Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Judas 1:1-25

1  Ni Judas, maysa nga adipen ni Jesu-Kristo, ngem kabsat ni Santiago,+ agpaay kadagiti naayaban+ nga ay-ayaten mainaig iti Dios nga Ama+ ken nataginayon+ a maipaay ken Jesu-Kristo:  Ti asi+ ken talna+ ken ayat+ rumang-ay koma kadakayo.+  Dungdungnguen,+ nupay inar-aramidko ti tunggal panagregget nga agsurat kadakayo maipapan iti pannakaisalakan nga ik-ikutantayo a sapasap,+ nasarakak a masapul nga agsuratak kadakayo tapno bagbagaankayo a makidangadangkay a sipipinget maipaay iti pammati+ a namimpinsanen a nayawat kadagiti sasanto.+  Ti rasonko ket gapu ta nakalibas a simrek ti sumagmamano a tattao+ a nabayagen nga intuding+ ti Kasuratan iti daytoy a pannakaukom,+ di nadiosan a tattao,+ a pagbalbalinenda ti di kaikarian a kinamanangngaasi ti Diostayo kas pambar maipaay iti nalulok a kababalin+ ken liblibakenda+ ti kakaisuna a Makinkukua kadatayo+ ken Apotayo,+ ni Jesu-Kristo.  Tarigagayak nga ipalagip kadakayo, agpapan pay ti namimpinsanen a pannakaammoyo iti amin a bambanag,+ a ni Jehova, nupay insalakanna ti maysa nga ili manipud daga ti Egipto,+ dinadaelna kalpasanna dagidiay saan a nangiparangarang iti pammati.+  Ket dagiti anghel a saan a nangtaginayon iti nakaisigudan a kasasaadda no di ket pinanawanda ti bukodda nga umiso a lugar a pagnaedan+ insaganana kadagiti agnanayon a pannakaparaut+ iti sidong ti napuskol a kinasipnget maipaay iti pannakaukom iti naindaklan nga aldaw.+  Kasta met ti Sodoma ken Gomorra ken dagiti siudad iti aglawlawda,+ kalpasan a nakiabigda nga aglablabes unay iti isu met laeng a pamay-an a kas kadagidiay immun-una ken simmurotda iti lasag maipaay iti di nakaisigudan a pannakausar,+ naikabilda iti sanguanantayo kas mamakdaar a pagarigan+ babaen ti panagpasar iti pannakaukom a dusa ti agnanayon nga apuy.+  Iti umasping a pamay-an, nupay kasta, dagitoy met a tattao, a naigamer iti dardarepdep,+ tultulawanda ti lasag ken saanda nga ikankano ti kinaapo+ ken agsasaoda a sibabassawang kadagidiay nadayag.+  Ngem idi a ni Miguel+ nga arkanghel+ naaddaan ti pannakisusik+ iti Diablo ket nakisupsupiat maipapan iti bagi ni Moises,+ saanna a naitured ti mangyeg iti panangukom maibusor kenkuana iti nabassawang a sasao,+ no di ket kinunana: “Babalawennaka koma ni Jehova.”+ 10  Nupay kasta dagitoy a tattao agsasaoda a sibabassawang iti amin a bambanag a pudno a saanda nga ammo;+ ngem ti amin a bambanag a maawatanda a nainkasigudan kas iti awan nakemna nga an-animal,+ kadagitoy a banag itultuloyda a pagbalinen a rinuker+ ti bagbagida. 11  Asida pay, agsipud ta simmurotda iti dana ni Cain,+ ket nagdarasudosda iti biddut a turongen ni Balaam+ gapu iti gunggona, ket nadadaelda iti managalsa a sasao+ ni Kore!+ 12  Dagitoy dagiti bato a nailemmeng iti uneg ti danum kadagiti pagdadayaanyo iti ayat+ bayat a makidaydayada kadakayo, papastor a mangpakan iti bagbagida nga awanan buteng;+ awan danumda nga ul-ulep nga iyallaalla dagiti angin+ ditoy ken idiay;+ kaykayo iti arinunos ti otonio, ngem awananda iti bunga, a naminduada a natay, a naparutda;+ 13  nadawel a daldalluyon ti baybay a mangilabutab kadagiti bukodda a pakaibabainan;+ bitbituen nga awanan masnup a turongen, a nakaisaganaan ti kinangisit ti sipnget iti agnanayon.+ 14  Wen, daydiay maikapito iti linia manipud ken Adan, ni Enoc,+ nagipadto met maipapan kadakuada, idi a kinunana: “Adtoy! Immay ni Jehova a kaduana ti nasantuan a linaklaksana,+ 15  tapno mangipakat iti panangukom maibusor iti isuamin,+ ken tapno ipaneknekna a nakabasol dagiti amin a di nadiosan maipapan iti amin a di nadiosan nga ar-aramidda nga inaramidda iti di nadiosan a pamay-an, ken maipapan iti amin a makapakigtot a bambanag a sinao dagiti di nadiosan a managbasol maibusor kenkuana.”+ 16  Dagitoy a tattao managtanabutobda,+ managreklamo maipapan iti kasasaadda iti biag, nga agtultuloyda sigun iti bukodda a tartarigagay,+ ket agsao dagiti ngiwatda iti napalangguad a bambanag,+ bayat a pagrukbabanda dagiti personalidad+ maigapu iti bukodda a pagimbagan. 17  No maipapan kadakayo, dungdungnguen, lagipenyo ti sasao a siguden nga insawang dagiti apostol ni Apotayo a Jesu-Kristo,+ 18  no kasano a kinunkunada kadakayo: “Iti kamaudianan a tiempo addanto dagiti managuy-uyaw, nga agtultuloyda sigun kadagiti bukodda a panagtarigagay iti di nadiosan a bambanag.”+ 19  Dagitoy isuda dagidiay mamagsisina,+ inaanimal a tattao,+ nga awanan espiritualidad.+ 20  Ngem dakayo, dungdungnguen, babaen ti panangpabilegyo iti bagbagiyo+ iti kasasantuan a pammatiyo,+ ken panagkararagyo buyogen ti nasantuan nga espiritu,+ 21  pagtalinaedenyo ti bagbagiyo iti ayat ti Dios,+ bayat nga ur-urayenyo ti asi+ ni Apotayo a Jesu-Kristo a maipaay iti agnanayon a biag.+ 22  Kasta met, itultuloyyo ti mangipakita iti asi+ kadagiti sumagmamano nga addaan kadagiti panagduadua;+ 23  nga isalakanyo ida+ babaen ti panangrabsutyo kadakuada iti apuy.+ Ngem itultuloyyo ti mangipakita iti asi iti sabsabali, nga aramidenyo ti kasta buyogen ti buteng, bayat a kagurayo uray pay ti makin-uneg a kawes a minansaan ti lasag.+ 24  Itan iti daydiay makabalin a mangigaga+ kadakayo iti pannakaitibkol ken mangidatag kadakayo nga awan pakapilawanna+ iti imatang ti dayagna buyogen ti dakkel a rag-o, 25  iti daydiay maymaysa a Dios a Manangisalakan kadatayo+ baeten ken Jesu-Kristo+ nga Apotayo, maadda koma ti dayag,+ kinatan-ok, pannakabalin+ ken autoridad+ iti isuamin a napalabas a kinaagnanayon+ ken ita ken iti isuamin a kinaagnanayon.+ Amen.+

Footnotes