Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Juan 2:1-25

2  Itan iti maikatlo nga aldaw maysa a padaya ti kasar ti naangay idiay Cana+ ti Galilea, ket adda sadiay ti ina+ ni Jesus.  Naawis met ni Jesus ken dagiti adalanna iti padaya ti kasar.  Kinuna kenkuana ti ina+ ni Jesus idi nagkurang ti arak: “Awanen ti arakda.”  Ngem kinuna kenkuana ni Jesus: “Ania ti pakaibiangak kenka, babai?+ Ti orasko saan pay a dimteng.”+  Kinuna ti inana kadagidiay agserserbi: “Aniaman nga ibagana kadakayo, aramidenyo.”+  Kas iti sigud, adda idi innem a burnay a bato a nakadisso sadiay kas kalikaguman dagiti paglintegan dagiti Judio iti panaggugor,+ tunggal maysa kabaelanna a laonen ti dua wenno tallo a likido a rukod.  Kinuna kadakuada ni Jesus: “Punnuenyo dagiti burnay iti danum.” Ket pinunnoda ida agingga iti ngarab.  Ket kinunana kadakuada: “Tumakokayo ita ket ipanyo iti mangiwanwanwan iti padaya.” Gapuna impanda dayta.  Itan, idi a ti mangiwanwanwan iti padaya rinamananna ti danum a napagbalinen nga arak+ ngem saanna nga ammo ti naggubuayanna, nupay ammo dagidiay agserserbi a timmako iti danum, ti mangiwanwanwan iti padaya inayabanna ti nobio 10  ket kinunana kenkuana: “Tunggal sabali a tao iruarna nga umuna ti nasayaat nga arak,+ ket inton mabarteken dagiti tattao, ti nakapkapuy. Inlasinmo ti nasayaat nga arak agingga ita.” 11  Ni Jesus inaramidna daytoy idiay Cana ti Galilea kas ti pangrugian dagiti pagilasinanna, ket imparangarangna ti dayagna;+ ket dagiti adalanna naaddaanda iti pammati kenkuana. 12  Kalpasan daytoy isu ken ti inana ken dagiti kakabsatna+ ken dagiti adalanna simmalogda idiay Capernaum,+ ngem saanda a nagyan sadiay iti adu nga aldaw. 13  Ita asideg idin ti paskua+ dagiti Judio, ket ni Jesus simmang-at idiay Jerusalem.+ 14  Ket nasarakanna idiay templo dagidiay aglaklako kadagiti baka ken karnero ken kalapati+ ken dagiti managsukat iti kuarta kadagiti tugawda. 15  Gapuna, kalpasan a nakaaramid iti pagsaplit a taltali, pinaruarna amin dagidiay addaan kadagiti karnero ken bakbaka manipud iti templo, ket imbukbokna dagiti sinsilio dagiti agsuksukat iti kuarta ket imbalintuagna dagiti lamisaanda.+ 16  Ket kinunana kadagidiay aglaklako kadagiti kalapati: “Ikkatenyo ditoy dagitoy a banag! Isardengyo a pagbalbalinen ti balay+ ni Amak a balay ti tagilako!”+ 17  Nalagip dagiti adalanna nga adda a naisurat: “Ti regta maipaay iti balaymo ibusennakto.”+ 18  Gapuna, kas sungbat, kinuna kenkuana dagiti Judio: “Ania a pagilasinan+ ti maipakitam kadakami, yantangay ar-aramidem dagitoy a banag?” 19  Kas sungbat kinuna kadakuada ni Jesus: “Rebbaenyo daytoy a templo,+ ket iti tallo nga aldaw bangonekto.” 20  Gapuna kinuna dagiti Judio: “Daytoy a templo nabangon iti uppat a pulo ket innem a tawen, ket bangonemto aya iti tallo nga aldaw?” 21  Ngem isu agsasao idi maipapan iti templo+ ti bagina. 22  Nupay kasta, idi naibangon manipud kadagiti natay, nalagip dagiti adalanna+ a sinasaona daytoy; ket namatida iti Kasuratan ken iti sasao a sinao ni Jesus. 23  Nupay kasta, idi isu addan idiay Jerusalem iti paskua, iti piesta+ dayta, adu a tattao ti naaddaan iti pammati iti naganna,+ a binuybuyada dagiti pagilasinanna nga inar-aramidna.+ 24  Ngem ni Jesus a mismo saanna nga intalek+ kadakuada ti bagina agsipud ta am-ammona ida amin 25  ken agsipud ta saanna a kasapulan ti maaddaan iti asinoman a mangsaksi iti maipapan ti tao, ta isu ammona no ania ti adda iti tao.+

Footnotes