Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Lucas 2:1-52

2  Ita kadagidiay nga aldaw rimmuar ti bilin+ manipud ken Cesar Augusto a maipasalista ti intero a mapagnaedan a daga;  (daytoy nga umuna a panagpasalista naaramid idi a ni Quirinio ti gobernador ti Siria;)  ket amin a tattao nagdaliasatda tapno maipasalistada,+ tunggal maysa iti bukodna a siudad.  Siempre, ni Jose simmang-at met manipud Galilea, manipud iti siudad ti Nazaret, nga agturong sadi Judea, iti siudad ni David, a maawagan Betlehem,+ agsipud ta isu ket kameng iti balay ken pamilia ni David,+  tapno maipasalista agraman ken Maria,+ a naited kenkuana iti panagasawa kas naikari,+ nga agdama nga agdadagsen iti ubing.+  Bayat nga addada sadiay, dimteng iti pannakaan-anay dagiti aldaw tapno isu agpasngay.  Ket impasngayna ti anakna a lalaki, ti inauna,+ ket binungonna kadagiti lupot a pamalkut ket impaiddana iti maysa a kulluong,+ agsipud ta awan lugarda iti siled a pagdagusan.  Iti dayta met laeng a pagilian adda met idi dagiti pastor nga aggigian iti ruar ken agbambantay iti rabii kadagiti arbanda.  Ket kellaat a ti anghel ni Jehova+ nagtakder iti sibayda, ket ti dayag ni Jehova+ nagsilnag iti aglawlawda, ket nagbutengda unay. 10  Ngem kinuna kadakuada ti anghel: “Dikay agbuteng, ta, adtoy! ideklarak kadakayo ti naimbag a damag ti dakkel a rag-o a maaddanto iti amin a tattao,+ 11  agsipud ta nayanak kadakayo ita nga aldaw ti maysa a Manangisalakan,+ nga isu ti Kristo nga Apo,+ iti siudad ni David.+ 12  Ket daytoy ti pagilasinanyo: makasarakkayto iti maladaga a nabungon kadagiti lupot a pamalkut ken naipaidda iti kulluong.” 13  Ket giddato nga adda naikadua iti anghel a maysa nga umariwekwek ti nailangitan a buyot,+ nga agdaydayaw iti Dios+ ken agkunkuna: 14  “Dayag iti Dios kadagiti kangatuan,+ ket iti daga talna+ kadagiti tattao nga addaan naimbag a nakem.”+ 15  Gapuna idi nakapanawen dagiti anghel manipud kadakuada nga agturong idiay langit, rinugian a kunaen dagiti pastor iti maysa ken maysa: “Mapantayo ngarud agingga idiay Betlehem ket kitaentayo daytoy a banag a naaramid, nga impakaammo kadatayo ni Jehova.”+ 16  Ket napanda a sigaganat ket nasarakanda ni Maria kasta met ni Jose, ken ti maladaga a nakaidda iti kulluong. 17  Idi nakitada dayta, impakaammoda ti sasao a naisao kadakuada maipapan itoy nga ubing. 18  Ket amin a nakangngeg nagsiddaawda maipapan iti bambanag nga imbaga kadakuada dagiti pastor, 19  ngem rinugian ni Maria nga italimeng amin dagitoy a sasao, a nangbukel kadagiti panangipapan iti pusona.+ 20  Idin nagsubli dagiti pastor, nga intantan-ok ken indaydayawda ti Dios gapu iti amin a bambanag a nangngeg ken nakitada, a kas iti naibaga kadakuada. 21  Ita idi nagtenganen ti pannakaan-anay ti walo nga aldaw+ maipaay iti panangkugit+ kenkuana, napanaganan met ti Jesus,+ ti nagan nga inyawag ti anghel sakbay a nayinaw iti aanakan.+ 22  Kasta met, idi a dimteng iti pannakaan-anay dagiti aldaw maipaay iti pananggugor+ kadakuada sigun iti linteg ni Moises, impanda idiay Jerusalem tapno iparangda ken Jehova, 23  kas iti adda a naisurat iti linteg ni Jehova: “Tunggal lalaki a manglukat iti aanakan maawaganto iti nasantuan ken Jehova,”+ 24  ken tapno mangidatonda iti sakripisio sigun iti naikuna iti linteg ni Jehova: “Maysa a paris a pagaw wenno dua nga urbon nga atap a kalapati.”+ 25  Ket, adtoy! adda idi maysa a lalaki idiay Jerusalem a managan Simeon, ket daytoy a lalaki nalinteg ken managdayaw, nga agur-uray iti pannakaliwliwa ti Israel,+ ket adda kenkuana ti nasantuan nga espiritu. 26  Kanayonanna pay, naipalgak kenkuana iti nadibinuan a pamay-an babaen ti nasantuan nga espiritu a saannanto a makita ni patay sakbay a makitana ti Kristo+ ni Jehova. 27  Iti sidong ti pannakabalin ti espiritu+ isu immay itan iti templo; ket bayat a dagiti nagannak inserrekda ni ubing a Jesus tapno aramidenda kenkuana ti maitunos iti nakayugalian a panangannurot iti linteg,+ 28  isu inawatna dayta kadagiti takiagna ket binenditona ti Dios ket kinunana: 29  “Ita, Soberano nga Apo, palpalubosamon ti adipenmo a mapan a siwayawaya a sitatalna+ maitunos iti deklarasionmo; 30  agsipud ta nakitan dagiti matak ti usarem a pangisalakan+ 31  nga insaganam iti imatang dagiti amin a tattao,+ 32  maysa a silaw+ a pangikkat iti abbong+ manipud kadagiti nasion+ ken maysa a dayag iti ilim nga Israel.” 33  Ket ti ama ken inana nagtultuloyda a nagsiddaaw iti bambanag a maisasao maipapan iti dayta. 34  Kasta met, binendisionan ida ni Simeon, ngem kinunana ken Maria nga inana: “Adtoy! Daytoy ket naikabil a maipaay iti pannakapasag+ ken iti pannakaibangon manen ti adu iti Israel+ ken maipaay a pagilasinan a supiaten+ 35  (wen, maysa nga atiddog a kampilan ti maisalputto iti kararuam met laeng),+ tapno maipanayag+ dagiti panagrasrason ti adu a puso.” 36  Ita adda ni Ana a maysa a mammadto, anak a babai ni Fanuel, iti tribu ni Aser (daytoy a babai aduan unayen iti tawen, ket nagbiag a kadua ti maysa nga asawa iti pito a tawen manipud kinabirhenna, 37  ket isu maysa a balo+ a walopulo ket uppat ti tawenna itan), a saan a pulos limmanglangan idiay templo, a mangipapaay iti sagrado a panagserbi iti rabii ken aldaw+ buyogen dagiti panagayunar ken ar-araraw. 38  Ket iti dayta met laeng nga oras immasideg ket rinugianna ti nangipaay ti panagyaman iti Dios ken nagsao maipapan iti ubing kadagidiay amin nga agur-uray iti pannakaispal ti Jerusalem.+ 39  Gapuna idi natungpaldan ti amin a bambanag sigun iti linteg+ ni Jehova, nagsublida idiay Galilea iti bukodda a siudad a Nazaret.+ 40  Ket ti ubing nagtultuloy a dimmakkel ken bimmileg,+ a napno iti kinasirib, ket nagtalinaed kenkuana ti pabor ti Dios.+ 41  Ita dagiti nagannakna nakayugalianda ti mapan a tinawen idiay Jerusalem+ maipaay iti piesta ti paskua. 42  Ket idi agtawenen iti sangapulo ket dua, simmang-atda sigun iti kaugalian+ iti piesta 43  ket tinurposda dagiti aldaw. Ngem idi nga agsubsublidan, ni ubing a Jesus nabati idiay Jerusalem, ket dagiti nagannakna saanda a nadlaw dayta. 44  Gapu ta pagarupenda nga isu adda iti bunggoy nga agdaldaliasat a sangsangkakuyog, pinagnada ti kawatiwat ti maysa nga aldaw+ ket kalpasanna rinugianda a biroken kadagiti kabagian ken am-ammoda. 45  Ngem, idi saanda a masarakan, nagsublida idiay Jerusalem, a binirokda a sigaganetget. 46  Ala ket, kalpasan ti tallo nga aldaw nasarakanda idiay templo,+ a situtugaw iti tengnga dagiti mannursuro ken agim-imdeng kadakuada ken agsalsaludsod kadakuada. 47  Ngem amin dagidiay umim-imdeng kenkuana nagtultuloyda a masmasdaaw iti pannakaawatna ken kadagiti sungbatna.+ 48  Itan idi nakitada nagsiddaawda unay, ket kinuna kenkuana ni inana: “Anak, apay a kastoy ti inaramidmo kadakami? Adtoy ni amam ken siak a mariribukan ti panunotna sinapsapuldaka.” 49  Ngem kinunana kadakuada: “Apay a kasapulan a sapulendak? Saanyo aya nga ammo a masapul nga addaak iti balay ni Amak?”+ 50  Nupay kasta, saanda a natarusan ti sasao a sinaona kadakuada.+ 51  Ket simmalog a kaduada ket dimteng idiay Nazaret, ket nagtultuloy a nagpasakup+ kadakuada. Kasta met, ni inana siaannad a sinalimetmetanna iti pusona amin dagitoy a sasao.+ 52  Ket ni Jesus nagtultuloy a rimmang-ay iti kinasirib+ ken iti pisikal nga idadakkel ken iti pabor ti Dios ken dagiti tattao.+

Footnotes