Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Levitico 16:1-34

16  Ket ni Jehova nagsao ken Moises kalpasan ti ipapatay ti dua nga annak ni Aaron gapu iti iyaasidegda iti sanguanan ni Jehova iti kasta natayda.+  Ket ni Jehova kinunana ken Moises: “Sawem ken Aaron a kabsatmo, a saan a rebbeng a sumrek iti amin a tiempo iti nasantuan a disso+ iti uneg ti kortina,+ iti sango ti kalub nga adda iti rabaw ti Lakasa, tapno saan a matay;+ agsipud ta iti ulep+ agparangakto iti ngatuen ti kalub.+  “Rebbeng a sumrek ni Aaron iti nasantuan a disso agraman ti sumaganad:+ agraman maysa nga urbon a toro a maipaay a daton gapu iti basol+ ken maysa a kalakian a karnero a maipaay a daton a mapuoran.+  Rebbeng nga ikawesna ti nasantuan a nagayad a pagan-anay a lienso,+ ket dagiti sapin a lienso+ rebbeng a mayarpaw iti lasagna, ket rebbeng a bariksanna ti bagina iti sintas a lienso+ ket ibalkutna iti ulona ti turbante a lienso.+ Nasantuanda a kawkawes.+ Ket masapul a digusenna ti lasagna iti danum+ ket ikawesna ida.  “Ket manipud iti gimong ti annak ti Israel+ rebbeng a mangala iti dua a kalakian nga urbon dagiti kalding a maipaay a daton gapu iti basol+ ken maysa a kalakian a karnero a maipaay a daton a mapuoran.+  “Ket masapul nga idatag ni Aaron ti toro ti daton gapu iti basol, a maipaay iti bagina,+ ket masapul a mangaramid iti panangabbong+ maigapu iti bagina+ ken iti balayna.+  “Ket masapul nga alaenna ti dua a kalding ket patakderenna ida iti sanguanan ni Jehova iti pagserkan ti tolda ti gimong.  Ket masapul a pagbinnunotan+ ni Aaron ti dua a kalding, ti maysa a pannaka-bunot maipaay ken Jehova ket ti sabali a pannaka-bunot maipaay ken Azazel.+  Ket masapul nga idatag ni Aaron ti kalding a timpuaran ti pannaka-bunot+ maipaay ken Jehova, ket masapul nga aramidenna dayta a daton gapu iti basol.+ 10  Ngem ti kalding a timpuaran ti pannaka-bunot maipaay ken Azazel rebbeng a mapagtakder a sibibiag iti sanguanan ni Jehova tapno mangaramid iti panangabbong maipaay iti dayta, tapno pagtalawen+ maipaay ken Azazel nga agturong iti let-ang.+ 11  “Ket masapul nga idatag ni Aaron ti toro ti daton gapu iti basol, a maipaay iti bagina, ket mangaramid iti panangabbong maigapu iti bagina ken iti balayna; ket masapul a partienna ti toro ti daton gapu iti basol, a maipaay iti bagina.+ 12  “Ket masapul nga alaenna ti pagikkan ti apuy+ a napno kadagiti sumsumged a beggang ti apuy manipud iti altar+ iti sanguanan ni Jehova, ket dagiti lukong ti dua nga imana+ napno iti napino a napabanglo nga insienso,+ ket masapul nga iyegna ida iti uneg ti kortina.+ 13  Masapul met nga ikabilna ti insienso iti apuy iti sanguanan ni Jehova,+ ket ti ulep ti insienso masapul nga abbungotanna ti kalub ti Lakasa,+ nga adda iti rabaw ti Pammaneknek,+ tapno isu saan a matay. 14  “Ket masapul nga alaenna ti dadduma iti dara ti toro+ ket iparsiakna babaen ti ramayna iti sanguanan ti kalub iti sikigan iti daya, ket iparsiaknanto+ ti dadduma iti dara babaen ti ramayna iti mamimpito iti sanguanan ti kalub.+ 15  “Ket masapul a partienna ti kalding ti daton gapu iti basol, a maipaay kadagiti umili,+ ket masapul nga iyegna ti dara dayta iti uneg ti kortina+ ket aramidenna iti dara+ dayta ti kas met laeng ti inaramidna iti dara ti toro; ket masapul nga iparsiakna a maiturong iti kalub ken iti sanguanan ti kalub. 16  “Ket masapul a mangaramid iti panangabbong maipaay iti nasantuan a disso maipapan kadagiti kinarugit+ ti annak ti Israel ken maipapan kadagiti iyaalsada iti amin a basbasolda;+ ket kasta ti rebbeng nga aramidenna maipaay iti tolda ti gimong, a makipagtataeng kadakuada iti tengnga dagiti kinarugitda. 17  “Ket rebbeng nga awan ti sabali a tao iti tolda ti gimong manipud iseserrekna a mangaramid iti panangabbong iti nasantuan a disso agingga iti iruruarna; ket masapul a mangaramid iti panangabbong maigapu iti bagina+ ken maigapu iti balayna ken maigapu iti intero a kongregasion ti Israel.+ 18  “Ket masapul nga isu rummuar a mapan iti altar,+ nga adda iti sanguanan ni Jehova, ket mangaramid iti panangabbong maipaay iti dayta, ket masapul nga alaenna ti dadduma iti dara ti toro ken dadduma iti dara ti kalding ket ikabilna kadagiti sara ti altar iti aglikmut.+ 19  Masapul met nga iparsiakna+ ti dadduma iti dara iti rabaw dayta babaen ti ramayna iti mamimpito ket dalusanna ken santipikarenna manipud kadagiti kinarugit ti annak ti Israel. 20  “Inton nalpasen a nangaramid iti panangabbong+ maipaay iti nasantuan a disso ken iti tolda ti gimong ken iti altar, masapul met nga idatagna ti sibibiag a kalding.+ 21  Ket masapul nga ipatay ni Aaron ti dua nga imana+ iti ulo ti sibibiag a kalding ket ipudnona+ iti rabaw dayta dagiti amin a biddut+ ti annak ti Israel ken amin nga iyaalsada iti amin a basbasolda,+ ket masapul nga ikabilna ida iti rabaw ti ulo ti kalding+ ket pagtalawenna nga agturong iti let-ang+ babaen ti ima ti sisasagana a tao.+ 22  Ket masapul nga awiten ti kalding dagiti amin a biddutda+ nga ipan iti maysa a daga a desierto,+ ket masapul a pagtalawenna ti kalding nga agturong iti let-ang.+ 23  “Ket masapul a sumrek ni Aaron iti tolda ti gimong ket uksobenna dagiti kawes a lienso nga inkawesna idi simrek iti nasantuan a disso, ket masapul nga idissona ida sadiay.+ 24  Ket masapul a digusenna ti lasagna iti danum+ iti maysa a nasantuan a disso+ ket ikawesna dagiti kawesna+ ket rummuar ken idatagna ti mapuoran a datonna+ ken ti mapuoran a daton dagiti umili+ ket mangaramid iti panangabbong maigapu kenkuana a mismo ken maigapu kadagiti umili.+ 25  Ket pagasukennanto ti taba ti daton gapu iti basol iti rabaw ti altar.+ 26  “No maipapan iti daydiay+ namagtalaw iti kalding maipaay ken Azazel,+ rebbeng a labaanna dagiti kawesna, ket masapul a digusenna ti lasagna iti danum,+ ket kalpasan dayta mabalinna ti sumrek iti pakarso. 27  “Nupay kasta, ti toro ti daton gapu iti basol ken ti kalding ti daton gapu iti basol, a ti darada a dua naiserrek tapno mangaramid iti panangabbong iti nasantuan a disso, paipannanto iti ruar ti pakarso; ket masapul nga ipuorda dagiti lalatda ken ti lasagda ken ti iblengda iti apuy.+ 28  Ket daydiay nangipuor kadakuada rebbeng a labaanna dagiti kawesna, ket masapul a digusenna ti lasagna iti danum, ket kalpasan dayta mabalinna ti sumrek iti pakarso. 29  “Ket agserbinto kas paglintegan agingga iti tiempo a di nakedngan maipaay kadakayo:+ Iti maikapito a bulan iti maikasangapulo ti bulan+ rebbeng a parigatenyo dagiti kararuayo,+ ket dikay agaramid iti aniaman a trabaho,+ uray ti katutubo wenno ti ganggannaet nga agnanaed nga agtataeng kas ganggannaet iti tengngayo. 30  Ta itoy nga aldaw maaramidto ti panangabbong+ maipaay kadakayo tapno maibatadkayo a nadalus. Nadaluskayto iti amin a basbasolyo iti sanguanan ni Jehova.+ 31  Maysa dayta a sabbath+ ti naan-anay a panaginana maipaay kadakayo, ket masapul a parigatenyo dagiti kararuayo. Maysa dayta a paglintegan agingga iti tiempo a di nakedngan. 32  “Ket ti padi a mapulotanto+ ken mapnonto ti imana iti pannakabalin tapno agakem a kas padi+ a suno+ ni amana masapul a mangaramid iti panangabbong ken masapul nga ikawesna dagiti kawes a lienso.+ Nasantuanda a kawkawes.+ 33  Ket masapul a mangaramid iti panangabbong maipaay iti nasantuan a santuario,+ ket maipaay iti tolda+ ti gimong ken maipaay iti altar+ mangaramidto iti panangabbong; ket maipaay iti papadi ken maipaay iti isuamin a tattao ti kongregasion isu mangaramidto iti panangabbong.+ 34  Ket agserbinto daytoy kas paglintegan agingga iti tiempo a di nakedngan maipaay kadakayo,+ tapno mangaramid iti panangabbong maipaay iti annak ti Israel maipapan iti amin a basbasolda maminsan iti makatawen.”+ Iti kasta inaramidna kas iti imbilin ni Jehova ken Moises.

Footnotes