Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 2:1-16

2  “‘Ita no kas pagarigan adda kararua a mangidatag kas daton iti bukbukel a daton+ ken Jehova, ti datonna rebbeng a nasayaat nga arina;+ ket masapul a bukbokanna iti lana ken ikkanna iti olibano.  Ket masapul nga ipanna iti annak ni Aaron, ti papadi, ket ti padi masapul a mangala manipud iti dayta ti sangarakemna iti nasayaat nga arinana ken ti lanana agraman ti isuamin nga olibanona; ket masapul a pagasukenna a kas maysa a mangipalagip+ iti dayta iti rabaw ti altar, kas naipuor a daton ti makabang-ar a sayamusom ken Jehova.  Ket ti matedda iti daton a bukbukel kukua ni Aaron ken ti annakna,+ kas kasasantuan a banag+ manipud kadagiti naipuor a daton ni Jehova.  “‘Ket no kas pagarigan idatagmo kas daton ti bukbukel a daton iti pamay-an a kas iti maysa a banag a naluto iti urno, rebbeng a maaramid dayta iti nasayaat nga arina, di pinaalsa a nagtimbukel+ a tintinapay a nababasa iti lana wenno di pinaalsa+ a galgalieta a napulagidan iti lana.+  “‘Ket no ti datonmo bukbukel a daton manipud iti daplat a pariok,+ rebbeng a maaramid iti nasayaat nga arina a nababasa iti lana, di pinaalsa.  Adda koma panangpispisi iti dayta, ket masapul a bukbokam iti lana.+ Daton a bukbukel dayta.  “‘Ket no ti datonmo bukbukel a daton manipud iti nauneg a kaldero, rebbeng a maaramid dayta iti nasayaat nga arina nga addaan iti lana.  Ket masapul nga ipanmo ken Jehova ti daton a bukbukel a naaramid kadagitoy; ket masapul a maiparang dayta iti padi ket masapul nga iyasidegna dayta iti altar.  Ket ti padi masapul a mangala iti sumagmamano iti daton a bukbukel kas mangipalagip+ iti dayta ket masapul a pagasukenna iti altar, kas naipuor a daton ti makabang-ar a sayamusom ken Jehova.+ 10  Ket ti matedda iti daton a bukbukel kukua ni Aaron ken ti annakna, kas kasasantuan a banag kadagiti daton ni Jehova babaen iti apuy.+ 11  “‘Awan koma ti daton a bukbukel nga idatagyonto ken Jehova a maaramid a nalebaduraan a banag,+ agsipud ta masapul nga awan ti naalsem a bellaay ken awan a pulos ti diro a pagasukenyo kas naipuor a daton ken Jehova. 12  “‘Kas maysa a daton ti umuna a bungbunga,+ idatagyonto ida ken Jehova, ket masapul a saanda a sumagpat iti altar nga agpaay a makabang-ar a sayamusom. 13  “‘Ket tunggal daton iti datonmo a bukbukel templaanyonto iti asin;+ ket dika ipalubos a ti asin ti tulag+ ti Diosmo awan iti datonmo a bukbukel. Mairaman iti tunggal datonmo mangidatagkanto iti asin. 14  “‘Ket no idatagmo ti daton a bukbukel ti umuna a naluom a bungbunga ken Jehova, rebbeng a mangidatagka iti berde a dawdawa a nairuban iti apuy, dagiti nalebbek a binukel ti baro a bukel, kas daton a bukbukel ti umuna a naluom a bungbungam.+ 15  Ket masapul nga ikkam iti lana ken mangikabilka iti olibano iti dayta. Daton a bukbukel dayta.+ 16  Ket ti padi masapul a pagasukenna ti mangipalagip+ iti dayta, awan sabali, ti sumagmamano iti nalebbek a binukel ken lanana, agraman ti isuamin nga olibanona, kas naipuor a daton ken Jehova.

Footnotes