Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 20:1-27

20  Ket ni Jehova nagsao ken Moises, a kunkunana:  “Sawem iti annak ti Israel, ‘Asinoman a tao iti annak ti Israel, ken asinoman a ganggannaet nga agnanaed nga agtaeng kas ganggannaet iti Israel, a mangited ken Molec iti asinoman kadagiti putotna,+ rebbeng a mapapatay a di bumurong. Dagiti umili iti daga rebbeng nga isu uborenda iti batbato agingga a matay.  Ket no maipapan kaniak, iturongkonto ti rupak maibusor iti dayta a lalaki, ket gessatekto iti tengnga dagiti kailianna,+ gapu ta intedna ken Molec ti dadduma kadagiti putotna iti panggep a panangtulaw iti nasantuan a dissok+ ken tapno tabbaawan ti nasantuan a naganko.+  Ket no igagara dagiti umili iti daga nga ilinged dagiti matada iti dayta a tao inton itedna ken Molec ti asinoman kadagiti putotna babaen ti saanda a panangpapatay kenkuana,+  ngarud siak, iti biangko, ipamaysakto ti rupak maibusor iti dayta a tao ken iti pamiliana,+ ket pudno nga isu ken amin dagidiay addaan iti imoral a pannakidenna a naikuyog kenkuana iti imoral a pannakidenna+ ken Molec gessatekto iti tengnga dagiti kailianda.  “‘No maipapan iti kararua a bumaw-ing kadagiti mannakiuman iti espiritu+ ken kadagiti propesional a managipadles+ iti paspasamak iti kasta maaddaan iti imoral a pannakidenna kadakuada, pudno unay nga iturongkonto ti rupak maibusor iti dayta a kararua ket gessatek iti tengnga dagiti kailianna.+  “‘Ket masapul a santipikarenyo ti bagbagiyo ken agbalinkayo a nasantuan,+ agsipud ta siak ni Jehova a Diosyo.  Ket masapul a salimetmetanyo dagiti paglintegak ken aramidenyo ida.+ Siak ni Jehova a mangsansantipikar kadakayo.+  “‘No kas pagarigan adda asinoman a lalaki nga idawdawatna ti pakadaksan ti amana ken ti inana,+ rebbeng a mapapatay a di bumurong.+ Amana ken inana ti indawdawatanna ti pakadaksan. Ti bukodna a dara maiparabaw kenkuana.+ 10  “‘Ita ti lalaki a makikamalala iti asawa ti sabali a lalaki ket maysa a makikamalala iti asawa ti padana a tao.+ Rebbeng a mapapatay a di bumurong, ti mannakikamalala a lalaki ken kasta met ti mannakikamalala a babai.+ 11  Ket ti lalaki a makikaidda iti asawa ni amana induyayyatna ti kinalamolamo ni amana.+ Isuda a dua rebbeng a mapapatayda a di bumurong. Ti bukodda a dara maiparabaw kadakuada. 12  Ket no ti maysa a lalaki makikaidda iti manugangna-a-babai, isuda a dua rebbeng a mapapatayda a di bumurong.+ Nagsalungasingda iti nakaisigudan. Ti bukodda a dara maiparabaw kadakuada.+ 13  “‘Ket no ti maysa a lalaki makikaidda iti lalaki a kas met laeng no ti maysa makikaidda iti babai, isuda a dua nakaaramidda iti nakarimrimon a banag.+ Rebbeng a mapapatayda a di bumurong. Ti bukodda a dara maiparabaw kadakuada. 14  “‘Ket no ti maysa a lalaki alaenna ti maysa a babai ken ti inana, nalulok a kababalin dayta.+ Rebbeng a puoranda isuna ken isuda iti apuy,+ tapno ti nalulok a kababalin+ saan nga agtultuloy iti tengngayo. 15  “‘Ket no ti maysa a lalaki itedna ti agruar a semiliana iti animal,+ rebbeng nga isu mapapatay a di bumurong, ket rebbeng a papatayenyo ti animal. 16  Ket no ti maysa a babai umasideg iti aniaman nga animal tapno makinaig iti dayta,+ masapul a papatayem ti babai ken ti animal. Rebbeng a mapapatayda a di bumurong. Ti bukodda a dara adda iti rabawda. 17  “‘Ket no ti maysa a lalaki alaenna ti kabsatna a babai, ti anak ni amana wenno ti anak ni inana, ket makitana ti kinalamolamona, ket isu makitana ti kinalamolamona, nakababain dayta.+ Gapuna masapul a magessatda iti imatang ti annak dagiti kailianda. Kinalamolamo ti kabsatna ti induyayyatna. Rebbeng a manungsungbat iti biddutna. 18  “‘Ket no ti maysa a lalaki makikaidda iti agkadawyan a babai ket iduyayyatna ti kinalamolamona, impanayagna ti ubbogna, ket isu induyayyatna ti ubbog ti darana.+ Ngarud isuda a dua masapul a magessatda iti tengnga dagiti kailianda. 19  “‘Ket ti kinalamolamo ti kabsat a babai ni inam+ ken ti kabsat a babai ni amam+ dika iduyayyat, agsipud ta nainaig kenkuana iti dara ti impanayagna.+ Rebbeng a manungsungbatda iti biddutda. 20  Ket ti lalaki a makikaidda iti asawa ti ulitegna induyayyatna ti kinalamolamo ti ulitegna.+ Rebbeng a manungsungbatda iti basolda. Rebbeng a matayda nga awanan anak.+ 21  Ket no ti maysa a lalaki alaenna ti asawa ti kabsatna a lalaki, makaparurod a banag dayta.+ Kinalamolamo ti kabsatna ti induyayyatna. Rebbeng nga agbalinda nga awanan anak. 22  “‘Ket masapul a salimetmetanyo dagiti amin a paglintegak+ ken dagiti amin a hudisial a pangngeddengko+ ket aramidenyo ida, tapno ti daga a pangipanak kadakayo a pagnaedanyo saannakayo nga isarwa.+ 23  Ket dikay magna kadagiti paglintegan ti nasnasion a papanawek iti sanguananyo,+ agsipud ta inaramidda amin dagitoy a banag ket karurodko ida.+ 24  Gapuna kinunak kadakayo:+ “Dakayo, iti biangyo, tagikuaenyonto ti dagada, ket siak, iti biangko, itedkonto dayta kadakayo tapno tagikuaenyo, maysa a daga a pagay-ayusan ti gatas ken diro.+ Siak ni Jehova a Diosyo, a nangilasin kadakayo kadagiti ili.”+ 25  Ket masapul a mangaramidkayo ti pagdumaan iti nagbaetan ti animal a nadalus ken ti narugit ken iti nagbaetan ti agtatayab a narugit ken ti nadalus;+ ket dikay pagbalinen a makarumen dagiti kararuayo+ babaen iti animal ken iti agtatayab ken aniaman a banag nga aggaraw iti daga nga inlasinko maipaay kadakayo iti panangideklarak kadakuada a narugit. 26  Ket masapul nga agbalinkayo a nasantuan kaniak,+ agsipud ta siak ni Jehova nasantuanak;+ ket ilaslasinkayo kadagiti ili tapno agbalinkayo a kukuak.+ 27  “‘Ket no maipapan iti lalaki wenno babai nga addaan espiritu ti pannakiuman wenno espiritu ti panagipadles,+ rebbeng a mapapatayda a di bumurong.+ Rebbeng nga uborenda ida iti batbato agingga a matayda. Ti bukodda a dara maiparabaw kadakuada.’”+

Footnotes