Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia | BARO A LUBONG A PATARUS TI NASANTUAN A KASURATAN

Kanta ni Solomon 2:1-17

2  “Maysaak laeng a safron+ ti tanap iti igid ti baybay,+ maysa a lirio kadagiti nababa a tanap.”+  “Kas maysa a lirio iti tengnga dagiti nasiit a dakes a ruot, kasta ti kaduak a babai iti tengnga ti annak a babbai.”+  “Kas iti kayo a mansanas+ iti tengnga dagiti kayo iti bakir, kasta ni patpatgek iti tengnga ti annak a lallaki.+ Ti linongna ginartemak, ket sadiay nagtugawak, ket ti bungana nasam-it idi iti ngadasko.  Isu inyegnak iti balay ti arak,+ ket ti wagaywayna+ iti ngatuek isu idi ti ayat.+  Pasarantaendak kadagiti bibingka a pasas,+ taraonandak kadagiti mansanas; ta masakitak iti ayat.+  Ti makannigid nga imana adda iti baba ti ulok; ket ti makannawan nga imana—arakupennak dayta.+  Pinagsapatakayo,+ O annak a babbai ti Jerusalem, babaen kadagiti kabaian a gasela+ wenno babaen kadagiti kabaian nga ugsa+ iti tay-ak, a saanyo a padasen a riingen wenno gutugoten ti ayat kaniak agingga nga agduyos.+  “Ti timek ni patpatgek!+ Adtoy! Daytoy um-umay,+ a kumalkalay-at iti bambantay, aglaglagto iti rabaw dagiti turod.  Ni patpatgek umarngi iti maysa a gasela+ wenno iti urbon dagiti kalakian nga ugsa. Adtoy! Daytoy agtaktakder iti likudan ti didingtayo, tumantan-aw kadagiti tawa, tumaltaldiap iti babaet dagiti barandilias.+ 10  Daydiay patpatgek simmungbat ket kinunana kaniak, ‘Tumakderka, sika a kaduak a babai, imnasko,+ ket mapantan.+ 11  Ta, adtoy! ti met laeng panagtutudo+ limmabasen, ti met laeng bayakabak nalpasen, napanen. 12  Dagiti met laeng sabong nagparangdan iti daga,+ ti mismo a tiempo ti panaggeppeng iti ubas+ dimtengen, ket ti met laeng timek ti pagaw+ nangngeganen iti dagatayo. 13  No maipapan iti kayo a higos,+ naaddaanen iti natangkenan a maris maipaay kadagiti nasapa a higosna;+ ket agsabsabongen dagiti puon ti ubas, impaaydan ti bangloda. Tumakderka, umayka, O kaduak a babai,+ imnasko, ket mapantan. 14  O kalapatik+ kadagiti paglemmengan iti napasdok a bato, iti natalimeng a lugar ti narangkis a dalan, ipakitam kaniak ti langam,+ ipangngegmo koma kaniak ti timekmo, ta ti timekmo makaparagsak ket ti langam naimnas.’”+ 15  “Gammatanyo dagiti sora+ maipaay kadakami, dagiti babassit a sora a mangsibsiba kadagiti kaubasan, ta agsabsabongen dagiti kaubasanmi.”+ 16  “Ni patpatgek kukuak ket siak kukuanak.+ Isu agpaspastor+ iti tengnga dagiti lirio.+ 17  Agingga nga agpul-oy ti aldaw ket pimmanawen dagiti anniniwan, agbaw-ingka, O patpatgek; kaslaka koma iti gasela+ wenno kasla iti urbon dagiti kalakian nga ugsa iti rabaw ti bambantay ti pannakaisina.

Footnotes