Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Josue 9:1-27

9  Ket naaramid nga apaman nga amin nga ar-ari+ nga adda idi iti bangir ti Jordan iti nakabambantay a rehion ken iti Sefela ken iti intero nga igid ti Dakkel a Baybay+ ken iti sanguanan ti Libano,+ dagiti Heteo+ ken dagiti Amoreo, dagiti Canaanita,+ dagiti Perizeo,+ dagiti Heveo ken dagiti Jebuseo,+ nangngegda dayta,  nangrugida nga aguurnong a sangsangkamaysa tapno agkaykaysada a makigubat ken Josue ken iti Israel.+  Ket nangngeg dagiti agnanaed iti Gabaon+ no ania ti inaramid ni Josue iti Jerico+ ken Ai.+  Gapuna, iti mismo a kananakemda met laeng, nagtignayda a sisasaririt+ ket napanda ket nangipempenda iti bagbagida kadagiti abasto ket nangalada kadagiti daanen a sako maipaay kadagiti asnoda, ken kadagiti lalat a botelia ti arak a daanen ken bettak ken nagalutan,+  ken kadagiti daanen ken takuptakup a palloka kadagiti sakada, ken kadagiti daanen a kawes iti bagbagida, ket amin dagiti tinapay kadagiti abastoda namaga ken marmarmayen.  Idin napanda ken Josue iti pakarso idiay Gilgal+ ket kinunada kenkuana ken kadagiti lallaki ti Israel: “Manipud adayo a daga nga immaykami. Ket ita mamatalgedkayo iti tulag+ kadakami.”  Gapu itoy dagiti lallaki ti Israel kinunada kadagiti Heveo:+ “Nalabit nga agnanaedkayo iti aglikmutmi. Gapuna kasano a mamatalgedkami iti tulag kadakayo?”+  Kalpasanna kinunada ken Josue: “Dakami dagiti adipenmo.”+ Idin kinuna kadakuada ni Josue: “Siasinokayo, ken sadino ti naggapuanyo?”  Gapu itoy kinunada kenkuana: “Iti adayo unay a daga+ ti naggapuan dagiti adipenmo gapu iti nagan+ ni Jehova a Diosmo, agsipud ta nangngegmi ti maipapan iti panagdindinamagna ken maipapan iti amin nga inaramidna idiay Egipto,+ 10  ken maipapan iti amin nga inaramidna iti dua nga ari dagiti Amoreo nga adda idi iti ballasiw ti Jordan, awan sabali, ni Sihon+ nga ari ti Hesbon ken ni Og+ nga ari ti Basan, nga adda idi idiay Astarot.+ 11  Gapuna dagiti lallakaymi ken amin dagiti agnanaed iti dagami kinunada daytoy kadakami,+ ‘Mangalakayo kadagiti abasto kadagita imayo maipaay iti panagbaniaga ket inkay sabten ida, ket masapul a kunaenyo kadakuada: “Dakami dagiti adipenyo.+ Ket ita mamatalgedkayo iti tulag kadakami.”’+ 12  Daytoy a tinapaymi, napudot idi alaenmi a kas abastomi manipud kadagiti balaymi idi aldaw nga iruruarmi nga umay kadakayo ditoy, ket ita, adtoy! namaga ken marmarmayen.+ 13  Ket dagitoy dagiti lalat a botelia ti arak a pinunnomi a kabbaro, ket, adtoy! nabettakdan,+ ket dagitoy a kawes ken palpallokami, narunotdan gapu iti kawatiwat ti panagbaniaga.” 14  Kalpasan dayta nangala dagiti lallaki iti sumagmamano kadagiti abastoda, ket iti ngiwat ni Jehova saanda a nagimtuod.+ 15  Ket ni Josue nakikappia kadakuada+ ken namatalged kadakuada iti tulag a bay-anda ida nga agbiag, ket iti kasta dagiti panguluen+ ti gimong nagsapatada kadakuada.+ 16  Ket naaramid nga iti ngudo ti tallo nga aldaw, kalpasan a namatalgedda kadakuada iti tulag, nangngegda nga asidegda idi kadakuada ket agnanaedda idi iti aglikmutda. 17  Idin pimmanaw ti annak ti Israel ket dimtengda kadagiti siudadda iti maikatlo nga aldaw, ket dagiti siudadda isuda idi ti Gabaon+ ken Kefira+ ken Beerot+ ken Kiriat-jearim.+ 18  Ket saan ida a kinabil ti annak ti Israel, agsipud ta dagiti panguluen ti gimong nagsapatada+ kadakuada babaen ken Jehova a Dios ti Israel.+ Ket ti intero a gimong nangrugi nga agtanabutob a maibusor kadagiti panguluen.+ 19  Gapu itoy dagiti amin a panguluen kinunada iti intero a gimong: “Dakami, iti biangmi, nagsapatakami kadakuada babaen ken Jehova a Dios ti Israel, ket ita saan a maipalubos a saktantayo ida.+ 20  Daytoy ti aramidentayto kadakuada bayat a bay-antayo ida nga agbiag, tapno awanto ti umay a rurod kadatayo gapu iti sapata nga insapatami kadakuada.”+ 21  Iti kasta kinuna kadakuada dagiti panguluen: “Bay-anyo ida nga agbiag ket agbalinda koma nga agur-urnong iti kayo ken agsaksakdo iti danum maipaay iti intero a gimong,+ kas iti inkari kadakuada dagiti panguluen.”+ 22  Itan ni Josue inayabanna ida ket nagsao kadakuada, a kunkunana: “Apay nga inallilawdakami, a kunkunayo, ‘Adayokami unay kadakayo,’+ idinto ta agnanaedkayo iti mismo a nagtetengngaanmi?+ 23  Ket ita nailunodkayo+ a tattao, ket ti saad ti adipen+ ken ti panagbalin nga agur-urnong iti kayo ken agsaksakdo iti danum maipaay iti balay ti Diosko saanto pulos a maikkat kadakayo.”+ 24  Idin simmungbatda ken Josue ket kinunada: “Agsipud ta silalawag a naibaga kadagiti adipenmo a ni Jehova a Diosmo imbilinna ken Moises nga adipenna nga itedna kadakayo ti intero a daga ken pukawenna dagiti amin nga agnanaed iti daga manipud iti sanguananyo,+ ket nagbutengkami iti kasta unay maipaay kadagiti kararuami gapu kadakayo.+ Gapuna inaramidmi daytoy a banag.+ 25  Ket ita adtoykami, iti imam. Kas iti naimbag ken umiso kadagita matam nga aramiden kadakami, aramidem.”+ 26  Ket inaramidna kadakuada ti kasta ken inispalna ida iti ima ti annak ti Israel, ket saanda a pinapatay ida.+ 27  Iti kasta intuding+ ida ni Josue iti dayta nga aldaw kas agur-urnong iti kayo ken agsaksakdo iti danum maipaay iti gimong+ ken maipaay iti altar ni Jehova, agingga itoy nga aldaw, iti lugar a pilienna.+

Footnotes