Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Levitico 1:1-17

1  Ket ni Jehova inayabanna ni Moises ket nagsao kenkuana manipud iti tolda ti gimong,+ a kunkunana:  “Agsaoka iti annak ti Israel,+ ket masapul a kunaem kadakuada, ‘No kas pagarigan adda tao kadakayo a mangidatag iti daton ken Jehova manipud kadagiti naamo nga animal, rebbeng nga idatagyo ti datonyo manipud iti pangen ken manipud iti arban.  “‘No ti datonna ket mapuoran a daton+ manipud iti pangen, maysa a kalakian, daydiay nasalun-at,+ ti rebbeng nga idatagna. Iti pagserkan ti tolda ti gimong rebbeng nga idatagna dayta iti sibubulos a nakemna iti sanguanan ni Jehova.+  Ket masapul nga ipatayna ti imana iti ulo ti daton a mapuoran, ket sipaparaburto a maawat dayta+ maipaay kenkuana tapno mangaramid iti panangabbong maipaay kenkuana.+  “‘Kalpasanna ti urbon a toro masapul a maparti iti sanguanan ni Jehova; ket ti annak ni Aaron, ti papadi,+ masapul nga idatagda ti dara ket iwarsida ti dara iti aglikmut ti rabaw ti altar,+ nga adda iti pagserkan ti tolda ti gimong.  Ket ti daton a mapuoran masapul a malalatan ken marangrangkay iti paspasetna.+  Ket ti annak ni Aaron, ti papadi, masapul a mangikabilda iti apuy iti rabaw ti altar+ ket mangyurnosda iti kayo iti apuy.+  Ket ti annak ni Aaron, ti papadi, masapul nga urnosenda ti rangrangkay+ a ti ulo ken ti sebo maiparabaw iti kayo nga adda iti apuy nga adda iti rabaw ti altar.  Ket dagiti bagisna+ ken dagiti kukodna mabugguanto iti danum; ket ti padi masapul a pagasukenna amin dayta iti rabaw ti altar kas daton a mapuoran, maysa a naipuor a daton ti makabang-ar a sayamusom ken Jehova.+ 10  “‘Ket no ti datonna a maipaay a daton a mapuoran aggapu iti arban,+ manipud kadagiti urbon a kalakian a karnero wenno kadagiti kalding, maysa a kalakian,+ daydiay nasalun-at, ti idatagnanto.+ 11  Ket masapul a maparti dayta iti sikigan ti altar iti agpaamianan iti sanguanan ni Jehova, ket ti annak ni Aaron, ti papadi, masapul nga iwarsida ti darana iti aglikmut ti rabaw ti altar.+ 12  Ket masapul a rangrangkayenna iti paspasetna ken iti ulona ken iti sebona, ket ti padi masapul nga urnosenna ida iti rabaw ti kayo nga adda iti apuy nga adda iti altar.+ 13  Ket bugguannanto dagiti bagis+ ken dagiti kukod+ iti danum; ket masapul nga idatag amin dayta ti padi ken pagasukenna+ iti altar. Maysa dayta a daton a mapuoran, naipuor a daton ti makabang-ar a sayamusom ken Jehova.+ 14  “‘Nupay kasta, no ti datonna a kas mapuoran a daton ken Jehova aggapu kadagiti agtatayab, ngarud masapul nga idatagna ti datonna manipud kadagiti pagaw+ wenno kadagiti atap nga urbon a kalapati.+ 15  Ket ti padi masapul nga idatagna dayta iti altar ket kettelenna+ ti ulona ket pagasukenna iti rabaw ti altar, ngem ti darana masapul a maipaaruyot iti sikigan ti altar. 16  Ket masapul nga ikkatenna ti kinarakaranna agraman dagiti dutdotna ket ipuruakna dayta iti sibay ti altar, iti agpadaya, iti disso a maipaay iti nataba a dapdapo.+ 17  Ket masapul a pisienna kadagiti payakna. Saanna a guduaen.+ Kalpasanna ti padi masapul a pagasukenna dayta iti altar iti rabaw ti kayo nga adda iti apuy. Maysa dayta a daton a mapuoran,+ naipuor a daton ti makabang-ar a sayamusom ken Jehova.+

Footnotes