Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Levitico 15:1-33

15  Ket intuloy ni Jehova ti agsao kada Moises ken Aaron, a kunkunana:  “Agsaokayo iti annak ti Israel, ket masapul a kunaenyo kadakuada, ‘No kas pagarigan ti asinoman a lalaki maaddaan iti panagpasayasay+ manipud mabagbagina, ti panagpasayasayna narugit.  Ket daytoy ti agbalinto a kinarugitna iti panagpasayasayna: Uray no ti mabagbagina namagayus iti panagsayasay wenno ti mabagbagina maabbedan iti panagpasayasayna, dayta ti kinarugitna.  “‘Aniaman nga idda a pagiddaan daydiay addaan iti panagpasayasay narugitto, ket aniaman nga aruaten a matugawanna narugitto.  Ket ti tao a makasagid iti iddana rebbeng a labaanna dagiti kawesna, ket masapul nga agdigus iti danum ket narugit agingga iti rabii.+  Ket siasinoman nga agtugaw iti banag a nagtugawan daydiay addaan iti panagpasayasay rebbeng a labaanna+ dagiti kawesna, ket masapul nga agdigus iti danum ket narugit agingga iti rabii.  Ket siasinoman a mangsagid iti lasag daydiay addaan iti panagpasayasay+ rebbeng a labaanna dagiti kawesna, ket masapul nga agdigus iti danum ket narugit agingga iti rabii.+  Ket iti kaso daydiay addaan iti panagpasayasay a matupraanna ti asinoman a nadalus, iti dayta a kaso masapul a labaanna dagiti kawesna ken agdigus iti danum ket narugit agingga iti rabii.  Ket aniaman a silia+ a nagsakayan daydiay addaan iti panagpasayasay narugitto. 10  Ket asinoman a mangsagid iti aniaman a banag nga adda iti babana narugitto agingga iti rabii; ket daydiay mangawit kadakuada labaannanto dagiti kawesna, ket masapul nga agdigus iti danum ket narugit agingga iti rabii. 11  Ket asinoman a masagid daydiay addaan iti panagpasayasay+ no saanna a naugasan dagiti imana iti danum masapul ngarud a labaanna dagiti kawesna ken agdigus iti danum ket narugit agingga iti rabii. 12  Ket ti basehas a damili a masagid daydiay addaan iti panagpasayasay rebbeng a maburak;+ ket aniaman a basehas a kayo+ rebbeng a maugasan iti danum. 13  “‘Ita no kas pagarigan daydiay addaan iti panagpasayasay madalusan iti panagpasayasayna, masapul ngarud nga ibilanganna ti bagina iti pito nga aldaw maipaay iti pannakagugorna,+ ket masapul a labaanna dagiti kawesna ken digusenna ti lasagna iti agay-ayus a danum;+ ket isu nadalusto. 14  Ket iti maikawalo nga aldaw rebbeng nga iyalaanna ti bagina iti dua a pagaw+ wenno dua nga urbon nga atap a kalapati, ket masapul nga umay iti sanguanan ni Jehova iti pagserkan ti tolda ti gimong ket itedna ida iti padi. 15  Ket masapul nga idaton ida ti padi, ti maysa kas daton gapu iti basol ket ti sabali kas daton a mapuoran;+ ket ti padi masapul a mangaramid iti panangabbong maipaay kenkuana iti sanguanan ni Jehova maipapan iti panagpasayasayna. 16  “‘Ita no kas pagarigan ti maysa a lalaki addaan iti panagruar ti semilia+ manipud kenkuana, masapul ngarud a digusenna ti isuamin a lasagna iti danum ket narugit agingga iti rabii. 17  Ket aniaman a kawes ken aniaman a lalat a maikkan iti agruar a semilia masapul a malabaan iti danum ket narugit agingga iti rabii.+ 18  “‘No maipapan iti babai a pakikaiddaan ti lalaki nga addaan panagruar ti semilia, masapul nga agdigusda iti danum ket narugitda+ agingga iti rabii. 19  “‘Ket no kas pagarigan ti maysa a babai addaan iti panagpasayasay, ket ti panagpasayasayna iti lasagna dara,+ rebbeng nga isu agtultuloy iti pito nga aldaw iti kinarugit+ ti panagkadawyanna,+ ket asinoman a mangsagid kenkuana narugitto agingga iti rabii. 20  Ket aniaman a maiddaanna iti kinarugit ti panagkadawyanna narugitto,+ ket isuamin a matugawanna narugitto. 21  Ket asinoman a mangsagid iti iddana rebbeng a labaanna dagiti kawesna, ket masapul nga agdigus iti danum ket narugit agingga iti rabii.+ 22  Ket asinoman a mangsagid iti aniaman nga aruaten a nagtugawanna rebbeng a labaanna dagiti kawesna, ket masapul nga agdigus iti danum ket narugit agingga iti rabii.+ 23  Ket no iti idda wenno iti sabali pay a banag ti nagtugtugawanna, iti panangsagidna+ iti dayta isu narugitto agingga iti rabii. 24  Ket no ti maysa a lalaki makikaidda latta kenkuana ket ti kinarugit ti panagkadawyanna maadda kenkuana,+ isu narugitto ngarud iti pito nga aldaw, ket aniaman nga idda a pagiddaanna narugitto. 25  “‘No maipapan iti maysa a babai, no kas pagarigan ti panagpasayasay ti darana agbulos iti adu nga aldaw+ idinto ta saan nga isu ti gagangay a tiempo ti kinarugit ti panagkadawyanna,+ wenno kas pagarigan agbulos iti nabaybayag ngem iti kinarugit ti panagkadawyanna, amin dagiti aldaw ti narugit a panagpasayasayna agbalinto a kas iti al-aldaw ti kinarugit ti panagkadawyanna. Isu narugit. 26  Aniaman nga idda a pagiddaanna iti aniaman kadagiti aldaw ti panagpasayasayna agbalinto kenkuana a kas iti idda ti kinarugit ti panagkadawyanna,+ ket aniaman nga aruaten a matugawanna agbalinto a narugit a kas iti di kinadalus ti kinarugit ti panagkadawyanna. 27  Ket asinoman a mangsagid+ kadagita narugitto, ket masapul a labaanna dagiti kawesna ken agdigus iti danum ket narugit agingga iti rabii. 28  “‘Nupay kasta, no nadalusanen iti panagpasayasayna, masapul met nga ibilanganna ti bagina iti pito nga aldaw, ket kalpasanna isu nadalusto.+ 29  Ket iti maikawalo nga aldaw rebbeng nga iyalaanna ti bagina iti dua a pagaw+ wenno dua nga urbon nga atap a kalapati, ket masapul nga iyegna ida iti padi iti pagserkan ti tolda ti gimong.+ 30  Ket ti maysa masapul nga aramiden ti padi kas daton gapu iti basol ket ti sabali daton a mapuoran;+ ket ti padi masapul a mangaramid iti panangabbong+ maipaay kenkuana iti sanguanan ni Jehova mainaig iti narugit a panagpasayasayna. 31  “‘Ket masapul a pagtalinaedenyo a naisina ti annak ti Israel manipud iti kinarugitda, tapno saanda a matay iti kinarugitda gapu iti panangtulawda iti tabernakulok, nga adda iti tengngada.+ 32  “‘Daytoy ti linteg maipapan ti lalaki nga addaan iti panagpasayasay+ ken ti lalaki a manipud kenkuana adda agruar a semilia+ iti kasta agbalin a narugit babaen iti dayta; 33  ken ti agkadawyan+ a babai iti kinarugitna, ken ti asinoman nga agbulos ti panagpasayasayna,+ uray no lalaki wenno babai, ken uray no lalaki a makikaidda iti narugit a babai.’”

Footnotes