Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Levitico 17:1-16

17  Ket ni Jehova nagsao ken Moises, a kunkunana:  “Agsaoka ken Aaron ken iti annakna ken iti amin nga annak ti Israel, ket masapul a kunaem kadakuada, ‘Daytoy ti banag nga imbilin ni Jehova, a kunkunana:  “‘“No maipapan iti asinoman a tao iti balay ti Israel nga agparti iti toro wenno urbon a kalakian a karnero wenno kalding iti pakarso wenno mangparti iti dayta iti ruar ti pakarso  ket pudno a saanna nga iyeg iti pagserkan ti tolda ti gimong+ tapno idatag kas daton ken Jehova iti sanguanan ti tabernakulo ni Jehova, panagbasol iti dara ti maibilangto iti dayta a tao. Isu nangibukbok iti dara, ket dayta a tao masapul a magessat iti tengnga dagiti kailianna,+  tapno ti annak ti Israel maiyegda dagiti sakripisioda, nga isaksakripisioda iti nawayang a tay-ak,+ ket masapul nga iyegda ken Jehova iti pagserkan ti tolda ti gimong iti padi,+ ket masapul nga isakripisioda dagitoy kas pakikaykaysa a sakripisio ken Jehova.+  Ket ti padi masapul nga iwarsina ti dara iti rabaw ti altar+ ni Jehova iti pagserkan ti tolda ti gimong, ket masapul a pagasukenna ti taba+ kas makabang-ar a sayamusom ken Jehova.+  Gapuna rebbeng a saandan nga isakripisio dagiti sakripisioda kadagiti sukog-kalding a sairo+ nga imoral a pakidendennaanda.+ Agserbinto daytoy kas paglintegan agingga iti tiempo a di nakedngan maipaay kadakayo, iti isuamin a kapkaputotanyo.”’  “Ket rebbeng a kunaem kadakuada, ‘No maipapan iti asinoman a tao iti balay ti Israel wenno asinoman a ganggannaet nga agnanaed nga agtataeng kas ganggannaet iti tengngayo a mangidaton iti daton a mapuoran+ wenno sakripisio  ket saanna nga iyeg iti pagserkan ti tolda ti gimong tapno idatag ken Jehova,+ dayta a tao masapul a magessat kadagiti kailianna.+ 10  “‘No maipapan iti asinoman a tao iti balay ti Israel wenno asinoman a ganggannaet nga agnanaed nga agtataeng kas ganggannaet iti tengngayo a mangan iti aniaman a kita ti dara,+ pudno unay nga iturongkonto ti rupak maibusor iti kararua+ a mangmangan iti dara, ket pudno a gessatekto iti tengnga dagiti kailianna. 11  Ta ti kararua ti lasag adda iti dara,+ ket siak inkabilko dayta iti rabaw ti altar maipaay kadakayo tapno mangaramid iti panangabbong+ maipaay kadagiti kararuayo, agsipud ta ti dara+ ti mangaramid iti panangabbong+ babaen ti kararua nga adda iti dayta. 12  Dayta ti makagapu a kinunak iti annak ti Israel: “Masapul nga awan kadakayo ti kararua a mangan iti dara ken rebbeng nga awan ti ganggannaet nga agnanaed nga agtataeng kas ganggannaet iti tengngayo+ a mangan iti dara.”+ 13  “‘No maipapan ti asinoman a tao iti annak ti Israel wenno asinoman a ganggannaet nga agnanaed nga agtataeng kas ganggannaet iti tengngayo nga iti panaganup makatiliw iti atap nga animal wenno agtatayab a makan, masapul nga iti dayta a kaso iparukpokna ti darana+ ket gaburanna iti tapok.+ 14  Ta ti kararua ti tunggal kita ti lasag isu ti darana babaen ti kararua nga adda iti dayta. Gapuna kinunak iti annak ti Israel: “Dikay kanen ti dara ti aniaman a kita ti lasag, agsipud ta ti kararua ti tunggal kita ti lasag isu ti darana.+ Asinoman a mangan iti dayta magessatto.”+ 15  No maipapan iti aniaman a kararua a mangan iti natayen a bagi wenno banag a rinangkay ti atap nga animal,+ uray no katutubo wenno ganggannaet nga agnanaed, masapul nga iti dayta a kaso labaanna dagiti kawesna ken agdigus iti danum ket narugit agingga iti rabii;+ ket isu nadalusto. 16  Ngem no saannanto a labaan ida ken saannanto a digusen ti lasagna, masapul ngarud a manungsungbat iti biddutna.’”+

Footnotes