+ nga inayatna, ket tinagikuana kas nobia ti anak a babai ti maysa a ganggannaet a dios.+ 12  Gessatento ni Jehova ti tunggal maysa a mangaramid iti dayta,+ daydiay siririing ken daydiay sumungsungbat, manipud kadagiti tolda ni Jacob, ken daydiay mangididiaya iti daton a sagut+ ken Jehova ti buybuyot.” 13  “Ket daytoy ti maikadua a banag nga ar-aramidenyo, daytoy a mangibunga iti pannakaabbong ti altar ni Jehova iti lulua, buyogen ti panagsangit ken panagsennaay, iti kasta awanen ti itataliaw iti daton a sagut wenno panagragsak iti aniaman a banag manipud iti imayo.+ 14  Ket kinunayo, ‘Maigapu iti ania?’+ Maigapu iti daytoy, a ni met laeng Jehova nangsaksi iti nagbaetanyo iti asawa ti kinaagtutubom,+ a kenkuana nakilangenka a sigugulib, nupay isu kaasmangmo ken asawa ti tulagmo.+ 15  Ket adda maysa a saan a nangaramid iti dayta, ta adda kenkuana ti nabatbati iti espiritu. Ket ania ti sapsapulen idi dayta? Ti bin-i ti Dios.+ Ket masapul nga aluadanyo ti bagbagiyo maipapan iti espirituyo,+ ket awan koma ti makilangen a sigugulib iti asawa ti kinaagtutubom.+ 16  Ta ginurana ti panagdiborsio,”+ kinuna ni Jehova a Dios ti Israel; “ken daydiay nga iti kinaranggas inabbonganna ti kawesna,”+ kinuna ni Jehova ti buybuyot. “Ket masapul nga aluadanyo ti bagbagiyo maipapan iti espirituyo, ket dikay makilangen a sigugulib.+ 17  “Pinakilyo ni Jehova babaen iti sasaoyo,+ ket kinunayo, ‘Iti ania a pamay-an nga isu pinakilmi?’ Babaen iti panagkunayo, ‘Tunggal maysa nga agar-aramid iti dakes ket naimbag kadagiti mata ni Jehova, ket kadagidiay nga isu maragsakan’;+ wenno, ‘Sadino ti ayan ti Dios ti kinahustisia?’”+

Footnotes