Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 19:1-37

19  Ket ni Jehova nagsao pay ken Moises, a kunkunana:  “Agsaoka iti intero a gimong ti annak ti Israel, ket masapul a kunaem kadakuada, ‘Rebbeng nga agbalinkayo a nasantuan,+ agsipud ta siak ni Jehova a Diosyo nasantuanak.+  “‘Rebbeng a pagbutnganyo tunggal maysa ti inana ken amana,+ ket dagiti sabbathko rebbeng a salimetmetanyo.+ Siak ni Jehova a Diosyo.  Dikay bumaw-ing iti awanan pateg a didios,+ ket dikay iyaramidan ti bagbagiyo iti sinukog a didios.+ Siak ni Jehova a Diosyo.  “‘Ita no kas pagarigan agisakripisiokayo iti pakikaykaysa a sakripisio ken Jehova,+ isakripisioyo dayta tapno magun-odanyo ti anamong maipaay iti bagbagiyo.+  Iti aldaw ti panangisakripisioyo ken iti met laeng sumaganad nga aldaw rebbeng a makan dayta, ngem ti matedda agingga iti maikatlo nga aldaw rebbeng a maipuor iti apuy.+  Nupay kasta, no makanto latta iti maikatlo nga aldaw, narugit a banag dayta.+ Saanto a maawat buyogen ti anamong.+  Ket daydiay mangan iti dayta manungsungbatto iti biddutna,+ agsipud ta tinabbaawanna ti nasantuan a banag ni Jehova; ket dayta a kararua masapul a magessat kadagiti kailianna.  “‘Ket no apitenyo ti ani ti dagayo, dika naan-anay nga apiten ti igid ti talonmo, ket ti maadas iti aniem dika piduten.+ 10  Kasta met, dika burasen dagiti natedda+ iti kaubasam, ket dika piduten dagiti naiwara nga ubas ti kaubasam. Rebbeng nga ibatim ida a maipaay iti daydiay naparigatan ken iti ganggannaet nga agnanaed.+ Siak ni Jehova a Diosyo. 11  “‘Dikay agtakaw,+ ket dikay mangallilaw,+ ket dikay makilangen a siuulbod asinoman iti katimpuyogna.+ 12  Ket dikay agsapata iti naganko iti kinaulbod,+ tapno tabbaawam ti nagan ti Diosmo. Siak ni Jehova. 13  Dika sauren ti padam a tao,+ ket dika takawan.+ Dagiti tangdan ti maysa a patangtangdanan a trabahador rebbeng a di agtalinaed kenka iti intero a rabii agingga iti bigat.+ 14  “‘Dika idawdawat ti pakadaksan ti tuleng a tao, ket iti sanguanan ti bulsek a tao dika mangikabil iti tubeng;+ ket masapul nga agbutengka iti Diosmo.+ Siak ni Jehova. 15  “‘Dikay agaramid iti di kinahustisia iti panangukom. Dika tratuen ti nanumo buyogen ti panangidumduma,+ ket dika paboran ti kinatao daydiay naindaklan.+ Rebbeng nga ukomem ti katimpuyogmo buyogen ti kinahustisia. 16  “‘Dika aglikmulikmut kadagiti kailiam maigapu iti panangpardaya.+ Dika tumakder maibusor iti dara ti padam a tao.+ Siak ni Jehova. 17  “‘Dika guraen ti kabsatmo ita pusom.+ Siguraduem a tubngaren ti katimpuyogmo,+ tapno saanka a makipagawit kenkuana iti basol. 18  “‘Dika agibales+ wenno maaddaan iti sakit ti nakem iti annak dagiti kailiam;+ ket masapul nga ayatem ti padam a tao a kas iti bagim.+ Siak ni Jehova. 19  “‘Rebbeng a salimetmetanyo dagiti paglintegak: Dika pagmanadaen ti dua a kita dagiti naamo nga animalmo. Dika mulaan ti talonmo iti dua a kita ti bin-i,+ ket dika mangikapet ita bagim iti kawes a dua a kita ti sinulidna, a napaglaok.+ 20  “‘Ita no kas pagarigan ti maysa a lalaki makikaidda iti babai ket adda nagruar a semiliana, idinto ta isu adipen a babai a naituding iti sabali a lalaki, ket saan pay a nasubbot iti aniaman a pamay-an wenno saan pay a naited kenkuana ti wayawaya, rebbeng a maaramid ti panangdusa. Saanda a mapapatay, agsipud ta isu saan a nawayawayaan. 21  Ket masapul nga iyegna ti datonna gapu iti babak ken Jehova iti pagserkan ti tolda ti gimong, maysa a kalakian a karnero ti daton gapu iti babak.+ 22  Ket ti padi masapul a mangaramid iti panangabbong maipaay kenkuana babaen ti kalakian a karnero ti daton gapu iti babak iti sanguanan ni Jehova maipaay iti basolna a naaramidanna; ket ti basolna a naaramidanna mapakawanto kenkuana.+ 23  “‘Ket no kas pagarigan sumrekkayo iti daga, ket agmulakayto iti aniaman a kayo a pagtaraon, masapul nga ibilangyo met a narugit ti bungana kas “makinsango a kudilna.” Iti tallo a tawen agtultuloyto a di nakugit kadakayo. Rebbeng a saan a makan. 24  Ngem iti maikapat a tawen amin a bungana+ agbalinto a nasantuan a banag ti piesta ti panagrag-o ken Jehova.+ 25  Ket iti maikalima a tawen mabalinyo a kanen ti bungana tapno inayon kadakayo ti apitna.+ Siak ni Jehova a Diosyo. 26  “‘Dikay mangan iti aniaman maibuyog iti dara.+ “‘Dikay agsapul kadagiti partaan,+ ket dikay agsalamangka.+ 27  “‘Dikay putdan ti buok iti sikigan ti uloyo iti aglikmut, ket dika dadaelen ti pingir ti barbasmo.+ 28  “‘Ket dikay sugatsugaten ti lasagyo gapu iti pimmusay a kararua,+ ket dikay mangikabil iti marka a tato iti bagbagiyo. Siak ni Jehova. 29  “‘Dika tabbaawan ti anakmo a babai babaen ti panamagbalangkantis kenkuana,+ tapno saan koma nga agbalangkantis ti daga ket pudno a mapno ti daga kadagiti nalulok a moral.+ 30  “‘Dagiti sabbathko rebbeng a salimetmetanyo,+ ket rebbeng nga agtakderkayo a siaamak iti santuariok.+ Siak ni Jehova. 31  “‘Dikay bumaw-ing kadagiti mannakiuman iti espiritu,+ ket dikay makiuman kadagiti propesional a managipadles iti paspasamak,+ iti kasta agbalinkayo a narugit babaen kadakuada. Siak ni Jehova a Diosyo. 32  “‘Iti sanguanan ti ubanan rebbeng a tumakderka,+ ket masapul nga ipakitaam ti konsiderasion ti kinatao ti maysa a lakay,+ ket masapul nga agbutengka iti Diosmo.+ Siak ni Jehova. 33  “‘Ket no kas pagarigan ti ganggannaet nga agnanaed makipagtaeng kenka kas maysa a ganggannaet iti dagayo, dikay ranggasan.+ 34  Ti ganggannaet nga agnanaed a makipagtaeng kadakayo kas ganggannaet rebbeng nga agbalin kadakayo a kas iti katutuboyo; ket masapul nga ayatem kas iti bagim,+ ta nagbalinkayo a ganggannaet nga agnanaed iti daga ti Egipto.+ Siak ni Jehova a Diosyo. 35  “‘Dikay agaramid iti di kinahustisia iti panangukom,+ iti panangrukod, iti panangtimbang+ wenno iti panangsukat kadagiti likido. 36  Rebbeng nga addaankayo kadagiti umiso a timbangan,+ umiso a pagtimbang, umiso nga efa ken umiso a hin. Siak ni Jehova a Diosyo, a nangiruar kadakayo manipud daga ti Egipto. 37  Gapuna masapul a salimetmetanyo dagiti amin a paglintegak ken dagiti amin a hudisial a pangngeddengko, ket masapul nga aramidenyo ida.+ Siak ni Jehova.’”

Footnotes