Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Kanta ni Solomon 6:1-13

6  “Sadino ti napanan daydiay patpatgem, O kapipintasan kadagiti babbai?+ Sadino ti nagbaw-ingan daydiay patpatgem, tapno sapulenmi a kaduadaka?”  “Daydiay mismo a patpatgek simmalog iti minuyonganna,+ kadagiti aray ti minuyongan ti mulmula a rekado,+ tapno agipastor+ iti tengnga dagiti minuyongan, ken tapno agala kadagiti lirio.  Kukuanak daydiay patpatgek, ket daydiay patpatgek kukuak.+ Isu agipaspastor+ iti tengnga dagiti lirio.”  “Napintaska, O kaduak a babai,+ kas iti Makaay-ayo a Siudad,+ naimnas a kas iti Jerusalem,+ nakaam-amak a kas kadagiti bunggoy+ a naguurnong iti likmut dagiti wagayway.+  Isiasim dagita matam+ manipud iti sanguanak, ta isuda pinagkullayawdak. Ti buokmo umasping iti maysa a pangen dagiti kalding a limmagto nga agsalog manipud Galaad.+  Dagiti ngipenmo umaspingda iti pangen dagiti kabaian a karnero a simmang-at manipud iti pagbugguan, nga isuda amin agipasngayda kadagiti singin, awan kadakuada ti napukawan kadagiti urbonna.+  Dagiti pispismo iti likudan ti abbungotmo umaspingda iti sangkapisi a granada.+  Mabalin nga adda innem a pulo a reyna ken walopulo a kamalala ken awanan bilang a babbalasang.+  Adda maysa nga isu ti kalapatik,+ daydiay kukuak nga awan pakababalawanna.+ Adda maysa nga isu ti kukua ni inana. Isu daydiay nasin-aw a kukua daydiay nangipasngay kenkuana. Isu nakita ti annak a babbai, ket kinunada nga isu naragsak; dagiti reyna ken dagiti kamalala, ket isu indaydayawda,+ 10  ‘Siasino daytoy babai+ a tumantannawag a kas iti bannawag,+ napintas a kas iti kabus,+ nasin-aw a kas iti naraniag nga init,+ nakaam-amak a kas kadagiti bunggoy a naguurnong iti likmut dagiti wagayway?’”+ 11  “Iti minuyongan+ dagiti kayo a nogal simmalogak, tapno kitaek dagiti busel iti naapres a ginget,+ tapno kitaek no nagrusingen ti ubas, no nagsabongen dagiti kayo a granada.+ 12  Sakbay a naammuak dayta, ti bukodko a kararua insaadnak kadagiti karuahe dagiti natulok nga umilik.” 13  “Agsublika, agsublika, O Sulamita! Agsublika, agsublika, tapno makitadaka!”+ “Ania ti makitayo iti Sulamita?”+ “Maysa a banag a kas iti sala ti dua a pakarso!”

Footnotes