Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 10:1-20

10  Idi agangay ti annak ni Aaron a da Nadab ken Abihu+ innalada ken inyegda tunggal maysa ti pagikkanna iti apuy+ ket inikkanda ida iti apuy ket nangikabilda iti insienso+ iti dayta, ket rinugianda ti nagidaton iti sanguanan ni Jehova iti di mayalubog nga apuy,+ a saanna nga imbilin kadakuada.  Gapu itoy rimmuar ti apuy manipud sanguanan ni Jehova ket inibusna ida,+ iti kasta natayda iti sanguanan ni Jehova.+  Kalpasanna ni Moises kinunana ken Aaron: “Daytoy ti sinao ni Jehova, a kunkunana, ‘Iti tengnga dagidiay asideg kaniak+ masantipikarak koma,+ ket iti sanguanan dagiti amin nga umili maipadayagak koma.’”+ Ket ni Aaron nagulimek.  Gapuna inayaban ni Moises da Misael ken Elzafan, ti annak ni Uzziel,+ uliteg ni Aaron, ket kinunana kadakuada: “Umasidegkayo, bagkatenyo ti kakabsatyo manipud sango ti nasantuan a disso nga ipan iti ruar ti pakarso.”+  Iti kasta immasidegda ket binagkatda ida kadagiti nagayad a pagan-anayda nga impan iti ruar ti pakarso, kas iti sinao ni Moises.  Kalpasanna ni Moises kinunana ken Aaron ken kada Eleazar ken Itamar a sabali pay nga annakna: “Dikay bay-an nga agsugsugabba dagiti uloyo,+ ket dikay pigisen dagiti kawesyo, tapno saankayo a matay ken tapno isu saan nga agrurod maibusor iti intero a gimong;+ ngem ti kakabsatyo iti intero a balay ti Israel sangitandanto ti panangpuor, a pinasgedan ni Jehova.  Ket manipud iti pagserkan ti tolda ti gimong dikay rummuar ta amangan no mataykayo,+ agsipud ta ti pangpulot a lana ni Jehova adda kadakayo.”+ Gapuna inaramidda maitunos iti sao ni Moises.  Ket ni Jehova nagsao ken Aaron, a kunkunana:  “Dikay uminum iti arak wenno makabartek nga inumen,+ sika ken ti annakmo a naikuyog kenka, no sumrekkayo iti tolda ti gimong, tapno saankayo a matay. Paglintegan dayta agingga iti tiempo a di nakedngan maipaay kadagiti kaputotanyo, 10  agpadpada a tapno mangaramid ti pagdumaan iti nagbaetan ti nasantuan a banag ken ti natabbaaw ken iti nagbaetan ti narugit a banag ken ti nadalus,+ 11  ken tapno isuro iti annak ti Israel+ dagiti amin nga alagaden a sinao kadakuada ni Jehova babaen ken Moises.” 12  Idin ni Moises nagsao ken Aaron ken kada Eleazar ken Itamar, ti annakna a nabati: “Alaenyo ti daton a bukbukel+ a natedda iti naipuor a daton ni Jehova ket kanenyo dayta a di nalebaduraan iti asideg ti altar, agsipud ta kasasantuan a banag dayta.+ 13  Ket masapul a kanenyo dayta iti maysa a nasantuan a disso,+ agsipud ta sustentoyo dayta ken sustento ti annakyo manipud iti naipuor a daton ni Jehova; ta kasta ti naibilin kaniak. 14  Ket kanenyonto ti barukong ti daton a mailili+ ken ti luppo ti sagrado a bingay+ iti nadalus a disso, sika ken ti annakmo a lallaki ken ti annakmo a babbai a naikuyog kenka,+ agsipud ta naited dagita kas sustentom ken sustento ti annakmo manipud kadagiti sakripisio a pakikaykaysa ti annak ti Israel. 15  Iyegdanto ti luppo ti sagrado a bingay ken ti barukong ti daton a mailili+ agraman dagiti naipuor a daton, ti taba a paspaset, tapno ilili nga agsublisubli ti daton a mailili iti sanguanan ni Jehova; ket masapul nga agserbi dayta a kas sustento+ agingga iti tiempo a di nakedngan maipaay kenka ken iti annakmo a naikuyog kenka, kas iti imbilin ni Jehova.” 16  Ket ni Moises binirokna a naan-anay ti kalding ti daton gapu iti basol,+ ket, adtoy! napuoranen. Gapuna nagrurod kada Eleazar ken Itamar, nabati nga annak ni Aaron, a kunkunana: 17  “Apay a saanyo a kinnan ti daton gapu iti basol iti disso a nasantuan,+ yantangay kasasantuan a banag dayta ken intedna kadakayo tapno manungsungbatkayo iti biddut ti gimong iti kasta mangaramidkayo iti panangabbong maipaay kadakuada iti sanguanan ni Jehova?+ 18  Adtoy! Ti darana saan pay a naipan iti nasantuan a disso iti uneg.+ Kinnanyo koma dayta a di bumurong iti nasantuan a disso, kas iti naibilin kaniak.”+ 19  Gapu itoy ni Aaron nagsao ken Moises: “Adtoy! Ita nga aldaw indatagda ti datonda gapu iti basol ken ti mapuoran a datonda iti sanguanan ni Jehova,+ bayat a ti bambanag a kas kadagitoy nangrugida a mapagteng kaniak; ket no kinnanko koma ti daton gapu iti basol ita nga aldaw, makapnek ngata dayta kadagiti mata ni Jehova?”+ 20  Idi nangngeg dayta ni Moises, ngarud nakapnek dayta kadagiti matana.

Footnotes