Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Juan 21:1-25

21  Kalpasan dagitoy a banag imparangarang manen ni Jesus ti bagina kadagiti adalan idiay baybay ti Tiberias; ngem inaramidna ti panangiparangarang iti kastoy a pamay-an.  Agkukuyog idi da Simon Pedro ken Tomas, a naawagan Ti Singin,+ ken ni Natanael+ manipud Cana ti Galilea ken ti annak ni Zebedeo+ ken dua a sabali pay kadagiti adalanna.  Kinuna kadakuada ni Simon Pedro: “Mapanak agdaklis.” Kinunada kenkuana: “Umaykami met makikuyog kenka.” Napanda ket limmuganda iti barangay, ngem kabayatan dayta a rabii awan ti naalada.+  Nupay kasta, bayat a bumigbigaten, nagtakder ni Jesus iti igid ti baybay, ngem dagiti adalan, siempre, saanda a nailasin nga isu ni Jesus.+  Ngarud kinuna kadakuada ni Jesus: “Ubbing, addaankay kadi iti aniaman a makan?” Simmungbatda kenkuana iti “Awan!”  Kinunana kadakuada: “Isaruagyo ti iket iti makannawan a sikigan ti barangay ket makasarakkayto iti sumagmamano.”+ Ngarud insaruagda dayta, ngem saandan a nabalinan a guyoden gapu iti kaadu dagiti ikan.+  Gapuna daydi adalan a dinungdungngo ni Jesus+ kinunana ken Pedro:+ “Isu dayta ti Apo!” Gapuna ni Simon Pedro, idi mangngegna nga isu dayta ti Apo, imbarikesna iti bagina ti makinngato a kawesna, ta isu lamolamo idi, ket timmapuak iti baybay.  Ngem immay a nakabilog ti dadduma nga adalan, ta saanda idi nga adayo iti daga, agarup siam a pulo a metro laeng ti kaadayoda, nga iguyguyodda ti iket dagiti ikan.  Nupay kasta, idi simmang-atda iti daga nakitada nga adda dumardarang a beggang+ sadiay ken ikan a naiparabaw iti dayta ken tinapay. 10  Kinuna kadakuada ni Jesus: “Mangyegkayo iti sumagmamano kadagiti ikan a kaal-alayo.” 11  Gapuna, limmugan ni Simon Pedro ket ingguyodna iti daga ti iket a napno iti dadakkel nga ikan, sangagasut limapulo ket talloda. Ngem uray nakaad-adu saan a nabsang ti iket. 12  Kinuna kadakuada ni Jesus: “Umaykayo, mamigatkayo.”+ Awan maysa kadagiti adalan ti naaddaan iti tured a mangimtuod kenkuana: “Siasinoka?” agsipud ta ammoda nga isu dayta ti Apo. 13  Immay ni Jesus ket innalana ti tinapay ket intedna kadakuada,+ ken kasta met ti ikan. 14  Daytoy itan ti maikatlo a daras+ a panagparang ni Jesus kadagiti adalan kalpasan ti pannakaibangonna manipud kadagiti natay. 15  Itan, idi nakapamigatdan, ni Jesus kinunana ken Simon Pedro: “Simon nga anak ni Juan, ay-ayatennak kadi nga ad-adda ngem dagitoy?”+ Kinunana kenkuana: “Wen, Apo, ammom nga adda panagayatko kenka.”+ Kinunana kenkuana: “Pakanem dagiti korderok.”+ 16  Manen kinunana kenkuana, iti maikadua a daras: “Simon nga anak ni Juan, ay-ayatennak+ kadi?” Kinunana kenkuana: “Wen, Apo, ammom nga adda panagayatko kenka.” Kinunana kenkuana: “Ipastoram dagiti babassit a karnerok.”+ 17  Kinunana kenkuana iti maikatlo a daras: “Simon nga anak ni Juan, adda kadi panagayatmo kaniak?” Nagleddaang ni Pedro ta kinunana kenkuana iti maikatlo a daras: “Adda kadi panagayatmo kaniak?” Gapuna kinunana kenkuana: “Apo, ammom amin a bambanag;+ ammom nga adda panagayatko kenka.” Kinuna kenkuana ni Jesus: “Pakanem dagiti babassit a karnerok.+ 18  Pudno unay kunak kenka, Idi ub-ubingka, binarbariksam ti bagim ket nagnaka iti sadinoman a kinayatmo. Ngem inton lumakaykan unnatemto dagita imam ket sabali a tao ti mangbarikesto+ kenka ket ipannaka iti saanmo a tarigagayan.”+ 19  Kinunana daytoy tapno ipamatmatna no ania a kita ti ipapatay+ ti pangidaydayawna iti Dios.+ Gapuna, idi naisaonan daytoy, kinunana kenkuana: “Itultuloymo ti sumurot kaniak.”+ 20  Idi a timmaliaw nakita ni Pedro a sumursurot daydi adalan a dinungdungngo ni Jesus,+ daydiay nga idi panangrabii nagsadag met iti barukongna ken nagkuna: “Apo, siasino daydiay mangliput kenka?” 21  Ngarud, idi makitana, ni Pedro kinunana ken Jesus: “Apo, anianto ti aramiden daytoy a tao?” 22  Kinuna kenkuana ni Jesus: “No pagayatak nga isu agtalinaed agingga nga umayak,+ ania ti pakaseknam iti dayta? Itultuloymo ti sumurot kaniak.” 23  Kas nagbanaganna, daytoy a sao nagwaras kadagiti kakabsat, a dayta nga adalan saanto a matay. Nupay kasta, ni Jesus saanna a kinuna kenkuana a saanto a matay, no di ket: “No pagayatak nga isu agtalinaed+ agingga nga umayak, ania ti pakaseknam iti dayta?” 24  Daytoy ti adalan+ a mangsaksi iti maipapan kadagitoy a banag ken nangisurat kadagitoy a banag, ket ammomi a pudno ti pangsaksi nga ipaayna.+ 25  Iti kinapudnona, adu pay a sabsabali a banag ti inaramid ni Jesus, a, no naisuratda koma iti naan-anay a detalye, pagarupek, ti lubong a mismo saanna a kabaelan a laonen dagiti naisurat a lukot.+

Footnotes