Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Kanta ni Solomon 7:1-13

7  “Anian a nagpintas ti nagbalinan dagiti addangmo kadagita pallokam,+ O natulok+ nga anak a babai! Dagiti sippukel dagita luppom umaspingda kadagiti arkos,+ ti aramid dagiti ima ti maysa a nalaing nga agaramid.  Ti pusegmo ket maysa a nagbukel a malukong. Ti naggampor nga arak+ saan koma nga agkurang manipud iti dayta. Ti tianmo ket maysa a bunton ti trigo, a natikub kadagiti lirio.+  Ti dua a susom umaspingda iti dua nga urbon, dagiti singin ti maysa a kabaian a gasela.+  Ti tengngedmo+ umasping iti maysa a torre a marfil. Dagita matam+ umaspingda kadagiti ban-aw idiay Hesbon,+ iti sibay ti ruangan ti Bat-rabbim. Ti agongmo umasping iti torre ti Libano, a nakatan-aw iti turong ti Damasco.  Ti ulom a naisaad kenka umasping iti Carmelo,+ ket dagiti atiddog a buok+ ti ulom umaspingda iti delana a natinaan iti lumabaga a purpura.+ Ti ari nakayawan kadagiti wakrayna.+  Anian a nagpintaska, ken anian a makaay-ayoka, O dungdungnguen a balasang, iti tengnga dagiti napalalo a ragsak!+  Daytoy a taktakdermo umarngi iti maysa a kayo a palma,+ ket dagiti susom,+ raraay ti datiles.  Kinunak, ‘Umuliakto iti kayo a palma, tapno mapetpetak dagiti ungkay ti bungana a datiles.’+ Ket, pangngaasim, dagiti susom agbalinda koma a kas iti raraay ti ubas, ket ti banglo ti agongmo kas kadagiti mansanas,  ket ti ngadasmo kas iti kasayaatan nga arak+ nga agayus a silalamuyot+ maipaay iti daydiay patpatgek, silalamuyot nga agay-ayus kadagiti bibig dagidiay matmaturog.” 10  “Kukuanak daydiay patpatgek,+ ket tumurong kaniak ti panaggartemna.+ 11  Umayka, O patpatgek, mapanta iti tay-ak;+ agdagusta iti tengnga dagiti mula a hena.+ 12  Bumangonta a nasapa ket mapanta kadagiti kaubasan, tapno makitata no ti ubas nagrusingen,+ ti sabong nagukraden,+ dagiti kayo a granada nagsabongdan.+ Sadiay ipaaykonto kenka dagiti ebkas ti pammategko.+ 13  Dagiti met laeng mandragora+ inteddan dagiti bangloda, ket iti igid dagiti pagserkanta adda dagiti amin a kita ti kasayaatan a bungbunga.+ Dagidiay kabbaro kasta met dagiti baak, O patpatgek, indulinko a maipaay kenka.

Footnotes