Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 18:1-30

18  Ket intuloy ni Jehova ti agsao ken Moises, a kunkunana:  “Agsaoka iti annak ti Israel, ket masapul a kunaem kadakuada, ‘Siak ni Jehova a Diosyo.+  Ti wagas nga aramiden ti daga ti Egipto, a nagnaedanyo, dikay aramiden;+ ket ti wagas nga aramiden ti daga ti Canaan, a pangipanak kadakayo, dikay aramiden;+ ket kadagiti paglinteganda dikay magna.  Dagiti hudisial a pangngeddengko+ rebbeng nga itungpalyo, ket dagiti paglintegak+ rebbeng a salimetmetanyo tapno magnakayo kadakuada.+ Siak ni Jehova a Diosyo.  Ket masapul a salimetmetanyo dagiti paglintegak ken dagiti hudisial a pangngeddengko, a no aramidento ti maysa a tao, agbiagto met babaen kadakuada.+ Siak ni Jehova.+  “‘Dikay dumenna, asinoman a tao kadakayo, iti asinoman a nasinged a nainlasagan a kabagianna tapno iduyayyat ti kinalamolamo.+ Siak ni Jehova.  Ti kinalamolamo ni amam+ ken ti kinalamolamo ni inam dika iduyayyat. Isu inam. Dika iduyayyat ti kinalamolamona.  “‘Ti kinalamolamo ti asawa ni amam dika iduyayyat.+ Kinalamolamo dayta ni amam.  “‘No maipapan ti kinalamolamo ti kabsatmo a babai, ti anak ni amam wenno ti anak ni inam, uray no nayanak iti isu met laeng a sangakabbalayan wenno nayanak iti ruarna, dika iduyayyat ti kinalamolamoda.+ 10  “‘No maipapan ti kinalamolamo ti anak a babai ti anakmo a lalaki wenno ti anak a babai ti anakmo a babai, dika iduyayyat ti kinalamolamoda, agsipud ta kinalamolamom dagita. 11  “‘No maipapan ti kinalamolamo ti anak a babai ti asawa ni amam, ti putot ni amam, yantangay kabsatmo, dika iduyayyat ti kinalamolamona. 12  “‘Ti kinalamolamo ti kabsat a babai ni amam dika iduyayyat. Isu nainaig ken amam iti dara.+ 13  “‘Ti kinalamolamo ti kabsat a babai ni inam dika iduyayyat, agsipud ta isu nainaig ken inam iti dara. 14  “‘Ti kinalamolamo ti kabsat a lalaki ni amam dika iduyayyat. Dika dumenna iti asawana. Isu ikitmo.+ 15  “‘Ti kinalamolamo ti manugangmo-a-babai+ dika iduyayyat. Isu asawa ti anakmo. Dika iduyayyat ti kinalamolamona. 16  “‘Ti kinalamolamo ti asawa ti kabsatmo a lalaki+ dika iduyayyat. Kinalamolamo dayta ti kabsatmo. 17  “‘Ti kinalamolamo ti maysa a babai ken ti anakna a babai dika iduyayyat.+ Ti anak a babai ti anakna a lalaki ken ti anak a babai ti anakna a babai dika alaen tapno iduyayyat ti kinalamolamona. Isuda dagiti agkanaig iti dara. Nalulok a kababalin dayta.+ 18  “‘Ket dika mangala iti babai a mainayon iti kabsatna kas kasalisal+ tapno lukasam ti kinalamolamona, kayatna a sawen, malaksid kenkuana bayat ti panagbiagna. 19  “‘Ket dika dumenna iti maysa a babai bayat ti panagkadawyan+ ti kinarugitna tapno iduyayyat ti kinalamolamona.+ 20  “‘Ket dika ited ti agruar kenka kas semilia iti asawa a babai ti katimpuyogmo tapno agbalinka a narugit babaen iti dayta.+ 21  “‘Ket dika ipalubos ti panangipaay+ ken Molec iti asinoman kadagiti putotmo.+ Dika tabbaawan+ ti nagan ti Diosmo iti kasta a wagas. Siak ni Jehova.+ 22  “‘Ket dika makikaidda iti maysa a lalaki+ a kas ti pannakikaiddam iti maysa a babai.+ Nakarimrimon a banag dayta. 23  “‘Ket dika ited ti agruar kenka iti aniaman nga animal+ tapno agbalinka a narugit babaen iti dayta, ket ti babai rebbeng a di agtakder iti sanguanan ti maysa nga animal tapno makinaig iti dayta.+ Panangsalungasing dayta iti nakaisigudan. 24  “‘Dikay rugitan ti bagbagiyo babaen iti aniaman kadagitoy a banag, agsipud ta babaen kadagitoy amin a banag, dagiti nasion a pappapanawek iti sanguananyo rinugitanda ti bagbagida.+ 25  Iti kasta narugit ti daga, ket mangyegakto iti dayta iti pannusa maipaay iti biddutna, ket ti daga isarwananto dagiti agnanaed kenkuana.+ 26  Ket dakayo masapul a salimetmetanyo dagiti paglintegak ken dagiti hudisial a pangngeddengko,+ ket dikay aramiden ti aniaman kadagitoy amin a nakarimrimon a banag, uray no katutubo wenno ganggannaet nga agnanaed nga agtataeng kas ganggannaet iti tengngayo.+ 27  Ta amin dagitoy a nakarimrimon a banag inaramid dagiti tattao iti daga iti kasakbayanyo,+ isu a narugit ti daga. 28  Iti kasta saannakayto nga isarwa ti daga gapu iti panangtulawyo iti dayta a kas met laeng iti sigurado a panangisarwananto kadagiti nasion iti kasakbayanyo.+ 29  No kas pagarigan aramiden ti asinoman ti aniaman kadagitoy amin a nakarimrimon a banag, ngarud dagiti kararua a mangaramid kadagita masapul a magessat iti tengnga dagiti kailianda.+ 30  Ket masapul a salimetmetanyo ti pagrebbenganyo kaniak a dikay aramiden ti aniaman kadagiti nakarimrimon a kaugalian a naaramid iti kasakbayanyo,+ tapno dikay rugitan ti bagbagiyo babaen kadakuada. Siak ni Jehova a Diosyo.’”

Footnotes