Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Levitico 22:1-33

22  Ket ni Jehova nagsao pay ken Moises, a kunkunana:  “Agsaoka ken Aaron ken iti annakna, tapno mapagtalinaedda a naisina ti bagbagida manipud nasantuan a bambanag ti annak ti Israel ket saanda a tabbaawan ti nasantuan a naganko+ iti bambanag a sansantipikarenda kaniak.+ Siak ni Jehova.  Kunaem kadakuada, ‘Iti intero a kapkaputotanyo asinoman a lalaki iti isuamin a putotyo nga umasideg iti nasantuan a bambanag, a santipikarento ken Jehova ti annak ti Israel, bayat a ti kinarugitna adda kenkuana,+ dayta a kararua masapul a magessat iti sanguanak. Siak ni Jehova.  Awan koma ti lalaki kadagiti putot ni Aaron no isu agkukutel+ wenno addaan iti panagpasayasay+ ti mangan iti nasantuan a bambanag agingga nga agbalin a nadalus,+ uray daydiay mangsagid iti aniaman a narugit gapu iti pimmusay a kararua+ wenno lalaki nga agparuar iti semilia,+  uray ti lalaki a mangsagid iti aniaman nga agpangpangen a banag a narugit kenkuana+ wenno mangsagid iti maysa a tao a narugit kenkuana no maipapan iti aniaman a kinarugitna.+  Ti kararua a mangsagid iti aniaman kadagita narugitto agingga iti rabii ket saan koma a mangan iti aniaman kadagiti nasantuan a banag, no di ket masapul a digusenna ti lasagna iti danum.+  Inton limneken ti init, isu nadalusto metten, ket kalpasanna mabalinna ti mangan kadagiti nasantuan a banag, agsipud ta tinapayna dayta.+  Rebbeng met a saan a mangan iti aniaman a natayen a bagi wenno aniaman a banag a rinangkay dagiti atap nga animal iti kasta agbalin a narugit babaen iti dayta.+ Siak ni Jehova.  “‘Ket masapul a salimetmetanda ti pagrebbenganda kaniak, tapno saanda nga agawit iti basol gapu iti dayta ket kasapulan a matayda+ gapu iti dayta agsipud ta tinabbaawanda. Siak ni Jehova a mangsansantipikar kadakuada. 10  “‘Ket awan koma a pulos ti sangsangaili a mangan iti aniaman a banag a nasantuan.+ Awan koma ti makipaggigian iti padi wenno maysa a patangtangdanan a trabahador a mangan iti aniaman a banag a nasantuan. 11  Ngem no kas pagarigan gumatang ti padi iti maysa a kararua, kas nagatang iti kuartana, iti kasta a kasasaadna mabalinna ti makipaset iti pannangan iti dayta. No maipapan kadagiti adipen a nayanak iti balayna, iti kasta a kasasaadda mabalinda ti makipaset iti pannangan iti tinapayna.+ 12  Ket no kas pagarigan ti anak a babai ti maysa a padi agbalin a kukua ti lalaki a sangsangaili, iti kasta a kasasaadna saan koma a mangan iti kontribusion ti nasantuan a bambanag. 13  Ngem no kas pagarigan ti anak a babai ti maysa a padi mabalo wenno maidiborsio idinto ta awan anakna, ket agsublinto iti balay ni amana a kas idi kinaagtutubona,+ mabalinna ti mangan iti tinapay ni amana;+ ngem awan koma a pulos ti sangsangaili nga agtaraon iti dayta. 14  “‘Ita no kas pagarigan ti maysa a lalaki di inranranta a makapangan iti nasantuan a banag,+ masapul ngarud a nayonanna iti apagkalima+ dayta ket masapul nga itedna iti padi ti nasantuan a banag. 15  Gapuna rebbeng a saanda a tabbaawan ti nasantuan a bambanag ti annak ti Israel, a mabalinda nga ikontribusion ken Jehova,+ 16  ket pudno nga ipaawitna kadakuada ti pannusa ti panagbasol gapu ti pannanganda iti nasantuan a bambanagda; ta siak ni Jehova a mangsansantipikar kadakuada.’” 17  Ket intuloy ni Jehova ti agsao ken Moises, a kunkunana: 18  “Agsaoka ken Aaron ken iti annakna ken iti amin nga annak ti Israel, ket masapul a kunaem kadakuada, ‘No maipapan iti asinoman a tao iti balay ti Israel wenno asinoman a ganggannaet nga agnanaed iti Israel a mangidatag iti datonna,+ maipaay iti aniaman kadagiti karida+ wenno maipaay iti aniaman kadagiti boluntario a datonda,+ a mabalinda nga idatag ken Jehova a maipaay a daton a mapuoran, 19  tapno magun-odan ti anamong+ maipaay kadakayo masapul a nasalun-at dayta,+ kalakian iti pangen, kadagiti urbon a kalakian a karnero wenno kadagiti kalding. 20  Aniaman a banag nga addaan iti pilaw dikay idatag,+ agsipud ta saanto nga agserbi a panggun-od iti anamong maipaay kadakayo. 21  “‘Ket no kas pagarigan ti maysa a lalaki mangidatag iti pakikaykaysa a sakripisio+ ken Jehova tapno tungpalenna ti maysa a kari+ wenno kas maysa a boluntario a daton, rebbeng a daydiay nasalun-at iti pangen wenno iti arban, tapno magun-odan ti anamong. Rebbeng nga awanan a pulos iti pilaw. 22  Awan ti bulsek wenno nablo wenno addaan sugat wenno bittig wenno aggaddil wenno ladi,+ awan kadagitoy ti idatagyonto ken Jehova, ket awan naipuor a daton+ manipud kadakuada ti iparabawyonto iti altar a maipaay ken Jehova. 23  No maipapan iti toro wenno karnero nga addaan iti kameng nga atiddog unay wenno ababa unay,+ mabalinmo nga aramiden a boluntario a daton; ngem no maipaay iti kari saanto a maawat buyogen ti anamong. 24  Ngem ti maysa a napis-it dagiti ukel-ukelna+ wenno nataltal wenno naipalsot wenno naputed dikayto idiaya ken Jehova, ket iti dagayo rebbeng a dikay idatag ida. 25  Ket aniaman kadagitoy amin manipud iti ima ti maysa a ganggannaet dikay idatag kas tinapay ti Diosyo, agsipud ta ti kinarinukerda adda kadakuada. Adda pilaw+ kadakuada. Saandanto a maawat buyogen ti anamong+ kadakayo.’” 26  Ket ni Jehova nagsao pay ken Moises, a kunkunana: 27  “No mayanak ti maysa a toro wenno ti maysa nga urbon a kalakian a karnero wenno ti maysa a kalding, ngarud masapul nga agtalinaed iti sidong ti inana iti pito nga aldaw,+ ngem manipud iti maikawalo nga aldaw ken agpatpatuloy maawatto a buyogen ti anamong kas maysa a daton, naipuor a daton ken Jehova. 28  No maipapan iti maysa a toro ken maysa a karnero, dikay partien dayta ken ti urbonna iti maymaysa nga aldaw.+ 29  “Ket no kas pagarigan mangisakripisiokayo iti sakripisio ti panagyaman ken Jehova,+ rebbeng nga isakripisioyo tapno magun-odan ti anamong maipaay kadakayo. 30  Iti dayta nga aldaw rebbeng a makan dayta.+ Dikay mangitedda ti aniaman iti dayta agingga iti bigat.+ Siak ni Jehova. 31  “Ket masapul a salimetmetanyo dagiti bilinko ken aramidenyo ida.+ Siak ni Jehova. 32  Ket dikay tabbaawan ti nasantuan a naganko,+ ket masapul a masantipikarak iti tengnga ti annak ti Israel.+ Siak ni Jehova a mangsansantipikar kadakayo,+ 33  Daydiay mangiruruar kadakayo manipud daga ti Egipto tapno agbalinak a Dios kadakayo.+ Siak ni Jehova.”

Footnotes