Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 3:1-17

3  “‘Ket no ti datonna maysa a pakikaykaysa a sakripisio,+ no idatagna dayta manipud iti pangen, uray no kalakian wenno kabaian, daydiay nasalun-at+ ti idatagnanto iti sanguanan ni Jehova.  Ket masapul nga ipatayna ti imana iti ulo+ ti datonna, ket masapul a maparti dayta iti pagserkan ti tolda ti gimong; ket ti annak ni Aaron, ti papadi, masapul nga iwarsida ti dara iti aglikmut ti rabaw ti altar.  Ket masapul nga idatagna ti sumagmamano iti pakikaykaysa a sakripisio kas naipuor a daton ken Jehova, a dayta ket, ti taba+ a mangalupkop kadagiti bagis, uray ti isuamin a taba nga adda iti rabaw dagiti bagis,+  ken ti dua a bekkel+ ken ti taba nga adda iti rabawda, kas met laeng iti daydiay adda iti rabaw dagiti lomo. Ket no maipapan ti kulanit iti rabaw ti dalem, ikkatennanto agraman dagiti bekkel.  Ket ti annak ni Aaron+ masapul a pagasukenda dayta+ iti altar, iti rabaw ti daton a mapuoran nga adda iti rabaw ti kayo+ nga adda iti apuy, kas naipuor a daton ti makabang-ar a sayamusom+ ken Jehova.  “‘Ket no ti datonna aggapu iti arban a maipaay a pakikaykaysa a sakripisio ken Jehova, maysa a kalakian wenno kabaian, daydiay nasalun-at+ ti idatagnanto.  No isu mangidatag iti urbon a kalakian a karnero kas datonna, ngarud masapul nga idatagna dayta iti sanguanan ni Jehova.+  Ket masapul nga ipatayna ti imana iti ulo+ ti datonna, ket masapul a maparti dayta+ iti sanguanan ti tolda ti gimong; ket masapul nga iwarsi ti annak ni Aaron ti darana iti aglikmut ti rabaw ti altar.  Ket manipud iti pakikaykaysa a sakripisio masapul nga idatagna ti tabana kas naipuor a daton ken Jehova.+ Ti intero a nataba nga ipus+ isunto ti ikkatenna iti asideg ti duri, ken ti taba a mangalupkop kadagiti bagis, uray ti isuamin a taba nga adda iti rabaw dagiti bagis,+ 10  ken ti dua a bekkel ken ti taba nga adda iti rabawda, kas met laeng iti daydiay adda iti rabaw dagiti lomo. Ket no maipapan iti kulanit+ iti rabaw ti dalem, ikkatennanto agraman dagiti bekkel. 11  Ket masapul a pagasuken dayta ti padi+ iti altar a kas taraon,+ maysa a naipuor a daton ken Jehova. 12  “‘Ket no ti datonna maysa a kalding,+ ngarud masapul nga idatagna dayta iti sanguanan ni Jehova. 13  Ket masapul nga ipatayna ti imana iti ulo dayta,+ ket masapul a maparti dayta+ iti sanguanan ti tolda ti gimong; ket masapul nga iwarsi ti annak ni Aaron ti darana iti aglikmut ti rabaw ti altar. 14  Ket manipud iti dayta masapul nga idatagna kas datonna, kas naipuor a daton ken Jehova, ti taba a mangalupkop kadagiti bagis, uray ti isuamin a taba nga adda iti rabaw dagiti bagis,+ 15  ken ti dua a bekkel ken ti taba nga adda iti rabawda, kas met laeng iti daydiay adda iti rabaw dagiti lomo. Ket no maipapan iti kulanit iti rabaw ti dalem, ikkatennanto agraman dagiti bekkel. 16  Ket masapul a pagasuken ida ti padi iti rabaw ti altar a kas taraon, maysa a naipuor a daton agpaay a makabang-ar a sayamusom. Ti isuamin a taba kukua ni Jehova.+ 17  “‘Maysa a paglintegan agingga iti tiempo a di nakedngan maipaay kadagiti kaputotanyo, kadagiti amin a disso a pagnaedanyo: Dikay pulos kanen ti aniaman a taba wenno aniaman a dara.’”+

Footnotes