Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Lucas 4:1-44

4  Itan ni Jesus, a napno iti nasantuan nga espiritu, pimmanaw iti Jordan, ket naiturturong idiay let-ang babaen ti espiritu+  iti uppat a pulo nga aldaw,+ bayat a sulsulisogen+ ti Diablo. Kanayonanna pay, awan ti kinnanna kadagidi nga aldaw, ket ngarud, idi nalpas dagitoyen, nagbisin.  Gapu itoy kinuna kenkuana ti Diablo: “No sika ket anak ti Dios, ibagam itoy a bato nga agbalin a tinapay.”  Ngem ni Jesus simmungbat kenkuana: “Adda a naisurat, ‘Ti tao saan nga agbiag babaen iti tinapay laeng.’”+  Gapuna impanna iti ngato ket iti apagdarikmat ti tiempo imparangna kenkuana dagiti amin a pagarian ti mapagnaedan a daga;  ket kinuna kenkuana ti Diablo: “Itedkonto kenka amin daytoy nga autoridad+ ken ti dayagda, agsipud ta nayawat kaniak, ket iti asinoman a kayatko itedko dayta.+  Ngarud, no mangaramidka iti tignay+ a panagdayaw iti sanguanak, kukuamto amin dayta.”  Kas sungbat kinuna kenkuana ni Jesus: “Adda a naisurat, ‘Ni Jehova a Diosmo+ ti masapul a daydayawem, ket kenkuana laeng ti masapul a pangipaayam ti sagrado a panagserbi.’”+  Ita inturongna idiay Jerusalem ket insaadna iti pannakabaluarte+ ti templo ket kinunana kenkuana: “No sika ket anak ti Dios, tumapuakka manipud ditoy;+ 10  ta adda a naisurat, ‘Mangtedto kadagiti anghelna iti bilin maipapan kenka, tapno aluadandaka,’+ 11  ket, ‘Sakruyendakanto iti im-imada, tapno uray kaano saanmo a maidungpar ta sakam iti bato.’”+ 12  Kas sungbat kinuna kenkuana ni Jesus: “Adda a naikuna, ‘Dika suboken ni Jehova a Diosmo.’”+ 13  Gapuna ti Diablo, idi nalpasnan ti isuamin a pannulisog, pimmanaw kenkuana agingga iti sabali pay a mainugot a tiempo.+ 14  Ita iti pannakabalin ti espiritu nagsubli ni Jesus idiay Galilea.+ Ket ti naimbag a pakasaritaan maipapan kenkuana nagrakurak iti intero a pagilian iti aglikmut.+ 15  Kasta met, isu nangrugi a mangisuro kadagiti sinagogada, ket padpadayawan ti isuamin.+ 16  Ket dimteng idiay Nazaret,+ a nakapadakkelanna; ket, sigun iti kaugalianna iti aldaw ti sabbath, simrek iti sinagoga,+ ket nagtakder tapno agbasa. 17  Gapuna nayawat kenkuana ti lukot ni mammadto nga Isaias, ket inukradna ti lukot ket nasarakanna ti lugar a nakaisuratan daytoy: 18  “Ti espiritu ni Jehova+ adda kaniak, agsipud ta pinulotannak a mangideklara ti naimbag a damag kadagiti napanglaw, imbaonnak tapno ikasaba ti pannakaluk-at kadagiti kautibo ken ti pannakaisubli ti panagkita kadagiti bulsek, tapno dagidiay nailupitlupit papanenna buyogen ti panangluk-at,+ 19  tapno ikasaba ti naparaburan a tawen ni Jehova.”+ 20  Kalpasanna linukotna ti pagbasaan, insublina iti agserserbi ket nagtugaw; ket sipeperreng kenkuana dagiti mata ti isuamin nga adda iti sinagoga. 21  Idin rinugianna a kunaen kadakuada: “Ita nga aldaw daytoy a kasuratan a kangkangngegyo natungpalen.”+ 22  Ket nangrugida amin a mangipaay iti mainugot a panangsaksi maipapan kenkuana ken agsiddaaw iti makaay-ayo a sasao+ a rumrummuar iti ngiwatna, ket kunkunada: “Saan kadi a daytoy ket anak ni Jose?”+ 23  Gapu itoy kinunana kadakuada: “Awan duadua nga iyaplikaryonto kaniak daytoy a pangngarig, ‘Mangngagas,+ agasam ta bagim; ti bambanag+ a nangngegmi a napasamak idiay Capernaum+ aramidem met ditoy taengmo nga ili.’”+ 24  Ngem kinunana: “Pudno ibagak kadakayo nga awan ti mammadto a maawat iti taengna nga ili. 25  Kas pagarigan, ibagak kadakayo a sipupudno, Adu ti balo idiay Israel idi kaaldawan ni Elias, idi narikpan ti langit iti tallo a tawen ken innem a bulan, iti kasta maysa a nakaro a bisin ti dimteng iti intero a daga,+ 26  kaskasdi awan kadagidiay a babbai ti nakaibaonan ni Elias, no di laeng idiay Sarepta+ iti daga ti Sidon iti maysa a balo a babai. 27  Kasta met, adu ti agkukutel idiay Israel idi tiempo ni Eliseo a mammadto, kaskasdi awan uray maysa kadakuada ti nadalusan, no di ni Naaman a tao a taga Siria.”+ 28  Ita amin dagidiay dumdumngeg kadagitoy a banag iti sinagoga napnoda iti unget;+ 29  ket timmakderda ket pinagtalawda iti siudad, ket inturongda agingga iti tapaw ti bantay a nakaibangonan ti siudadda, tapno itapuakda a ti ulona ti makin-una.+ 30  Ngem isu nagna iti tengngada ket nagtultuloy iti dalanna.+ 31  Ket simmalog a napan idiay Capernaum,+ maysa a siudad ti Galilea. Ket nangisursuro kadakuada iti sabbath; 32  ket nagsiddaawda unay iti wagas ti panangisurona,+ agsipud ta ti sasaona addaan autoridad.+ 33  Ita iti sinagoga adda maysa a tao nga addaan iti espiritu,+ maysa a narugit a sairo, ket nagpukkaw iti natbag a timek: 34  “Ah! Ania ti bibiangmi kenka,+ Jesus sika a Nazareno?+ Immayka kadi tapno dadaelennakami? Ammok+ nga apag-isu no siasinoka, Daydiay Santo ti Dios.”+ 35  Ngem binabalaw ni Jesus, a kunkunana: “Agulimekka, ket rummuarka kenkuana.” Gapuna, kalpasan nga intuangna ti lalaki iti tengngada, ti sairo rimmuar kenkuana a saanna a sinaksaktan.+ 36  Gapu itoy, ti panagmalmalanga immapay iti isuamin, ket nangrugida a makisao iti maysa ken maysa, a kunkunada: “Ania a kita ti panagsasao daytoy, agsipud ta buyogen ti autoridad ken pannakabalin bilinenna dagiti narugit nga espiritu, ket rummuarda?”+ 37  Gapuna ti damag maipapan kenkuana nagrakrakurak iti tunggal suli ti pagilian iti aglikmut.+ 38  Kalpasan a timmakder a rummuar manipud iti sinagoga isu simrek iti pagtaengan ni Simon. Ita ti katugangan-a-babai ni Simon naparigatan iti nakaro a gurigor, ket isu indawdawatanda kenkuana.+ 39  Gapuna nagtakder a nakarukob kenkuana ket binabalawna ti gurigor,+ ket pimmanaw dayta kenkuana. Dagus a timmakder ket rinugianna ti nagserbi kadakuada.+ 40  Ngem idi lumlumnek ti init, amin dagidiay addaan tattao a masaksakit iti nadumaduma a sagubanit inyegda ida kenkuana. Babaen ti panangipatayna kadagiti imana iti tunggal maysa kadakuada agasanna ida.+ 41  Dagiti met sairo rummuarda kadagiti adu,+ nga agik-ikkisda ken kunkunada: “Sika ti Anak+ ti Dios.” Ngem, idi binabalawna ida, saanna a palubosan ida nga agsao,+ agsipud ta ammoda nga isu+ ti Kristo.+ 42  Nupay kasta, idi bumigaten, rimmuar ket nagturong iti lugar a langalang.+ Ngem dagiti bunggoy nangrugida a nangsapsapul kenkuana ket dimmanonda agingga iti ayanna, ket pinadasda nga igawid manipud ipapanawna kadakuada. 43  Ngem kinunana kadakuada: “Kasta met nga iti sabsabali a siudad masapul nga ideklarak ti naimbag a damag ti pagarian ti Dios, agsipud ta naibaonak maigapu iti daytoy.”+ 44  Iti kasta napan nangaskasaba kadagiti sinagoga ti Judea.+

Footnotes