Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Juan 3:1-36

3  Itan adda maysa a lalaki kadagiti Fariseo, Nicodemo+ ti naganna, maysa nga agturay kadagiti Judio.  Daytoy a tao immay kenkuana iti rabii+ ket kinunana kenkuana: “Rabbi,+ ammomi a sika kas maysa a mannursuro+ naggapuka iti Dios;+ ta awan makaaramid kadagitoy a pagilasinan+ nga ar-aramidem malaksid no adda kenkuana ti Dios.”+  Kas sungbat kinuna kenkuana ni Jesus:+ “Pudno unay kunak kenka, Malaksid no ti asinoman mayanak manen,+ saanna a mabalin a kitaen ti pagarian ti Dios.”+  Kinuna kenkuana ni Nicodemo: “Kasano a mayanak ti maysa a tao no lakayen? Mabalinna aya ti sumrek iti aanakan ni inana iti maikadua a daras ket mayanak?”  Simmungbat ni Jesus: “Pudno unay kunak kenka, Malaksid no ti asinoman mayanak manipud danum+ ken espiritu,+ saanna a mabalin ti sumrek iti pagarian ti Dios.  Ti nayanak manipud iti lasag ket lasag, ket ti nayanak manipud iti espiritu ket espiritu.+  Dika agsiddaaw gapu ta imbagak kenka, Masapul a mayanakkayo manen.+  Ti angin+ agpuyupoy iti sadinoman a kayatna, ket mangngegmo ti awerna, ngem saanmo nga ammo no sadino ti paggapuanna ken no sadino ti papananna. Kasta met ti tunggal maysa a nayanak manipud iti espiritu.”+  Kas sungbat kinuna kenkuana ni Nicodemo: “Kasano a mapasamak dagitoy a banag?” 10  Kas sungbat kinuna kenkuana ni Jesus: “Maysaka aya a mannursuro iti Israel ket kaskasdi a saanmo nga ammo dagitoy a banag?+ 11  Pudno unay kunak kenka, No ania ti ammomi sawenmi ket no ania ti nakitami saksianmi,+ ngem saanyo nga awaten ti pangsaksi nga ipaaymi.+ 12  No imbagak kadakayo ti naindagaan a bambanag ket kaskasdi a saankayo a mamati, kasanonto a mamatikayo no ibagak kadakayo ti nailangitan a bambanag?+ 13  Mainayon pay, awan ti tao nga immuli sadi langit+ no di daydiay bimmaba manipud langit,+ ti Anak ti tao.+ 14  Ket no kasano nga imbayog ni Moises ti serpiente+ idiay let-ang, kasta met a masapul a maibayog ti Anak ti tao,+ 15  tapno tunggal maysa a mamati kenkuana maaddaan iti agnanayon a biag.+ 16  “Ta ti Dios inayatna+ ti lubong iti kasta unay isu nga intedna ti bugbugtong nga Anakna,+ tapno tunggal maysa a mangwatwat iti pammati+ kenkuana saan koma a madadael+ no di ket maaddaan iti agnanayon a biag.+ 17  Ta ti Dios imbaonna ti Anakna iti lubong, saan a tapno ukomenna+ ti lubong, no di ket tapno ti lubong maisalakan+ babaen kenkuana. 18  Ti mangwatwat iti pammati kenkuana saanto a maukom.+ Ti saan a mangwatwat iti pammati naukomen, agsipud ta saanna a winatwat ti pammati iti nagan ti bugbugtong nga Anak ti Dios.+ 19  Ita daytoy ti pakaibatayan ti pannakaukom, a ti silaw+ immay iti lubong+ ngem dagiti tattao inayatda ti sipnget imbes a ti lawag,+ ta nadangkes dagiti aramidda. 20  Ta ti mangyugali iti nakadakdakes a bambanag+ guraenna ti lawag ket saan nga umay iti lawag, tapno saan a matubngar dagiti aramidna.+ 21  Ngem ti mangaramid iti pudno umay iti lawag,+ tapno dagiti aramidna maiparangarang a kas naaramid a maitunos iti Dios.” 22  Kalpasan dagitoy a banag napan ni Jesus ken dagiti adalanna iti pagilian a Judea, ket sadiay nangbusbos iti sumagmamano a tiempo a nakikadua kadakuada ken nangbabautisar.+ 23  Ngem ni Juan+ nangbabautisar met idiay Enon iti asideg ti Salim, agsipud ta nakaad-adu ti danum+ sadiay, ket nagtultuloy nga immay dagiti tattao ket nabautisaranda;+ 24  ta ni Juan saan pay idi a naipisok iti pagbaludan.+ 25  Ngarud adda timmaud a pannakisupiat dagiti adalan ni Juan iti maysa a Judio maipapan ti panaggugor.+ 26  Gapuna immayda ken Juan ket kinunada kenkuana: “Rabbi, ti lalaki a kaduam idi iti ballasiw ti Jordan, isu a sinaksiam,+ kitaem, daytoy ket mangbabautisar ket amin mapmapanda kenkuana.”+ 27  Kas sungbat kinuna ni Juan: “Ti maysa a tao saanna a mabalin ti umawat iti maysa a banag malaksid no naited kenkuana dayta manipud langit.+ 28  Dakayo saksiandak a kinunak, saan a siak ti Kristo,+ ngem, naibaonak nga umun-una ngem iti daydiay.+ 29  Daydiay addaan iti nobia isu ti nobio.+ Nupay kasta, ti gayyem ti nobio, no agtakder ket isu mangngegna, addaan iti kasta unay a panagrag-o maigapu iti timek ti nobio. Gapuna daytoy a rag-ok naan-anayen.+ 30  Daydiay ket masapul nga agtultuloy a dumakkel, ngem masapul nga agtultuloyak a bumassit.” 31  Ti umay manipud ngato ringbawanna ti amin a sabsabali.+ Ti aggapu iti daga ket manipud iti daga ken sawenna ti bambanag iti daga.+ Ti umay manipud langit ringbawanna ti amin a sabsabali.+ 32  Ti nakita ken nangngegna, daytoy ti saksianna,+ ngem awan ti tao a mangaw-awat iti pangsaksina.+ 33  Ti nangawat iti pangsaksina inkabilna ti seliona iti dayta a ti Dios pudno.+ 34  Ta daydiay imbaon ti Dios sawenna ti sasao ti Dios,+ ta ti espiritu saanna nga ited a marukrukod.+ 35  Ti Ama ayatenna+ ti Anak ket intedna ti amin a bambanag iti imana.+ 36  Ti mangwatwat iti pammati+ iti Anak adda agnanayon a biagna;+ ti sumukir iti Anak saannanto a makita ti biag,+ ngem agtalinaed kenkuana ti pungtot ti Dios.+

Footnotes