Mapan iti linaonna

Mapan iti segundario a pagpilian

Mapan iti listaan dagiti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Kanta ni Solomon 1:1-17

1  Ti kaiimnasan a kanta,+ a kukua ni Solomon:+  “Isu agkannak koma kadagiti agek ti ngiwatna,+ ta dagiti ebkas ti pammategmo nasaysayaatda ngem iti arak.+  No maipapan iti banglo naimbag dagiti lanam.+ Ti naganmo ket kas iti lana a maiparukpok.+ Dayta ti makagapu a dagiti met laeng babbalasang inay-ayatdaka.  Guyodennak nga ikuyog;+ tumarayta. Ti ari inyegnak kadagiti makin-uneg a siledna!+ Agrag-ota koma ken agragsakta kenka. Dakamatenta koma dagiti ebkas ti pammategmo nga ad-adda ngem iti arak.+ Maikari unay nga inay-ayatdaka.+  “Nangisitak a babai, ngem naimnas, O dakayo nga annak a babbai ti Jerusalem,+ kas kadagiti tolda ti Quedar,+ kaskasdi kas kadagiti lupot ti tolda+ ni Solomon.  Saandak a kitaen agsipud ta napugotak, agsipud ta ti init sinirayannak. Ti annak a lallaki ti bukodko nga ina nakaungetda kaniak; dinutokandak nga agaywan kadagiti kaubasan, nupay no ti kaubasak,+ daydiay kukuak, saanko nga inaywanan.  “Ibagam kaniak, O sika nga inay-ayat ti kararuak,+ no sadino ti pagipastoram,+ no sadino ti pangipaiddaam iti arban iti tengnga ti aldaw. Ta apay koma nga agbalinak a kas iti maysa a babai a naabbungotan iti leddaang iti tengnga ti pangpangen dagiti kaduam?”  “No saanmo nga ammo a mismo, O sika a kapipintasan kadagiti babbai,+ sumurotka kadagiti tugot ti arban ket ipaarabmo dagiti urbon dagiti kaldingmo iti sibay dagiti tabernakulo ti papastor.”  “Inyaspingka iti kabaian a kabaliok kadagiti karuahe ni Faraon,+ O kaduak a babai.+ 10  Dagiti pingpingmo nagimnasda kadagiti sinallapid a buok, ti tengngedmo iti maysa nga ukkor a batbatek.+ 11  Dakami iyaramidandakanto kadagiti nagsirkulo nga arkos a balitok,+ agraman kadagiti butones a pirak.” 12  “Bayat a ti ari adda iti nagbukel a lamisaanna ti bukodko a nardo+ inruarna ti banglona.+ 13  Kas iti maysa a supot a mirra+ kasta kaniak ni patpatgek; iti baet dagiti susok+ busbosennanto ti rabii. 14  Kas iti sangaraay a hena+ kasta kaniak ni patpatgek, iti tengnga dagiti kaubasan ti En-gedi.”+ 15  “Adtoy! Napintaska, O kaduak a babai.+ Adtoy! Napintaska. Dagita matam ket matmata dagiti kalapati.”+ 16  “Adtoy! Napintaska,+ patpatgek, makaay-ayoka met. Ti iddata+ met ket maysa a naaramid iti bulbulong. 17  Dagiti awanan ti naindaklan a balayta sedroda,+ dagiti pasanggirta kaykayoda a parwa.

Footnotes