Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 11:1-47

11  Ket nagsao ni Jehova kada Moises ken Aaron, a kunkunana kadakuada:  “Agsaokayo iti annak ti Israel, a kunaenyo, ‘Daytoy ti sibibiag a parsua a mabalinyo a kanen+ kadagiti amin nga animal nga adda iti rabaw ti daga:  Tunggal parsua nga agpisi ti kukona ken aglengngan kadagiti kukona ken agngatingat kadagiti animal, dayta ti mabalinyo a kanen.+  “‘Isuna laeng ta daytoy ti dikay kanen kadagiti managngatingat ken kadagiti nagpisi ti kukoda: ti kamelio, agsipud ta managngatingat ngem saan a nagpisi ti kukona. Karugityo dayta.+  Kasta met ti koneho iti kabatuan,+ agsipud ta managngatingat ngem saan a nagpisi ti kukona. Karugityo dayta.  Kasta met ti liebre,+ agsipud ta managngatingat ngem awan pisi ti kukona. Karugityo dayta.  Kasta met ti baboy,+ agsipud ta nagpisi ti kukona ken naglengngan iti kukona, ngem saan nga agngatingat dayta. Karugityo dayta.  Dikay kanen ti aniaman iti lasagda, ket dikay sagiden ti natay a bagida.+ Karugityo ida.+  “‘Daytoy ti mabalinyo a kanen iti isuamin nga adda iti dandanum:+ Isuamin nga addaan kadagiti pigar ken kadagiti siksik+ iti dandanum, kadagiti baybay ken kadagiti karayan, mabalinyo a kanen dagita. 10  Ket isuamin nga adda kadagiti baybay ken kadagiti karayan nga awanan kadagiti pigar ken kadagiti siksik, manipud iti tunggal agpangpangen a parsua iti dandanum ken manipud iti tunggal sibibiag a kararua nga adda iti dandanum, makarumenda a banag kadakayo. 11  Wen, agbalindanto a makarumen a banag kadakayo. Dikay kanen ti aniaman iti lasagda,+ ket karumenyo ti natay a bagida. 12  Isuamin nga adda iti dandanum nga awanan kadagiti pigar ken siksik makarumen a banag maipaay kadakayo. 13  “‘Ket dagitoy ti karumenyonto kadagiti agtaytayab a parsua.+ Rebbeng a saanda a makan. Makarumenda a banag: ti agila+ ken ti mangngikan a kali ken ti nangisit a buitre, 14  ken ti nalabaga a gikgik ken ti nangisit a gikgik+ sigun iti kakikitana, 15  ken tunggal wak+ sigun iti kakikitana, 16  ken ti abestrus+ ken ti kullaaw ken ti garseta ken ti kali sigun iti kakikitana, 17  ken ti puek ken ti kasili ken ti atiddog-lapayagna a kullaaw,+ 18  ken ti kalamon ken ti mangngaput ken ti buitre,+ 19  ken ti tikbaboy, ti kannaway sigun iti kakikitana, ken ti abubilia ken ti panniki.+ 20  Tunggal nagpayak nga agpangpangen a parsua nga agkaradap iti uppat a sakana makarumen a banag kadakayo.+ 21  “‘Daytoy laeng ti mabalinyo a kanen kadagiti amin a nagpayak nga agpangpangen a parsua nga agkaradap iti uppat a sakada, dagidiay addaan kadagiti paglagto a luppo iti ngatuen dagiti sakada a paglagtoda iti rabaw ti daga. 22  Dagitoy ti mabalinyo a kanen kadakuada: ti agakar-akar a dudon+ sigun iti kakikitana, ken ti makan a dudon+ kas iti kakikitana, ken ti kuriat sigun iti kakikitana, ken ti rumsa+ sigun iti kakikitana. 23  Ket tunggal sabali pay a nagpayak nga agpangpangen a parsua nga addaan uppat a saka makarumen+ a banag kadakayo. 24  Gapuna babaen kadagitoy marugitanyo ti bagbagiyo. Tunggal maysa a mangsagid kadagiti natay a bagida narugitto agingga iti rabii.+ 25  Ket tunggal maysa a mangawit iti aniaman kadagiti natay a bagida labaannanto+ dagiti kawesna, ket isu narugitto agingga iti rabii. 26  “‘No maipapan iti aniaman nga animal a nagpisi ti kukona ngem saan a naglengngan ken saan a managngatingat, karugityo ida. Tunggal maysa a mangsagid kadakuada narugitto.+ 27  No maipapan iti tunggal parsua nga agkarkaradap kadagiti gammatna kadagiti amin a sibibiag a parsua nga agkaradap iti uppat a saka, narugitda kadakayo. Tunggal maysa a mangsagid kadagiti natay a bagida narugitto agingga iti rabii. 28  Ket daydiay mangawit kadagiti natay a bagida+ labaannanto dagiti kawesna,+ ket isu narugitto agingga iti rabii. Narugitda kadakayo. 29  “‘Ket daytoy ti narugit kadakayo kadagiti agpangpangen a parsua nga agpangen iti rabaw ti daga:+ ti utot ken ti jerbo+ ken ti alutiit sigun iti kakikitana, 30  ken ti dapanan a tekka ken ti banias ken ti bagangan ken ti alibut ken ti bannagaw. 31  Narugit dagitoy kadakayo kadagiti amin nga agpangpangen a parsua.+ Tunggal maysa a mangsagid kadakuada iti natay a kasasaadda narugitto agingga iti rabii.+ 32  “‘Ita iti aniaman a banag a pagtinnagan ti aniaman kadakuada iti natay a kasasaadna narugitto, uray no dayta ket maysa a basehas a kayo+ wenno kawes wenno lalat+ wenno tinakpil.+ Aniaman a basehas nga adda pakausaranna maikabilto iti danum, ket narugitto agingga iti rabii ket kalpasanna nadalusen. 33  No maipapan iti aniaman a damili a basehas+ a pagtinnagan ti aniaman kadakuada, aniaman a banag nga adda iti unegna narugitto, ket burakenyonto dayta.+ 34  Aniaman a kita ti taraon a makan a maikkan iti danum manipud iti dayta ket narugitto, ket aniaman nga inumen a mainum iti aniaman a basehas narugitto. 35  Ket isuamin a pagtinnagan ti aniaman kadagiti natay a bagida narugitto. Uray no urno wenno pagsaadan ti karamba, maburak dayta. Narugitda, ket agbalinda a narugit kadakayo. 36  Ti laeng ubbog ken ti abut ti naurnong a dandanum ti agtultuloyto a nadalus, ngem ti asinoman a mangsagid kadagiti natay a bagida narugitto. 37  Ket no ti aniaman kadagiti natay a bagida agtinnag iti aniaman a bin-i ti maysa a mula a maimula, nadalus dayta. 38  Ngem no kas pagarigan ti danum maikabil iti bin-i ket adda nagtinnag iti dayta manipud kadagiti natay a bagida, narugit dayta kadakayo. 39  “‘Ita no kas pagarigan ti aniaman nga animal a pagtaraonyo ket matay, daydiay mangsagid iti natay a bagina narugitto agingga iti rabii.+ 40  Ket daydiay mangan+ iti aniaman iti natay a bagina labaannanto dagiti kawesna, ket isu narugitto agingga iti rabii; ket daydiay mangawit iti natay a bagi dayta labaannanto dagiti kawesna, ket isu narugitto agingga iti rabii. 41  Ket tunggal agpangpangen a parsua nga agpangen iti rabaw ti daga makarumen a banag.+ Masapul a saan a makan. 42  No maipapan iti aniaman a parsua a mangikarayam iti tianna+ ken aniaman a parsua nga agkaradap iti amin nga uppat a saka wenno aniaman nga adu a bilang ti saka dagiti amin nga agpangpangen a parsua nga agpangen iti rabaw ti daga, dikay kanen ida, agsipud ta makarumenda a banag.+ 43  Dikay pagbalinen a makarumen ti kararuayo babaen ti aniaman nga agpangpangen a parsua nga agpangen, ket dikay rugitan ti bagbagiyo babaen kadakuada ken pudno a marugitankayo babaen kadakuada.+ 44  Ta siak ni Jehova a Diosyo;+ ket masapul a santipikarenyo ti bagbagiyo ken masapul nga agbalinkayo a nasantuan,+ agsipud ta nasantuanak.+ Gapuna dikay rugitan dagiti kararuayo babaen ti aniaman nga agpangpangen a parsua nga aggaraw iti rabaw ti daga. 45  Ta siak ni Jehova a mangipampanaw kadakayo iti daga ti Egipto tapno agbalinak a Dios kadakayo;+ ket masapul nga agbalinkayo a nasantuan,+ agsipud ta nasantuanak.+ 46  “‘Daytoy ti linteg maipapan ti animal ken ti agtaytayab a parsua ken tunggal sibibiag a kararua nga aggaraw iti dandanum+ ken maipapan ti tunggal kararua nga agpangen iti rabaw ti daga, 47  tapno mangaramid ti pagdumaan+ iti nagbaetan ti narugit ken ti nadalus ken iti nagbaetan ti sibibiag a parsua a makan ken ti sibibiag a parsua a saan a mabalin a kanen.’”

Footnotes