Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Lucas 10:1-42

10  Kalpasan dagitoy a banag nangdutok ti Apo iti pitopulo+ a sabsabali ket imbaonna ida a sagdudua+ nga umun-una ngem isu iti tunggal siudad ken lugar nga umayannanto.  Idin rinugianna a kunaen kadakuada: “Kinapudnona, dakkel ti anien,+ ngem bassit dagiti trabahador.+ Gapuna ipakaasiyo+ iti Apo ti panagani a mangibaon kadagiti trabahador+ iti panaganina.  Inkayo. Adtoy! Ibaonkayo a kas kadagiti kordero+ iti tengnga dagiti lobo.  Dikay mangawit iti supot ti kuarta, uray supot ti taraon,+ uray kadagiti palloka, ket dikay arakupen+ ti asinoman iti dalan kas panangkablaaw.  Sadinoman a balay a serkanyo kunaenyo nga umuna, ‘Maadda koma ti talna iti daytoy a balay.’+  Ket no adda sadiay ti maysa a gayyem ti talna, agtalinaedto kenkuana ti talnayo.+ Ngem no awan, agsublinto dayta kadakayo.+  Gapuna agyankayo iti dayta a balay,+ a kanen ken inumenyo ti bambanag nga ipaayda,+ ta ti trabahador maikari kadagiti tangdanna.+ Dikay agakar-akar iti binalaybalay.+  “Kasta met, sadinoman a siudad a serkanyo ket awatendakayo, kanenyo ti bambanag a maipasango kadakayo,  ket agasanyo+ dagiti masaksakit nga adda iti dayta, ket itultuloyyo nga ibaga kadakuada, ‘Ti pagarian+ ti Dios immasidegen kadakayo.’ 10  Ngem sadinoman a siudad a serkanyo ket saandakay nga awaten,+ rummuarkayo a mapan kadagiti akaba a dalanna ket kunaenyo, 11  ‘Uray ti tapok a kimpet kadagiti sakami manipud iti siudadyo punasenmi a maibusor kadakayo.+ Nupay kasta, salimetmetanyo daytoy iti panunotyo, a ti pagarian ti Dios immasidegen.’ 12  Ibagak kadakayo a nalaklakanto a maibturan ti Sodoma+ dayta nga aldaw ngem dayta a siudad. 13  “Asika pay, Corazin!+ Asika pay, Betsaida!+ agsipud ta no ti mannakabalin nga ar-aramid a naaramid kadakayo ket naaramid idiay Tiro ken Sidon, nabayag koman a nagbabawida nga agtugtugaw iti tinakpil ken dapdapo.+ 14  Iti kasta nalaklakanto a maibturan ti Tiro ken Sidon ti pannakaukom ngem dakayo.+ 15  Ket sika, Capernaum, maitan-okkanto aya agingga sadi langit?+ Maipababakanto agingga iti Hades!+ 16  “Ti agimdeng+ kadakayo agimdeng met kaniak. Ket ti di mangikankano kadakayo saannak met nga ikankano. Mainayon pay, ti di mangikankano kaniak saanna met nga ikankano+ daydiay nangibaon kaniak.” 17  Idin dagiti pitopulo nagsublida nga addaan rag-o, a kunkunada: “Apo, uray dagiti sairo naipasakupda+ kadakami babaen ti panagusar iti naganmo.” 18  Iti kasta kinunana kadakuada: “Nangrugi a makitak a ni Satanas natnagen+ a kas kimat manipud langit. 19  Adtoy! Intedko kadakayo ti autoridad a mangibaddek kadagiti serpiente+ ken manggagama,+ ken iti isuamin a pannakabalin ti kabusor,+ ket awanto ti mangpasakit kadakayo iti aniaman a pamay-an. 20  Nupay kasta, dikay pagrag-oan daytoy, a naipasakup kadakayo dagiti espiritu, ngem agrag-okayo agsipud ta ti nagnaganyo+ nailanaden iti langlangit.” 21  Iti dayta met laeng nga oras naglaplapusanan ti rag-ona+ iti nasantuan nga espiritu ket kinunana: “Idaydayawka iti publiko, Ama, Apo ti langit ken daga, agsipud ta dagitoy a banag siaannad nga inlimedmo kadagiti mamasirib+ ken nasasaririt, ket impalgakmo ida kadagiti maladaga. Wen, O Ama, agsipud ta ti panangaramid iti kasta isu ti wagas nga inanamongam. 22  Amin a bambanag inyawaten+ kaniak ni Amak, ket awan makaammo no asino ti Anak no di ti Ama;+ ket no asino ti Ama, awan makaammo no di ti Anak,+ ken daydiay kayat a pangipalgakan kenkuana ti Anak.” 23  Iti kasta simmango kadagiti adalanna nga is-isuda ket kinunana: “Naragsak dagiti mata a makakita iti bambanag a makitkitayo.+ 24  Ta kunak kadakayo, Adu a mammadto ken ar-ari tinarigagayanda a kitaen+ ti bambanag a makitkitayo ngem saanda a nakita ida, ken denggen ti bambanag a mangmangngegyo ngem saanda a nangngeg ida.” 25  Ita, adtoy! ti maysa a lalaki a nalaing iti Linteg+ timmakder, a mangsubok kenkuana, ket kinunana: “Mannursuro, babaen ti panangaramidko iti ania a matawidko ti agnanayon a biag?”+ 26  Kinunana kenkuana: “Ania ti naisurat iti Linteg?+ Kasano ti panangbasam?” 27  Kas sungbat kinunana: “‘Masapul nga ayatem ni Jehova a Diosmo buyogen ti intero a pusom ken buyogen ti intero a kararuam ken buyogen ti intero a pigsam ken buyogen ti intero a panunotmo,’+ ken, ‘ti padam a tao a kas iti bagim.’”+ 28  Kinunana kenkuana: “Simmungbatka a siuumiso; ‘itultuloymo nga aramiden daytoy ket magun-odamto ti biag.’”+ 29  Ngem, yantangay kayatna a paneknekan a nalinteg ti bagina, ti lalaki kinunana ken Jesus: “Asino a pudpudno ti padak a tao?”+ 30  Kas sungbat kinuna ni Jesus: “Maysa a tao ti sumalsalog manipud Jerusalem nga agturong idiay Jerico ket natnag iti im-ima dagiti mannanakaw, a nanguksob ken nangkabkabil kenkuana, ket napanda, a pinanawanda nga agarup natayen. 31  Ita, iti pannakairanranana, maysa a padi ti sumalsalog iti dayta a dalan, ngem, idi a makitana, nagna iti bangir.+ 32  Kasta met, uray ti maysa a Levita, idi nakasalog iti dayta a lugar ket nakitana, nagna iti bangir.+ 33  Ngem ti maysa a Samaritano+ nga agdaldaliasat iti dalan dimteng kenkuana ket, idi makitana, simnek ti asina. 34  Gapuna inasitganna ket binedbedanna dagiti sugatna, a binukbokanna ida iti lana ken arak.+ Kalpasanna impasakayna iti bukodna nga animal ket inyegna iti maysa a pagdagusan ket tinaripatona. 35  Ket iti sumaganad nga aldaw nangiruar iti dua a denario, intedna ida iti agay-aywan ti pagdagusan, ket kinunana, ‘Taripatuem, ket aniaman a magastom malaksid iti daytoy, bayadakto kenka inton agsubliak ditoy.’ 36  Asino kadagitoy a tallo ti pagarupem a namagbalin iti bagina a pada a tao+ daydiay natnag kadagiti mannanakaw?” 37  Kinunana: “Daydiay nagtignay a siaasi+ kenkuana.” Idin kinuna kenkuana ni Jesus: “Mapankan ket kasta kasta met laeng ti aramidem.”+ 38  Ita bayat a mapmapanda isu simrek iti maysa a purok. Ditoy maysa a babai a managan Marta+ ti immawat kenkuana kas sangaili iti balay. 39  Daytoy a babai addaan met iti kabsat a babai a managan Maria, a, nupay kasta, nagtugaw iti sakaanan+ ti Apo ket nagim-imdeng iti saona. 40  Ni Marta, iti sabali a bangir, nasinga+ iti panagasikaso iti adu nga annongen. Gapuna, immasideg ket kinunana: “Apo, saanmo kadi a pakaseknan a ti kabsatko binaybay-annak nga agmaymaysa a mangasikaso iti bambanag?+ Ngarud, ibagam kenkuana a tumulong kaniak.” 41  Kas sungbat kinuna kenkuana ti Apo: “Marta, Marta, maringgoran+ ken mariribukanka maipapan iti adu a banag.+ 42  Nupay kasta, sumagmamano a banag+ ti kasapulan, wenno maysa laeng. Iti biangna, pinili ni Maria ti naimbag a bingay,+ ket saanto a maikkat kenkuana dayta.”

Footnotes