Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Lucas 3:1-38

3  Idi maikasangapulo ket lima a tawen ti panagturay ni Tiberio Cesar, idi a ni Poncio Pilato ti gobernador ti Judea, ket ni Herodes+ ti agturay iti distrito ti Galilea, ngem ni Felipe a kabsatna ti agturay iti distrito iti pagilian ti Iturea ken Traconite, ket ni Lisanias ti agturay iti distrito ti Abilinia,  idi kaaldawan ti panguluen a padi a ni Anas ken ni Caifas,+ ti deklarasion ti Dios dimteng ken Juan+ nga anak ni Zacarias idiay let-ang.+  Gapuna isu napan iti intero a pagilian nga adda iti aglawlaw ti Jordan, a mangikaskasaba iti bautismo kas simbolo ti panagbabawi maipaay iti pannakapakawan dagiti basol,+  kas adda a naisurat iti libro ti sasao ni Isaias a mammadto: “Imdenganyo! Adda mangipukpukkaw idiay let-ang, ‘Isaganayo ti dalan ni Jehova, palintegenyo dagiti danana.+  Tunggal rawang masapul a magaburan, ket tunggal bantay ken turod mapatad, ket dagiti killo masapul a mapagbalin a nalinteg a daldalan ket dagiti lasonglasong a lugar napalanas a daldalan;+  ket isuamin a lasag makitadanto ti usaren ti Dios a pangisalakan.’”+  Gapuna rinugianna a kunaen kadagiti bunggoy a rumrummuar tapno agpabautisar kenkuana: “Dakayo a putot dagiti karasaen,+ siasino ti nangiparipirip kadakayo a malisianyo ti um-umay a pungtot?+  Ngarud mangpataudkayo kadagiti bunga a maitutop iti panagbabawi.+ Ket dikay rugian a kunaen iti bagbagiyo, ‘Kas maysa nga ama adda kadakami ni Abraham.’ Ta kunak kadakayo a ti Dios addaan pannakabalin a mangpatanor iti annak ken Abraham manipud kadagitoy a bato.  Kinapudnona, ti wasay naisaaden iti ramut dagiti kayo; tunggal kayo, ngarud, a saan a mangpataud iti nasayaat a bunga mapukan ket maibelleng iti apuy.”+ 10  Ket imtuoden kenkuana dagiti bunggoy: “Ania, ngarud, ti aramidenmi?”+ 11  Kas sungbat kunaenna kadakuada: “Ti tao nga addaan dua a makin-uneg a kawes ibingayanna koma ti tao nga awanan, ket daydiay addaan kadagiti makan aramidenna koma ti isu met laeng.”+ 12  Ngem uray dagiti agsingsingir iti buis immayda tapno agpabautisarda, ket kinunada kenkuana: “Mannursuro, ania ti aramidenmi?”+ 13  Kinunana kadakuada: “Dikay mangalikagum iti aniaman nga ad-adu ngem iti gatad ti buis.”+ 14  Kasta met, imtuoden kenkuana dagidiay adda iti panagserbi iti militar: “Ania met ti aramidenmi?” Ket kinunana kadakuada: “Dikay riribuken ti asinoman wenno akusaren+ a siuulbod ti asinoman, no di ket mapnekkay koma kadagiti maipapaay kadakayo.”+ 15  Ita bayat nga adda a siiinanama dagiti tattao ken irasrasonda amin iti puspusoda ti maipapan ken Juan: “Isu ngata ti Kristo?”+ 16  simmungbat ni Juan, a kunkunana iti amin: “Siak, iti biangko, bautisarankayo iti danum; ngem um-umay daydiay nabilbileg ngem siak, nga iti galut dagiti pallokana saanak a maikari a mangwarwar.+ Bautisarannakayto iti nasantuan nga espiritu ken iti apuy.+ 17  Ti suplad a pagtaepna adda iti imana tapno dalusanna a naan-anay ti pagirikanna ken tapno urnongenna+ ti trigo iti kamaligna, ngem ti taep+ puorannanto iti apuy+ a saan maiddep.” 18  Gapuna nangipaay met iti adu a sabsabali a pammagbaga ket intultuloyna nga indeklara ti naimbag a damag kadagiti tattao. 19  Ngem ni Herodes nga agturay iti distrito, gapu ta natubngar babaen kenkuana maipapan ken Herodias nga asawa ni kabsatna ken maipapan kadagiti amin a nadangkes nga aramid nga inaramid ni Herodes,+ 20  innayonna pay daytoy kadagidiay amin nga aramidna: impupokna ni Juan iti pagbaludan.+ 21  Ita idi nabautisaranen dagiti amin a tattao, nabautisaran met ni Jesus+ ket, bayat nga agkarkararag, naluktan ti langit+ 22  ket bimmaba kenkuana ti nasantuan nga espiritu iti sukog ti bagi a kasla kalapati, ket adda timek a naggapu iti langit: “Sika ti Anakko, ti dungdungnguen; inanamonganka.”+ 23  Kanayonanna pay, ni Jesus a mismo, idi rinugianna ti trabahona,+ agarup tallopulo+ ti tawenna, nga isu ti anak,+ kas iti kapanunotan idi, ni Jose,+ nga anak ni Heli, 24  nga anak ni Matat, nga anak ni Levi, nga anak ni Melqui, nga anak ni Janai, nga anak ni Jose, 25  nga anak ni Matatias, nga anak ni Amos, nga anak ni Nahum, nga anak ni Esli, nga anak ni Nagai, 26  nga anak ni Maat, nga anak ni Matatias, nga anak ni Semein, nga anak ni Josec, nga anak ni Joda, 27  nga anak ni Joanan, nga anak ni Resa, nga anak ni Zorobabel,+ nga anak ni Sealtiel,+ nga anak ni Neri, 28  nga anak ni Melqui, nga anak ni Adi, nga anak ni Cosam, nga anak ni Elmadam, nga anak ni Er, 29  nga anak ni Jesus, nga anak ni Eliezer, nga anak ni Jorim, nga anak ni Matat, nga anak ni Levi, 30  nga anak ni Simeon, nga anak ni Judas, nga anak ni Jose, nga anak ni Jonam, nga anak ni Eliakim, 31  nga anak ni Melea, nga anak ni Mena, nga anak ni Matata, nga anak ni Natan,+ nga anak ni David,+ 32  nga anak ni Jesse,+ nga anak ni Obed,+ nga anak ni Boaz,+ nga anak ni Salmon,+ nga anak ni Naason,+ 33  nga anak ni Aminadab,+ nga anak ni Arni,+ nga anak ni Hezron,+ nga anak ni Perez,+ nga anak ni Juda,+ 34  nga anak ni Jacob,+ nga anak ni Isaac,+ nga anak ni Abraham,+ nga anak ni Tare,+ nga anak ni Nacor,+ 35  nga anak ni Serug,+ nga anak ni Reu,+ nga anak ni Peleg,+ nga anak ni Eber,+ nga anak ni Sela,+ 36  nga anak ni Cainan, nga anak ni Arpaksad,+ nga anak ni Sem,+ nga anak ni Noe,+ nga anak ni Lamec,+ 37  nga anak ni Matusalem,+ nga anak ni Enoc,+ nga anak ni Jared,+ nga anak ni Mahalaleel,+ nga anak ni Cainan,+ 38  nga anak ni Enos,+ nga anak ni Set,+ nga anak ni Adan,+ nga anak ti Dios.

Footnotes