Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Kanta ni Solomon 4:1-16

4  “Adtoy! Napintaska,+ O kaduak a babai. Adtoy! Napintaska. Dagita matam ket matmata dagiti kalapati,+ iti likudan ti abbungotmo.+ Ti buokmo umasping iti maysa a pangen dagiti kalding+ a limmagto nga agsalog manipud iti nakabambantay a rehion ti Galaad.+  Dagiti ngipenmo umaspingda iti maysa a pangen dagiti kapukpukis a kabaian a karnero+ a simmang-at manipud iti pagbugguan, nga isuda amin agipasngayda kadagiti singin, nga awan kadakuada ti napukawan kadagiti urbonna.  Dagiti bibigmo umas-aspingda iti linabag nga eskarlata, ket ti panagsaom makaay-ayo.+ Dagiti pispismo iti likudan ti abbungotmo umaspingda iti sangkapisi a granada.+  Ti tengngedmo+ umasping iti torre+ ni David, a nabangon nga agtutuon a bato, a nakaibitinan ti sangaribu a kalasag, amin dagiti nagsirkulo a kalasag+ dagiti nabileg a lallaki.  Ti dua a susom+ umaspingda iti dua nga urbon, dagiti singin ti maysa a kabaian a gasela, isuda nga agar-arab iti tengnga dagiti lirio.”+  “Agingga nga agpul-oy ti aldaw+ ken pimmanawen dagiti anniniwan, mapanakto iti bantay ti mirra ken iti turod ti olibano.”+  “Naan-anay a napintaska,+ O kaduak a babai, ket awan pamilawan kenka.+  Maikuyog kaniak manipud Libano, O nobia,+ maikuyog kaniak manipud Libano+ umayka koma. Sumalogka koma manipud iti tapaw ti Anti-Libano, manipud iti tapaw ti Senir,+ ti mismo a Hermon,+ manipud kadagiti taeng dagiti leon, manipud iti bambantay dagiti leopardo.  Pinagbitikmo ti pusok, O kabsatko a babai,+ nobiak,+ pinagbitikmo ti pusok babaen ti maysa kadagiti matam,+ babaen ti maysa a pabitin ti kuentasmo. 10  Anian a nagimnas dagiti ebkas ti pammategmo,+ O kabsatko a babai, nobiak! Anian nga ad-adda a nasaysayaat dagiti ebkas ti pammategmo ngem iti arak ken ti banglo dagiti lanam ngem kadagiti amin a kita ti bangbanglo!+ 11  Iti diro ti kalaba agtultuloy nga agitedted dagiti bibigmo,+ O nobiak. Diro+ ken gatas addada iti baba ti dilam, ket ti banglo dagiti kawesmo umasping iti banglo+ ti Libano. 12  Maysa a minuyongan a naaladan isu ti kabsatko a babai,+ nobiak, maysa a minuyongan a naaladan, maysa nga ubbog a naselioan. 13  Ti kudilmo maysa a paraiso dagiti granada, nga addaan kadagiti kasayaatan a bunga,+ mulmula a hena agraman dagiti mula a nardo;+ 14  nardo+ ken safron,+ unas+ ken kanela,+ agraman dagiti amin a kita ti kaykayo ti olibano, mirra ken aloe,+ agraman dagiti amin a kasayaatan a bangbanglo;+ 15  ken maysa nga ubbog dagiti minuyongan, maysa a bubon ti nadalus a danum,+ ken dagiti tumartaredted a baresbes manipud Libano.+ 16  Agriingka, O amian, ket sumrekka, O abagat.+ Pul-oyanyo ti minuyongak.+ Agaruyot koma dagiti bangbanglona.” “Ni patpatgek umay koma iti minuyonganna ket kanenna dagiti kasayaatan a bungana.”

Footnotes