Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Malakias 1:1-14

1  Maysa a pammakdaar: Ti sao ni Jehova+ maipapan iti Israel babaen ken Malakias:  “Inayatkayo,”+ kinuna ni Jehova. Ket kinunayo: “Iti ania a pamay-an a sika inayatnakami?”+ “Saan kadi a ni Esau kabsat ni Jacob?”+ kuna ni Jehova. “Ngem inayatko ni Jacob,+  ket ginurak ni Esau;+ ket iti kamaudiananna pinagbalinko dagiti bantayna a langalang a rebbek+ ken ti tawidna nga agpaay kadagiti chacal ti let-ang.”+  “Agsipud ta kunkunaen ti Edom, ‘Naburakkami, ngem agsublikamto ket bangonenmi dagiti walangwalang a disso,’ daytoy ti kinuna ni Jehova ti buybuyot, ‘Isuda, iti biangda, mangbangondanto; ngem siak, iti biangko, mangrebbaakto.+ Ket pudno unay a dagiti tattao awagandanto ida “ti teritoria ti kinadangkes” ken “ti ili a kinondenar ni Jehova+ agingga iti tiempo a di nakedngan.”  Ket makitanto dayta dagiti bukodyo a mata, ket dakayo kunaenyonto: “Maitan-ok koma ni Jehova iti ngatuen ti teritoria ti Israel.”’”+  “‘Ti anak, iti biangna, dayawenna ti ama;+ ket ti adipen, ti naindaklan nga apona.+ Gapuna no maysaak nga ama,+ sadino ti ayan ti dayaw a maipaay kaniak?+ Ket no maysaak a Naindaklan nga Apo, sadino ti ayan ti panagbuteng+ kaniak?’ kinuna kadakayo ni Jehova ti buybuyot, O papadi a mangum-umsi iti naganko.+ “‘Ket kinunayo: “Iti ania a pamay-an nga inumsimi ti naganmo?”’  “‘Babaen ti panangidiaya iti narugitan a tinapay iti rabaw ti altarko.’+ “‘Ket kinunayo: “Iti ania a pamay-an a rinugitandaka?”’ “‘Babaen ti panagkunayo: “Ti lamisaan+ ni Jehova maysa a banag a maumsi.”+  Ket no mangidiayakayo iti bulsek nga animal a maipaay iti panagisakripisio: “Saan a dakes.” Ket no mangidiayakayo iti pilay nga animal wenno masakit: “Saan a dakes.”’”+ “Iyasidegmo dayta, pangngaasim, iti gobernadormo. Makasarakto aya kenka iti ragsak, wenno awatennakanto aya a siaayat?” kinuna ni Jehova ti buybuyot.  “Ket ita, pangngaasiyo, paluknengenyo ti rupa+ ti Dios, tapno mangipaay kadatayo iti parabur.+ Napasamak daytoy manipud iti imayo. Awatennanto aya a siaayat ti asinoman kadakayo?” kinuna ni Jehova ti buybuyot. 10  “Siasino met kadakayo ti mangirikepto kadagiti ruangan?+ Ket saanyonto a gangtan ti altarko—iti awan kapapay-anna.+ Awan ti pakaragsakak kadakayo,” kinuna ni Jehova ti buybuyot, “ket saanak a maragsakan iti daton a sagut manipud iti imayo.”+ 11  “Ta manipud iti ileleggak ti init agingga a mismo iti ilelennekna naindaklanto ti naganko iti tengnga dagiti nasion,+ ket iti tunggal disso mapataudto ti asuk a sakripisio,+ maaramidto ti panangidiaya maipaay iti naganko, ti mismo a nadalus a sagut;+ agsipud ta naindaklanto ti naganko iti tengnga dagiti nasion,”+ kinuna ni Jehova ti buybuyot. 12  “Ngem tabtabbaawandak+ babaen iti panagkunayo, ‘Ti lamisaan ni Jehova maysa a banag a narugitan, ket ti bungana maysa a banag a maumsi, ti taraonna.’+ 13  Ket kinunayo, ‘Adtoy! Anian a pannakapakil!’+ ket binang-esanyo dayta,” kinuna ni Jehova ti buybuyot. “Ket nangyegkayo iti inagaw, ken iti pilay, ken iti masakit;+ wen, inyegyo dayta a kas sagut. Pagragsakakto aya dayta iti imayo?”+ kinuna ni Jehova. 14  “Ket mailunod daydiay agtigtignay a sisisikap no adda iti pangenna ti maysa a kalakian nga animal, ket agkarkari ken mangisaksakripisio ken Jehova iti maysa a dadael.+ Ta naindaklanak nga Ari,”+ kinuna ni Jehova ti buybuyot, “ket ti naganko nakaam-amakto iti tengnga dagiti nasion.”+

Footnotes