Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 9:1-24

9  Ket naaramid iti maikawalo+ nga aldaw a ni Moises inayabanna ni Aaron ken ti annakna ken dagiti lallakay ti Israel.  Kalpasanna kinunana ken Aaron: “Iyalaam ta bagim iti maysa nga urbon a kigaw a baka a maipaay a daton gapu iti basol+ ken maysa a kalakian a karnero a maipaay a daton a mapuoran,+ dagidiay nasalun-at, ket idatagmo ida iti sanguanan ni Jehova.+  Ngem iti annak ti Israel agsaokanto, a kunaem, ‘Mangalakayo iti maysa a kalakian a kalding+ a maipaay a daton gapu iti basol ken maysa a kigaw a baka ken maysa nga urbon a kalakian a karnero,+ a saggaysa ti tawenda, dagidiay nasalun-at, a maipaay a daton a mapuoran,  ken maysa a toro ken maysa a kalakian a karnero a maipaay kadagiti pakikaykaysa a sakripisio+ tapno isakripisio ida iti sanguanan ni Jehova, ken maysa a daton a bukbukel+ a nababasa iti lana, agsipud ta ita nga aldaw isu ti sigurado a panagparangto kadakayo ni Jehova.’”+  Iti kasta innalada ti imbilin ni Moises iti sanguanan ti tolda ti gimong. Kalpasanna immasideg ti intero a gimong ket nagtakderda iti sanguanan ni Jehova.+  Ket kinuna ni Moises: “Daytoy ti banag nga imbilin ni Jehova a rebbeng nga aramidenyo, tapno ti dayag ni Jehova agparang koma kadakayo.”+  Idin ni Moises kinunana ken Aaron: “Umasidegka iti altar ket idatagmo ti datonmo gapu iti basol+ ken ti datonmo a mapuoran, ket mangaramidka iti panangabbong+ maigapu kenka a mismo ken maigapu iti balaymo; ket idatagmo ti daton ti ili+ ket mangaramidka iti panangabbong+ maigapu kadakuada, kas iti imbilin ni Jehova.”  Dagus nga immasideg ni Aaron iti altar ket pinartina ti kigaw a baka ti daton gapu iti basol a maipaay kenkuana.+  Kalpasanna ti annak ni Aaron indatagda kenkuana ti dara+ ket insawsawna ti ramayna iti dara+ ket inkabilna kadagiti sara ti altar,+ ket ti natedda iti dara imbukbokna iti puon ti altar. 10  Ket ti taba+ ken dagiti bekkel ken ti kulanit ti dalem manipud iti daton gapu iti basol pinagasukna iti rabaw ti altar,+ kas iti imbilin ni Jehova ken Moises. 11  Ket ti lasag ken ti lalat pinuoranna iti apuy idiay ruar ti pakarso.+ 12  Kalpasanna pinartina ti daton a mapuoran ket ti annak ni Aaron inyawatda kenkuana ti dara ket inwarsina iti aglikmut ti rabaw ti altar.+ 13  Ket inyawatda kenkuana ti mapuoran a daton iti pispisina ken ti ulo, ket pinagasukna ida iti rabaw ti altar.+ 14  Kanayonanna, binugguanna dagiti bagis ken dagiti kukod ket pinagasukna ida iti rabaw ti mapuoran a daton iti altar.+ 15  Indatagna ita ti daton ti ili+ ket innalana ti kalding ti daton gapu iti basol a maipaay iti ili ket pinartina ket nangaramid iti daton maipaay iti basol babaen iti dayta kas idi damo. 16  Kalpasanna indatagna ti daton a mapuoran ket inaramatna dayta sigun iti kadawyan a pamay-an.+ 17  Simmaruno nga indatagna ti daton a bukbukel+ ket pinunnona ti imana iti sumagmamano iti dayta ket pinagasukna iti rabaw ti altar, malaksid iti mapuoran a daton iti bigat.+ 18  Kalpasan dayta pinartina ti toro ken ti kalakian a karnero ti pakikaykaysa a sakripisio+ a maipaay idi iti ili. Kalpasanna ti annak ni Aaron inyawatda kenkuana ti dara ket inwarsina iti aglikmut ti rabaw ti altar.+ 19  No maipapan iti taba a paspaset+ ti toro ken ti nataba nga ipus+ ti kalakian a karnero ken ti kulapot ti taba ken dagiti bekkel ken ti kulanit ti dalem, 20  inkabilda ita ti taba a paspaset iti rabaw dagiti barukong,+ a kalpasan dayta pinagasukna ti taba a paspaset iti rabaw ti altar. 21  Ngem dagiti barukong ken ti makannawan a luppo inlili ni Aaron nga agsublisubli kas daton a mailili+ iti sanguanan ni Jehova, kas iti imbilin ni Moises. 22  Kalpasanna intag-ay ni Aaron dagiti imana a naiturong iti ili ket binendisionanna ida+ ket bimmaba+ manipud panangidatagna iti daton gapu iti basol ken iti daton a mapuoran ken kadagiti sakripisio a pakikaykaysa. 23  Kamaudiananna simrek da Moises ken Aaron iti tolda ti gimong ket rimmuarda ket binendisionanda ti ili.+ Idin ti dayag ni Jehova+ nagparang iti intero nga ili, 24  ket rimmuar ti apuy manipud sanguanan ni Jehova+ ket rinugianna nga inibus ti daton a mapuoran ken ti taba a paspaset iti rabaw ti altar. Idi nakita dayta dagiti amin nga umili, nagpupukkawda+ ket inrukruknoyda dagiti rupada.

Footnotes