Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 13:1-59

13  Ket nagsao ni Jehova kada Moises ken Aaron, a kunkunana:  “No kas pagarigan ti maysa a tao makapatanor iti kudil ti lasagna iti rettab wenno gaddil+ wenno ratunok ket tumanor dayta iti kudil ti lasagna nga agbalin a saplit a kukutel,+ masapul ngarud nga isu maipan ken Aaron a padi wenno iti maysa iti annakna a papadi.+  Ket ti padi masapul a kitaenna ti saplit iti kudil ti lasag.+ No ti dutdot iti saplit pimmuraw ket ti langa ti saplit naun-uneg ngem iti kudil ti lasagna, dayta ti saplit a kukutel. Ket masapul a kitaen dayta ti padi, ket masapul nga isu ideklarana a narugit.  Ngem no ti ratunok ket puraw iti kudil ti lasagna ket ti langana saan a naun-uneg ngem iti kudil ket ti dutdotna saan a pimmuraw, ti padi masapul ngarud a kuarentinasenna+ ti saplit iti pito nga aldaw.  Ket isu masapul a kitaen ti padi iti maikapito nga aldaw, ket no iti panaglanglangana nagsardeng ti saplit, ti saplit saan a nagsaknap iti kudil, masapul nga isu kuarentinasen+ met ti padi iti sabali pay a pito nga aldaw.  “Ket isu masapul a kitaen ti padi iti maikapito nga aldaw iti maikadua a daras, ket no ti saplit limmusiaw ket ti saplit saan a nagsaknap iti kudil, ti padi masapul met nga isu ibatadna a nadalus. Gaddil idi dayta. Ket masapul a labaanna dagiti kawesna ket madalusan.  Ngem no ti gaddil di pagduaduaan a nagsaknap iti kudil kalpasan ti panagparangna iti sanguanan ti padi maipaay iti pannakaipasdek ti pannakagugorna, isu masapul ngarud nga agparang iti maikadua a daras iti sanguanan ti padi,+  ket masapul a kitaen ti padi; ket no ti gaddil nagsaknap iti kudil, ti padi masapul ngarud nga isu ideklarana a narugit. Kukutel dayta.+  “No kas pagarigan ti saplit a kukutel tumanor iti maysa a tao, masapul ngarud nga isu maipan iti padi. 10  Ket masapul a kitaen ti padi;+ ket no adda puraw a rettab iti kudil ken pinagbalinna a puraw ti dutdot ket ti sadiwa a paset ti sibibiag a lasag+ adda iti rettab, 11  napaut a kukutel+ dayta iti kudil ti lasagna; ket ti padi masapul nga isu ideklarana a narugit. Saanna a rebbeng a kuarentinasen,+ ta isu narugit. 12  Ita no ti kukutel di pagduaduaan nga agwaras iti kudil, ket ti kukutel saknapanna ti isuamin a kudil daydiay addaan iti saplit manipud ulona agingga kadagiti sakana iti naan-anay a panagkita dagiti mata ti padi; 13  ket kinita ti padi ket sadiay ti kukutel sinaknapanna ti isuamin a lasagna, masapul ngarud nga ibatadna a nadalus ti saplit. Nagbalin amin dayta a puraw. Isu nadalus. 14  Ngem iti aldaw a ti sibibiag a lasag agparang iti dayta, isu narugitto. 15  Ket ti padi+ masapul a kitaenna ti sibibiag a lasag, ket masapul nga isu ideklarana a narugit. Ti sibibiag a lasag narugit. Kukutel dayta.+ 16  Wenno kas pagarigan ti sibibiag a lasag agsubli ket agbalin a puraw, masapul ngarud nga isu umay iti padi. 17  Ket isu masapul a kitaen ti padi,+ ket no ti saplit nagbalin a puraw, masapul ngarud a ti padi ibatadna a nadalus ti saplit. Isu nadalus. 18  “No maipapan iti lasag, no kas pagarigan tumanor ti maysa a busali+ iti kudilna ket umimbag dayta, 19  ket iti lugar ti busali timmanor ti puraw a rettab wenno ti ratunok a lumabaga-a-puraw, masapul ngarud nga iparangna ti bagina iti padi. 20  Ket masapul a kitaen ti padi,+ ket no ti langana nalenlennek ngem iti kudil ket ti dutdotna pimmuraw, ti padi masapul ngarud nga isu ideklarana a narugit. Dayta ti saplit a kukutel. Timmanor dayta iti busali. 21  Ngem no kitaen dayta ti padi, ket, sadiay ita, awan puraw a dutdot iti dayta ken saan a naun-uneg ngem iti kudil ken nalusiaw, masapul ngarud nga isu kuarentinasen ti padi+ iti pito nga aldaw. 22  Ket no di duaduaen nga agsaknap iti kudil, ti padi masapul ngarud nga isu ideklarana a narugit. Saplit dayta. 23  Ngem no agtalinaedto ti ratunok iti lugarna, saan a nagsaknap, dayta ti panagebbal+ ti busali; ket ti padi masapul nga isu ibatadna a nadalus.+ 24  “Wenno kas pagarigan maadda ti maysa a piglat iti kudil ti lasag manipud iti apuy, ket ti sadiwa a lasag ti piglat agbalin a ratunok a lumabaga-a-puraw wenno ratunok a puraw, 25  masapul ngarud a kitaen dayta ti padi; ket no ti dutdot nagbalin a puraw iti ratunok ket ti langana naun-uneg ngem iti kudil, kukutel dayta. Timmanor dayta iti piglat, ket ti padi masapul nga isu ideklarana a narugit. Dayta ti saplit a kukutel. 26  Ngem no kitaen dayta ti padi, ket, sadiay ita, awan puraw a dutdot iti ratunok ken saan a nababbaba ngem iti kudil ken nalusiaw, masapul ngarud nga isu kuarentinasen ti padi iti pito nga aldaw. 27  Ket isu masapul a kitaen ti padi iti maikapito nga aldaw. No di duaduaen nga agsaknap iti kudil, ti padi masapul ngarud nga isu ideklarana a narugit. Dayta ti saplit a kukutel. 28  Ngem no agtalinaed ti ratunok iti lugarna, saan a nagsaknap dayta iti kudil ken nalusiaw, maysa dayta a rettab ti piglat; ket ti padi masapul nga isu ibatadna a nadalus, agsipud ta maysa dayta a panagebbal ti piglat. 29  “No maipapan iti maysa a lalaki wenno maysa a babai, no kas pagarigan tumanor ti saplit iti dayta a tao iti ulo wenno iti timid, 30  ti padi+ masapul ngarud a kitaenna ti saplit; ket no ti langana naun-uneg ngem iti kudil, ket ti buok duyaw ken narasay iti dayta, ti padi masapul ngarud nga ideklarana dayta a tao a narugit. Maysa dayta a di gagangay a panagpamarut ti buok.+ Kukutel dayta ti ulo wenno ti timid. 31  Ngem no kas pagarigan ti padi makitana ti saplit a di gagangay a panagpamarut ti buok, ket, adtoy! ti langana saan a naun-uneg ngem iti kudil ken awan nangisit a buok iti dayta, ti padi masapul ngarud a kuarentinasenna+ ti saplit a di gagangay a panagpamarut ti buok iti pito nga aldaw.+ 32  Ket ti padi masapul a kitaenna ti saplit iti maikapito nga aldaw; ket no ti di gagangay a panagpamarut ti buok saan a nagsaknap, ket awan timmanor a duyaw a buok iti dayta ken ti langa ti di gagangay a panagpamarut ti buok+ saan a naun-uneg ngem iti kudil, 33  masapul ngarud a kiskisanna ti bagina, ngem saannanto a kiskisan ti di gagangay a panagpamarut ti buok;+ ket ti padi masapul a kuarentinasenna ti di gagangay a panagpamarut ti buok iti pito nga aldaw manen. 34  “Ket masapul a kitaen ti padi ti di gagangay a panagpamarut ti buok iti maikapito nga aldaw; ket no ti di gagangay a panagpamarut ti buok saan a nagsaknap iti kudil, ket ti langana saan a naun-uneg ngem iti kudil, ti padi masapul ngarud nga isu ibatadna a nadalus,+ ket masapul a labaanna dagiti kawesna ket madalusan. 35  Ngem no ti di gagangay a panagpamarut ti buok di agbiddut nga agsaknap iti kudil kalpasan ti pannakaipasdek ti pannakagugorna, 36  masapul ngarud nga isu kitaen ti padi;+ ket no ti di gagangay a panagpamarut ti buok nagsaknap iti kudil, saan a kasapulan a mangaramid ti padi iti panangsukimat iti duyaw a buok; isu narugit. 37  Ngem no iti langana nagtalinaed ti di gagangay a panagpamarut ti buok ket nagtubo iti dayta ti nangisit a buok, ti di gagangay a panagpamarut ti buok napaimbagen. Isu nadalus, ket ti padi masapul nga isu ibatadna a nadalus.+ 38  “No maipapan iti maysa a lalaki wenno maysa a babai, no kas pagarigan tumanor dagiti ratunok+ iti kudil ti lasagda, puraw a ratratunok, 39  masapul ngarud a kitaen ti padi;+ ket no dagiti ratunok iti kudil ti lasagda nalusiaw a puraw, maysa dayta a di makadangran a rettab. Timmanor dayta iti kudil. Isu nadalus. 40  “No maipapan iti maysa a lalaki, no kas pagarigan agkalbo ti ulona,+ panagkalbo dayta. Isu nadalus. 41  Ket no agkalbo ti ulona iti sango, panagludingas dayta. Isu nadalus. 42  Ngem no kas pagarigan tumanor ti saplit a lumabaga-a-puraw iti kalbo a tuktok wenno muging, kukutel dayta a tumantanor iti kalbo a tuktokna wenno mugingna. 43  Ket isu masapul a kitaen ti padi;+ ket no adda rettab ti saplit a lumabaga-a-puraw iti kalbo a tuktokna wenno mugingna kas iti langa ti kukutel iti kudil ti lasag, 44  isu maysa nga agkukutel. Isu narugit. Narugit ti rebbeng a panangideklara kenkuana ti padi. Ti saplitna adda iti ulona. 45  No maipapan iti daydiay agkukutel nga ayan ti saplit, rebbeng a mapigis dagiti kawesna,+ ket ti ulona rebbeng nga agsugabba,+ ket rebbeng nga abbonganna ti iming+ ket ipukkawna, ‘Narugit, narugit!’+ 46  Iti amin nga al-aldaw nga adda kenkuana ti saplit isu narugitto. Isu narugit. Rebbeng nga agnaed a naiputputong. Ruar ti pakarso+ ti disso a pagnaedanna. 47  “No maipapan iti kawes, no kas pagarigan tumanor iti dayta ti saplit a kukutel, uray no iti kawes a delana wenno iti kawes a lienso, 48  wenno iti gan-ay+ wenno iti pakan ti lienso ken ti delana, wenno iti maysa a lalat wenno iti aniaman a banag a naaramid iti lalat,+ 49  ket ti dumuyaw a berde wenno lumabaga a saplit tumanor iti kawes wenno iti lalat wenno iti gan-ay wenno iti pakan wenno iti aniaman nga aruaten a lalat, dayta ti saplit a kukutel, ket masapul a maipakita iti padi. 50  Ket masapul a kitaen ti padi+ ti saplit, ket masapul a kuarentinasenna+ ti saplit iti pito nga aldaw. 51  No nakitanan ti saplit iti maikapito nga aldaw, a ti saplit nagsaknap iti kawes wenno iti gan-ay wenno iti pakan+ wenno iti lalat a maipaay iti aniaman a pakausaran a pakaaramidan ti lalat, ti saplit ket makapapatay a kukutel.+ Narugit dayta. 52  Ket masapul a puoranna ti kawes wenno ti gan-ay wenno ti pakan iti delana wenno iti lienso,+ wenno aniaman nga aruaten a lalat a tumanoran ti saplit, agsipud ta makapapatay+ a kukutel dayta. Rebbeng a maipuor iti apuy. 53  “Ngem no kitaen ti padi, ket, sadiay ita, ti saplit saan a nagsaknap iti kawes wenno iti gan-ay wenno iti pakan wenno iti aniaman nga aruaten a lalat,+ 54  masapul nga ibilin met ti padi a rebbeng a labaanda dayta nga ayan ti saplit, ket masapul a kuarentinasenna dayta iti maikadua a pito nga aldaw. 55  Ket masapul a kitaen ti padi ti saplit kalpasan a naugasanen, ket no ti saplit saan a nagbaliw ti langana ket kaskasdi a ti saplit saan a nagsaknap, narugit dayta. Rebbeng nga ipuormo iti apuy. Maysa dayta a limnek a paset iti naingpisen a takup mabalin nga iti balikidna wenno iti ruarna. 56  “Ngem no kinita ti padi, ket, sadiay ita, ti saplit nalusiaw kalpasan a naugasanen, masapul ngarud a pigisenna dayta manipud iti kawes wenno iti lalat wenno iti gan-ay wenno iti pakan. 57  Nupay kasta, no agparang pay laeng iti kawes wenno iti gan-ay wenno iti pakan+ wenno iti aniaman nga aruaten a lalat, tumantanor dayta. Rebbeng nga ipuormo+ iti apuy aniaman dayta nga ayan ti saplit. 58  No maipapan iti kawes wenno iti gan-ay wenno iti pakan wenno aniaman nga aruaten a lalat a labaam, no nagpukaw kadakuada ti saplit, masapul ngarud a malabaan dayta iti maikadua a daras; ket nadalusto. 59  “Daytoy ti linteg ti saplit a kukutel iti kawes a delana wenno lienso,+ wenno iti gan-ay wenno iti pakan, wenno iti aniaman nga aruaten a lalat, tapno ibatad a nadalus dayta wenno ideklara a narugit dayta.”

Footnotes