Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 6:1-30

6  Ket intultuloy ni Jehova ti agsao ken Moises, a kunkunana:  “No kas pagarigan agbasol ti maysa a kararua ta agtignay a di simamatalek ken Jehova+ ket allilawenna+ ti katimpuyogna maipapan iti banag nga adda iti aywanna wenno iti naipadulin iti imana+ wenno iti panagtakaw wenno saurenna ti katimpuyogna,+  wenno makasarak iti banag a napukaw+ ket pudno a mangallilaw maipapan iti dayta ket agsapata a siuulbod+ maipapan iti aniaman kadagiti amin a banag a mabalin nga aramiden ti tao tapno agbasol babaen kadakuada;  ngarud mapasamakto a no kas pagarigan isu agbasol ket pudno a makabasol,+ masapul nga isublina ti tinakaw a banag a tinakawna wenno ti binirkog a banag nga innalana babaen ti panagkusit wenno ti banag nga adda iti aywanna a naipaaywan kenkuana wenno ti banag a napukaw a nasarakanna,  wenno ti uray aniaman a banag nga iti dayta mabalin nga agsapata a siuulbod, ket masapul a subadanna+ dayta iti naan-anay a gatadna, ket nayonannanto iti apagkalima dayta. Iti daydiay makinkukua iti dayta itednanto iti aldaw a mapaneknekan ti pannakabasolna.  Ket kas datonna gapu iti babak isu mangyegto ken Jehova iti maysa a nasalun-at a kalakian a karnero+ manipud iti arban sigun iti napattapatta a pateg, a maipaay a daton gapu iti babak,+ iti padi.  Ket ti padi masapul a mangaramid iti panangabbong+ maipaay kenkuana iti sanguanan ni Jehova, ket iti kasta mapakawanto dayta kenkuana maipapan iti aniaman kadagiti amin a banag a mabalinna nga aramiden nga agbanag iti panagbasol babaen iti dayta.”  Ket intuloy ni Jehova ti agsao ken Moises, a kunkunana:  “Bilinem ni Aaron ken ti annakna, a kunaem, ‘Daytoy ti linteg ti daton a mapuoran:+ Ti daton a mapuoran addanto iti pagpuoran iti rabaw ti altar iti intero nga agpatnag agingga ti bigat, ket ti apuy ti altar mapasgedanto iti dayta. 10  Ket masapul a kawesan ti padi ti bagina iti opisial a kawesna a lienso,+ ket ikawesnanto iti lasagna dagiti sapin a lienso.+ Kalpasanna masapul nga ikkatenna ti nataba a dapdapo+ ti daton a mapuoran a kankanayon nga ibusen ti apuy iti rabaw ti altar, ket masapul nga ikabilna ida iti abay ti altar. 11  Ket masapul nga uksobenna dagiti kawesna+ ket mangikawes iti sabali a kawkawes, ket masapul nga iruarna ti nataba a dapdapo iti nadalus a lugar iti ruar ti pakarso.+ 12  Ket ti apuy iti altar mapagtalinaedto a sumsumged iti dayta. Masapul a saan a maiddep. Ket ti padi masapul a mangpuor iti kayo+ iti dayta iti binigat ket urnosenna ti mapuoran a daton iti rabaw dayta, ket masapul a pagasukenna dagiti taba dagiti sakripisio a pakikaykaysa iti rabaw dayta.+ 13  Ti apuy+ mapagtalinaedto a sumsumged a patinayon iti altar. Masapul a saan a maiddep. 14  “‘Ita daytoy ti linteg ti daton a bukbukel:+ Dakayo nga annak ni Aaron, idatagyo dayta iti sanguanan ni Jehova iti sango ti altar. 15  Ket ti maysa kadakuada masapul a mangala babaen ti rakemna iti nasayaat nga arina ti daton a bukbukel ken iti lanana ken iti isuamin nga olibano nga adda iti rabaw ti daton a bukbukel, ket masapul a pagasukenna dayta iti rabaw ti altar kas makabang-ar a sayamusom ken Jehova a mangipalagip+ iti dayta. 16  Ket ti matedda iti dayta kanento ni Aaron ken ti annakna.+ Makanto a kas di pinaalsa a tintinapay+ iti nasantuan a disso. Kanendanto dayta iti paraangan ti tolda ti gimong. 17  Saan koma a maluto nga addaan iti aniaman a banag a nalebaduraan.+ Intedko dayta a kas binglayda manipud naipuor a datdatonko.+ Kasasantuan a banag dayta,+ kas iti daton gapu iti basol ken kas iti daton gapu iti babak. 18  Kanento dayta ti tunggal lalaki+ kadagiti annak ni Aaron. Sustento dayta agingga iti tiempo a di nakedngan+ iti intero a kapkaputotanyo manipud iti naipuor a daton ni Jehova. Isuamin a makasagid kadakuada agbalinto a nasantuan.’” 19  Ket intultuloy ni Jehova ti nagsao ken Moises, a kunkunana: 20  “Daytoy ti daton+ ni Aaron ken ti annakna nga idatagdanto ken Jehova iti aldaw ti pannakapulotna:+ ti apagkapullo ti maysa nga efa+ ti nasayaat nga arina kas patinayon a daton a bukbukel,+ kagudua dayta iti bigat ken kagudua dayta iti rabii. 21  Maaramidto dayta nga addaan lana iti rabaw ti daplat a pariok.+ Iyegmonto a napaglaok a naimbag. Pispisi nga idatagmonto dagiti pasteles ti daton a bukbukel kas makabang-ar a sayamusom ken Jehova. 22  Ket ti padi, daydiay napulotan a mangsandi kenkuana manipud iti annakna,+ aramidennanto dayta. Maysa nga alagaden agingga iti tiempo a di nakedngan: Kas sibubukel a daton mapagasukto+ dayta ken Jehova. 23  Ket ti tunggal bukbukel a daton ti maysa a padi+ rebbeng a sibubukel a daton. Masapul a saan a makan.” 24  Ket ni Jehova nagsao pay ken Moises, a kunkunana: 25  “Agsaoka ken Aaron ken iti annakna, a kunaem, ‘Daytoy ti linteg ti daton gapu iti basol:+ Iti disso+ a kankanayon a pamarpartian iti daton a mapuoran mapartinto ti daton gapu iti basol iti sanguanan ni Jehova. Maysa dayta a kasasantuan a banag.+ 26  Kanento dayta ti padi a mangidaton iti dayta maipaay iti basol.+ Iti maysa a nasantuan a disso+ makanto dayta iti paraangan+ ti tolda ti gimong. 27  “‘Isuamin a makasagid iti lasagna agbalinto a nasantuan,+ ket no ti asinoman maiparsiakna ti dadduma a dara dayta iti kawes,+ labaamto ti pinarsiakanna iti dara iti nasantuan a disso.+ 28  Ket ti pagkargaan a damili+ a pakailambonganna maiburak. Ngem no nailambong dayta iti pagkargaan a gambang, ngarud masapul a makaskas ken mabelnasan iti danum. 29  “‘Kanento dayta tunggal lalaki iti papadi.+ Kasasantuan a banag dayta.+ 30  Nupay kasta, masapul nga awan ti makan a daton gapu iti basol a ti dadduma iti dara+ maipanto iti tolda ti gimong a pangaramid iti panangabbong iti nasantuan a disso. Mapuoran dayta iti apuy.

Footnotes