Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 8:1-36

8  Ket ni Jehova nagsao ken Moises, a kunkunana:  “Alaem ni Aaron ken ti annakna a maikuyog kenkuana+ ken dagiti kawes+ ken ti pangpulot a lana+ ken ti toro ti daton gapu iti basol+ ken ti dua a kalakian a karnero ken ti labba dagiti di nalebaduraan a tinapay,+  ket paguummongem ti intero a gimong+ iti pagserkan ti tolda ti gimong.”+  Idin inaramid ni Moises kas iti imbilin kenkuana ni Jehova, ket ti gimong naguummong iti pagserkan+ ti tolda ti gimong.  Kinuna ita ni Moises iti gimong: “Daytoy ti banag nga imbilin ni Jehova nga aramiden.”+  Gapuna inyasideg ni Moises da Aaron ken ti annakna ket binugguanna+ ida iti danum.+  Kalpasan dayta inkabilna kenkuana ti nagayad a pagan-anay+ ket binariksanna iti sintas+ ket kinawesanna iti awan manggasna a lambon+ ket inkabilna kenkuana ti efod+ ket binariksanna iti barikes+ ti efod ket inggalutna a siiirut kenkuana babaen iti dayta.  Sumaganad insaadna kenkuana ti pektoral+ ket inkabilna iti pektoral ti Urim ken ti Tummim.+  Kalpasanna insaadna ti turbante+ iti rabaw ti ulona ket insaadna iti turbante iti sango dayta ti sumilsilnag a plata a balitok, ti nasantuan a pagilasinan ti dedikasion,+ kas iti imbilin ni Jehova ken Moises. 10  Innala ita ni Moises ti pangpulot a lana ket sinapsapuanna ti tabernakulo+ ken ti isuamin nga adda iti dayta ket sinantipikarna ida. 11  Kalpasan dayta imparsiakna ti dadduma iti dayta a namimpito iti rabaw ti altar ket sinapsapuanna ti altar+ ken amin dagiti aruatenna ken ti palanggana ken ti pagsaadanna tapno santipikaren ida. 12  Kamaudiananna imbukbokna ti dadduma iti pangpulot a lana iti ulo ni Aaron ket pinulotanna tapno santipikarenna.+ 13  Kalpasanna inyasideg ni Moises ti annak ni Aaron+ ket kinawesanna ida kadagiti nagayad a pagan-anay ken binariksanna ida kadagiti sintas+ ken imbaredbedna kadakuada ti uklop,+ kas iti imbilin ni Jehova ken Moises. 14  Kalpasanna inyegna ti toro+ ti daton gapu iti basol ket ni Aaron ken ti annakna impatayda ti im-imada iti ulo+ ti toro ti daton gapu iti basol. 15  Ket pinarti ni Moises+ dayta ket innalana ti dara+ ket inkabilna babaen ti ramayna kadagiti sara ti altar iti aglikmut ket ginugoranna ti altar manipud basol, ngem ti natedda iti dara imbukbokna iti puon ti altar, iti kasta masantipikarna tapno mangaramid iti panangabbong+ iti rabawna. 16  Kalpasan dayta innalana ti isuamin a taba nga adda iti rabaw dagiti bagis, ken ti kulanit ti dalem ken ti dua a bekkel ken ti tabada ket pinagasuk ida ni Moises iti rabaw ti altar.+ 17  Ket ti toro ken ti lalatna ken ti lasagna ken ti iblengna pinuoranna iti apuy idiay ruar ti pakarso,+ kas iti imbilin ni Jehova ken Moises. 18  Inyasidegna ita ti kalakian a karnero ti daton a mapuoran, ket ni Aaron ken ti annakna impatayda kalpasanna ti im-imada iti ulo ti kalakian a karnero.+ 19  Kalpasan dayta pinarti ni Moises ket inwarsina ti dara iti aglikmut ti rabaw ti altar.+ 20  Ket rinangkayna ti kalakian a karnero iti pispisina,+ ket pinagasuk ni Moises ti ulo ken ti pispisi ken ti sebo. 21  Ket dagiti bagis ken dagiti kukod binugguanna iti danum, ket kalpasanna pinagasuk ni Moises ti intero a kalakian a karnero iti rabaw ti altar.+ Maysa idi dayta a daton a mapuoran a maipaay a makabang-ar a sayamusom.+ Naipuor a daton idi dayta ken Jehova, kas iti imbilin ni Jehova ken Moises. 22  Kalpasanna inyasidegna ti maikadua a kalakian a karnero, ti kalakian a karnero ti pannakaisaad,+ ket ni Aaron ken ti annakna impatayda ti im-imada iti ulo ti kalakian a karnero. 23  Kalpasan dayta pinarti ni Moises ket innalana ti dadduma iti darana ket inkabilna iti piditpidit ti makannawan a lapayag ni Aaron ken iti tangan ti makannawan nga imana ken iti tangan ti makannawan a sakana.+ 24  Sumaganad inyasideg ni Moises ti annak ni Aaron ket inkabilna ti dadduma iti dara iti piditpidit ti makannawan a lapayagda ken iti tangan ti makannawan nga imada ken iti tangan ti makannawan a sakada; ngem inwarsi ni Moises ti natedda iti dara iti aglikmut ti rabaw ti altar.+ 25  Kalpasanna innalana ti taba ken ti nataba nga ipus ken isuamin a taba nga adda iti rabaw dagiti bagis,+ ken ti kulanit ti dalem ken ti dua a bekkel ken ti tabada ken ti makannawan a luppo.+ 26  Ket manipud iti labba dagiti di pinaalsa a tinapay nga adda iti sanguanan ni Jehova nangala iti maysa a di pinaalsa a nagtimbukel a tinapay+ ken maysa a nagtimbukel a tinapay ti nalanaan a tinapay+ ken maysa a galieta.+ Kalpasanna inkabilna ida iti rabaw dagiti taba ken ti makannawan a luppo. 27  Kalpasan dayta inkabilna amin ida kadagiti dakulap ni Aaron ken kadagiti dakulap ti annakna ket rinugianda nga ilili ida nga agsublisubli kas daton a mailili iti sanguanan ni Jehova.+ 28  Kalpasanna innala ida ni Moises manipud kadagiti dakulapda ket pinagasukna ida iti altar iti rabaw ti daton a mapuoran.+ Dagita ket sakripisio iti pannakaisaad+ a maipaay a makabang-ar a sayamusom.+ Naipuor a daton idi dayta ken Jehova.+ 29  Ket innala ni Moises ti barukong+ ket inlilina nga agsublisubli kas daton a mailili iti sanguanan ni Jehova.+ Manipud iti kalakian a karnero ti pannakaisaad nagbalin a bingay+ maipaay ken Moises, kas iti imbilin ni Jehova ken Moises. 30  Kalpasan dayta innala ni Moises ti dadduma iti pangpulot a lana+ ken ti dadduma iti dara nga adda iti rabaw ti altar ket imparsiakna ken Aaron ken kadagiti kawesna ken iti annakna ken kadagiti kawes ti annakna a naikuyog kenkuana. Iti kasta sinantipikarna+ ni Aaron ken dagiti kawesna ken ti annakna ken dagiti kawes ti annakna+ a naikuyog kenkuana. 31  Idin ni Moises kinunana ken Aaron ken iti annakna: “Ilambongyo+ ti lasag idiay pagserkan ti tolda ti gimong, ket sadiay ti pangananyonto iti dayta+ ken iti tinapay nga adda iti labba ti pannakaisaad, kas iti naited kaniak a bilin, a kunana, ‘Ni Aaron ken ti annakna kanendanto dayta.’ 32  Ket ti matedda iti lasag ken iti tinapay puoranyonto iti apuy.+ 33  Ket dikay rummuar manipud iti pagserkan ti tolda ti gimong iti pito nga aldaw,+ agingga iti aldaw a pannakatungpal ti al-aldaw ti pannakaisaadyo, agsipud ta pito nga aldaw ti alaennanto a panangpunno iti imayo iti pannakabalin.+ 34  Kas iti naaramid itoy nga aldaw, imbilin ni Jehova a maaramid tapno aramiden ti panangabbong maipaay kadakayo.+ 35  Ket agyankayto iti pagserkan ti tolda ti gimong iti aldaw ken rabii iti pito nga aldaw,+ ket masapul a salimetmetanyo ti inkapilitan a panagbantay ni Jehova,+ tapno saankayo a matay; ta kasta ti naibilin kaniak.” 36  Ket ni Aaron ken ti annakna inaramidda ti amin a bambanag nga imbilin ni Jehova babaen ken Moises.

Footnotes