Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 7:1-38

7  “‘Ket daytoy ti linteg ti daton gapu iti babak:+ Kasasantuan a banag dayta.+  Iti disso+ a kankanayon a pamarpartianda iti daton a mapuoran partiendanto ti daton gapu iti babak, ket ti darana+ iwarsinto ti maysa+ iti aglikmut ti rabaw ti altar.  No maipapan iti isuamin a tabana,+ idatagnanto manipud iti dayta ti nataba nga ipus ken ti taba a mangalupkop kadagiti bagis,  ken ti dua a bekkel ken ti taba nga adda iti rabawda a kas met laeng iti daydiay adda iti rabaw dagiti lomo. Ket no maipapan iti kulanit iti rabaw ti dalem, ikkatennanto agraman kadagiti bekkel.+  Ket ti padi masapul a pagasukenna ida iti altar kas naipuor a daton ken Jehova.+ Maysa dayta a daton gapu iti babak.  Kanento dayta ti tunggal lalaki iti papadi.+ Makanto iti nasantuan a disso. Kasasantuan a banag dayta.+  Kas iti daton gapu iti basol, kasta ti daton gapu iti babak. Adda maymaysa a linteg nga agpaay kadakuada.+ Ti padi a mangaramidto iti panangabbong babaen iti dayta, agbalinto a kukuana dayta.  “‘No maipapan ti padi a mangidatag iti mapuoran a daton ti asinoman a tao, agbalinto a kukuana ti lalat+ ti daton a mapuoran nga indatagna iti padi.  “‘Ket tunggal daton a bukbukel a mailuto iti urno+ ken tunggal maysa a naaramid iti nauneg a kaldero+ ken iti rabaw ti daplat a pariok+ kukua ti padi a mangidatag iti dayta. Agbalinto a kukuana.+ 10  Ngem tunggal daton a bukbukel a nababasa iti lana+ wenno namaga+ agpaayto iti amin nga annak ni Aaron, iti maysa a kas met laeng iti sabali. 11  “‘Ita daytoy ti linteg ti pakikaykaysa a sakripisio+ nga idatagto ti asinoman ken Jehova: 12  No idatagna dayta kas ebkas ti panagyaman,+ ngarud masapul a mangidatag maibuyog iti sakripisio ti panagyaman iti di pinaalsa a nagtimbukel a tintinapay a nababasa iti lana ken di pinaalsa a galgalieta a napulagidan iti lana+ ken naimbag pannakapaglaokna a nasayaat nga arina kas nagtimbukel a tintinapay a nababasa iti lana. 13  Maibuyog kadagiti nagtimbukel a bibingka ti nalebaduraan+ a tinapay idatagnanto ti datonna agraman ti sakripisio iti panagyaman dagiti sakripisiona a pakikaykaysa. 14  Ket manipud iti dayta masapul nga idatagna ti maysa iti tunggal daton kas sagrado a bingay ken Jehova;+ no maipapan iti padi a mangiwarsi iti dara dagiti sakripisio a pakikaykaysa, agbalinto a kukuana dayta.+ 15  Ket ti lasag ti sakripisio ti panagyaman dagiti sakripisiona a pakikaykaysa makan iti aldaw ti panagdatonna. Masapul a di mangidulin iti aniaman iti dayta agingga iti bigat.+ 16  “‘Ket no ti sakripisio ti datonna maysa a kari+ wenno maysa a boluntario a daton,+ makan dayta iti aldaw ti panangidiayana iti sakripisiona, ket iti sumaganad nga aldaw mabalin met a kanen ti matedda iti dayta. 17  Ngem ti matedda iti lasag ti sakripisio iti maikatlo nga aldaw mapuoran iti apuy.+ 18  Nupay kasta, no ti aniaman iti lasag ti pakikaykaysa a sakripisiona makan latta iti maikatlo nga aldaw, daydiay mangidatdatag iti dayta saanto a maawat buyogen ti anamong.+ Saanto a maisingir kenkuana.+ Agbalinto a narugit a banag, ket ti kararua a mangan iti dayta manungsungbatto iti biddutna.+ 19  Ket ti lasag a maisagid iti aniaman a banag a narugit+ saan a makan. Mapuoran iti apuy. No maipapan iti lasag, tunggal maysa a nadalus mabalinna a kanen ti lasag. 20  “‘Ket ti kararua a mangan iti lasag ti pakikaykaysa a sakripisio, a maipaay ken Jehova, bayat nga adda kenkuana ti kinarugitna, dayta a kararua masapul a magessat kadagiti kailianna.+ 21  Ket no kas pagarigan ti maysa a kararua makasagid iti aniaman a banag a narugit, ti kinarugit ti maysa a tao+ wenno maysa a narugit nga animal+ wenno aniaman a narugit a makarumen a banag,+ ket pudno a mangan iti lasag ti pakikaykaysa a sakripisio, a maipaay ken Jehova, dayta a kararua masapul a magessat kadagiti kailianna.’” 22  Ket intuloy ni Jehova ti agsao ken Moises, a kunkunana: 23  “Agsaoka iti annak ti Israel, a kunaem, ‘Dikay mangan iti aniaman a taba+ ti maysa a toro wenno maysa nga urbon a kalakian a karnero wenno maysa a kalding. 24  Ita ti taba ti maysa a bagi a natayen ken ti taba ti maysa nga animal a narangrangkay+ mabalin nga usaren iti aniaman a sabali pay a mapanunot, ngem dikay pulos kanen dayta. 25  Ta asinoman a mangan iti taba a nagtaud iti animal a manipud iti dayta idatagna a kas naipuor a daton ken Jehova, ti kararua a mangan masapul a magessat+ kadagiti kailianna. 26  “‘Ket dikay mangan iti aniaman a dara+ kadagiti aniaman a lugar a pagnaedanyo, uray no dara ti agtatayab wenno dara ti animal. 27  Asinoman a kararua a mangan iti aniaman a dara, dayta a kararua masapul a magessat+ kadagiti kailianna.’” 28  Ket intultuloy ni Jehova ti agsao ken Moises, a kunkunana: 29  “Agsaoka iti annak ti Israel, a kunaem: ‘Ti mangidatag iti pakikaykaysa a sakripisiona ken Jehova iyegnanto ti datonna ken Jehova manipud iti pakikaykaysa a sakripisiona.+ 30  Iyegto dagiti imana kas naipuor a daton ken Jehova ti taba+ nga adda iti barukong. Iyegnanto dayta agraman ti barukong tapno ilili nga agsublisubli kas daton a mailili+ iti sanguanan ni Jehova. 31  Ket ti padi masapul a pagasukenna ti taba+ iti rabaw ti altar, ngem ti barukong masapul nga agbalin a kukua ni Aaron ken ti annakna.+ 32  “‘Ket itedyonto ti makannawan a luppo kas sagrado a bingay+ iti padi manipud kadagiti sakripisioyo a pakikaykaysa. 33  Dayta a kameng ti annak ni Aaron a mangidatag iti dara dagiti sakripisio a pakikaykaysa ken iti taba, ti makannawan a luppo agbalinto a kukuana kas bingay.+ 34  Ta ti barukong ti daton a mailili+ ken ti luppo ti sagrado a bingay alaek iti annak ti Israel manipud kadagiti sakripisioda a pakikaykaysa, ket itedkonto ida ken Aaron a padi ken iti annakna, kas alagaden agingga iti tiempo a di nakedngan, manipud annak ti Israel. 35  “‘Daytoy idi ti bingay ti kinapadi ni Aaron ken ti bingay ti kinapadi ti annakna manipud kadagiti naipuor a daton ni Jehova, iti aldaw nga indatagna+ ida tapno agakemda a kas papadi ken Jehova, 36  kas iti imbilin ni Jehova nga ited dayta kadakuada iti aldaw a panangpulotna+ kadakuada manipud iti annak ti Israel. Maysa dayta a paglintegan agingga iti tiempo a di nakedngan maipaay kadagiti kaputotanda.’”+ 37  Daytoy ti linteg maipapan ti daton a mapuoran,+ ti daton a bukbukel+ ken ti daton gapu iti basol+ ken ti daton gapu iti babak+ ken ti sakripisio iti pannakaisaad+ ken ti pakikaykaysa a sakripisio,+ 38  kas iti imbilin ni Jehova ken Moises idiay Bantay Sinai+ iti aldaw a panangbilinna iti annak ti Israel nga idatagda dagiti datonda ken Jehova idiay let-ang ti Sinai.+

Footnotes