Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Josue 24:1-33

24  Ket ni Josue inummongna a sangsangkamaysa amin dagiti tribu ti Israel idiay Siquem+ ket inayabanna dagiti lallakay ti Israel+ ken dagiti pannakaulona ken dagiti ukomna ken dagiti opisialna, ket nagtakderda iti sanguanan ti pudno a Dios.+  Ket kinuna ni Josue kadagiti amin nga umili: “Daytoy ti kinuna ni Jehova a Dios ti Israel, ‘Iti ballasiw idi ti Karayan+ a dagidi ammayo+ nagnaedda iti nakabaybayagen a tiempo, ni Tare nga ama ni Abraham ken ama ni Nacor,+ ket nagserserbida idi kadagiti sabali a didios.  “‘Idi agangay innalak daydi amayo nga Abraham+ manipud ballasiw ti Karayan+ ket pinapagnak iti intero a daga ti Canaan ket pinaaduk ti bin-ina.+ Gapuna intedko kenkuana ni Isaac.+  Idin intedko ken Isaac da Jacob ken Esau.+ Kalpasanna intedko ken Esau ti Bantay Seir tapno tagikuaenna dayta;+ ket ni Jacob ken ti annakna simmalogda idiay Egipto.+  Idi agangay imbaonko da Moises ken Aaron,+ ket sinapsaplitko ti Egipto babaen iti daydi inaramidko iti tengngana;+ ket kalpasanna inruarkayo.+  Idi iruruarko dagiti ammayo manipud Egipto+ ket dimtengkayo iti baybay, ngarud dagiti Egipcio kinamkamatda+ dagiti ammayo babaen kadagiti karuahe a pakigubat ken kadagiti kabaliero agingga iti Nalabaga a Baybay.  Ket rinugianda ti umkis ken Jehova.+ Gapuna nangikabil iti sipnget iti nagbaetanyo ken dagiti Egipcio+ ket inyegna ti baybay iti rabawda ket ginaburanna ida,+ ket nakita dagiti matayo no ania ti inaramidko idiay Egipto;+ ket nagnaedkayo idiay let-ang iti adu nga aldaw.+  “‘Iti kamaudiananna inyegkayo iti daga dagiti Amoreo nga agnanaed idi iti ballasiw ti Jordan, ket nakiruprupakda kadakayo.+ Iti kasta intedko ida iti imayo tapno tagikuaenyo ti dagada, ket tinalipuposko ida iti sanguananyo.+  Idin ni Balak nga anak ni Zippor,+ ti ari ti Moab, timmakder ket napan nakirupak iti Israel.+ Gapu itoy nagbaon ket pinaayabanna ni Balaam nga anak ni Beor tapno idawdawatna ti pakadaksanyo.+ 10  Ket saanko a kinayat ti umimdeng ken Balaam.+ Gapuna maulit-ulit a binendisionannakayo.+ Iti kasta inispalkayo iti imana.+ 11  “‘Kalpasanna bimmallasiwkayo iti Jordan+ ket dimtengkayo iti Jerico.+ Ket dagiti agtagtagikua iti daga iti Jerico, dagiti Amoreo ken dagiti Perizeo ken dagiti Canaanita ken dagiti Heteo ken dagiti Girgaseo, dagiti Heveo ken dagiti Jebuseo nangrugida a nakirupak kadakayo; ngem intedko ida ita imayo.+ 12  Gapuna imbaonko ti panagliday nga immun-una ngem dakayo, ket nagin-inut a pinagtalawna ida iti sanguananyo+—dua nga ari dagiti Amoreo—saan a babaen ti kampilanyo ken saan a babaen ti baiyo.+ 13  Iti kasta nangtedak kadakayo iti daga a saanyo a nagbannogan ken kadagiti siudad a saanyo a binangon,+ ket nagnaedkayo kadakuada. Dagiti kaubasan ken kaolibuan a saanyo nga immula isuda ti pagkakaananyo.’+ 14  “Ket ita agbutengkayo ken Jehova+ ket agserbikayo kenkuana iti kinaawan pagkurangan ken iti kinapudno,+ ket ikkatenyo ti didios a nagserbian dagidi ammayo idiay ballasiw ti Karayan ken idiay Egipto,+ ket agserbikayo ken Jehova. 15  Ita no dakes kadagiti matayo ti panagserbi ken Jehova, agpilikayo ita nga aldaw maipaay iti bagbagiyo no siasino ti pagserbianyonto,+ no ti didios a nagserbian dagidi ammayo nga adda idi iti ballasiw ti Karayan+ wenno ti didios dagiti Amoreo nga iti dagada ti pagnanaedanyo.+ Ngem no maipapan kaniak ken iti sangakabbalayak, agserbikamto ken Jehova.”+ 16  Gapu itoy simmungbat dagiti umili ket kinunada: “Narigat a pagarupen, iti biangmi, a panawanmi ni Jehova tapno agserbikami kadagiti sabali a didios. 17  Ta ni Jehova a Diostayo ti nangaon kadatayo ken kadagiti ammatayo manipud daga ti Egipto,+ manipud balay dagiti adipen,+ ken nangaramid kadagitoy dadakkel a pagilasinan iti imatangtayo+ ken nagtultuloy a nangbantay kadatayo iti isuamin a dalan a nagnaantayo ken kadagiti amin nga ili nga iti tengngada limmasattayo.+ 18  Ket ni Jehova pinagtalawna dagiti amin nga ili,+ uray dagiti Amoreo, nga agnanaed iti daga manipud sanguanantayo. No maipapan met kadakami, agserbikamto ken Jehova, agsipud ta isu ti Diosmi.”+ 19  Idin kinuna ni Josue kadagiti umili: “Saanyo a kabaelan ti agserbi ken Jehova, ta isu nasantuan a Dios;+ isu ket Dios a mangalkalikagum iti naipamaysa a debosion.+ Saannanto a pakawanen ti iyaalsayo ken dagiti basolyo.+ 20  No kas pagarigan panawanyonto ni Jehova+ ket agserbikayo iti ganggannaet a didios,+ isu sigurado a tumallikudto met ket dangrannakayo ken talipuposennakayo kalpasan ti panangaramidna iti naimbag kadakayo.”+ 21  Kalpasanna dagiti umili kinunada ken Josue: “Saan, no di ket ni Jehova ti pagserbianmi!”+ 22  Gapu itoy kinuna ni Josue kadagiti umili: “Saksikayo a maibusor iti bagbagiyo+ a dakayo iti kabukbukodanyo a nakem piniliyo ni Jehova maipaay iti bagbagiyo, tapno agserbikayo kenkuana.”+ Iti daytoy kinunada: “Saksikami.” 23  “Ket ita ikkatenyo ti ganggannaet a didios nga adda iti tengngayo,+ ket iyallingagyo ti puspusoyo ken Jehova a Dios ti Israel.” 24  Kalpasanna dagiti umili kinunada ken Josue: “Ni Jehova a Diosmi ti pagserbianmi, ket imdenganminto ti timekna!”+ 25  Ket namatalged ni Josue iti tulag kadagiti umili iti dayta nga aldaw ket nangituyang maipaay kadakuada iti alagaden ken hudisial a pangngeddeng+ idiay Siquem. 26  Kalpasanna insurat ni Josue dagitoy a sasao iti libro ti linteg ti Dios+ ket nangala iti dakkel a bato+ ket impasdekna sadiay iti sirok ti nakarangrangpaya a kayo+ nga adda iti sibay ti santuario ni Jehova. 27  Ket kinuna ni Josue kadagiti amin nga umili: “Adtoy! Daytoy a bato ti agserbinto a kas pangsaksi maibusor kadatayo,+ agsipud ta nangngegna a mismo dagiti amin a sasao a sinao kadatayo ni Jehova, ket masapul nga agserbi a kas pangsaksi maibusor kadakayo, tapno saanyo koma nga ilibak ti Diosyo.” 28  Iti kasta pinalubosan ni Josue dagiti umili, tunggal maysa nga agturong iti tawidna.+ 29  Ket naaramid kalpasan dagitoy a banag a ni Josue nga anak ni Nun, ti adipen ni Jehova, idi agangay natay iti edad a sangagasut ket sangapulo a tawen.+ 30  Gapuna intabonda iti teritoria ti tawidna idiay Timnat-sera,+ nga adda iti nakabambantay a rehion ti Efraim, amianan ti Bantay Gaas. 31  Ket ti Israel nagtultuloy nga agserbi ken Jehova iti amin nga al-aldaw ni Josue ken iti amin nga al-aldaw dagiti lallakay a limmayon ti al-aldawda kalpasan ni Josue+ ken nakaammo iti isuamin nga aramid ni Jehova nga inaramidna maipaay iti Israel.+ 32  Ket dagiti tulang ni Jose,+ nga inruar ti annak ti Israel manipud Egipto, intabonda idiay Siquem iti benneg ti talon a nagun-od ni Jacob manipud iti annak ni Hamor,+ nga ama ni Siquem, iti sangagasut a kapisi a kuarta;+ ket nagbalin a kukua ti annak ni Jose kas tawid.+ 33  Kasta met, natay ni Eleazar nga anak ni Aaron.+ Iti kasta isu intabonda iti Turod ni Finehas nga anakna,+ nga intedna idi kenkuana iti nakabambantay a rehion ti Efraim.

Footnotes