Accessibility setting

Agpili iti lengguahe

Mapan iti segundario a pagpilian

Mapan iti listaan dagiti linaonna

Mapan iti linaonna

Dagiti Saksi ni Jehova

Iloko

Online a Biblia

BARO A LUBONG A PATARUS TI NASANTUAN A KASURATAN

Josue 20:1-9

20  Idin ni Jehova nagsao ken Josue, a kunkunana:  “Agsaoka iti annak ti Israel, a kunaem, ‘Itedyo maipaay kadakayo dagiti siudad a pagkamangan+ a sinaok idi kadakayo babaen ken Moises,  tapno agkamang sadiay ti nakapapatay+ a di inggagara a makabilna a mapapatay ti maysa a kararua a saanna a pagaammo dayta; ket masapul nga agserbida kadakayo a kas pagkamangan manipud iti manangibales iti dara.+  Ket masapul nga agkamang+ iti maysa kadagitoy a siudad ket agtakder iti pagserkan ti ruangan+ ti siudad ket sawenna ti sasaona iti pagdengngeg dagiti lallakay+ iti dayta a siudad; ket masapul nga isu awatenda a mismo iti siudad ket ipaayanda iti maysa a disso ket masapul a makipagnaed kadakuada.  Ket no kas pagarigan kumamat kenkuana ti manangibales iti dara, ngarud ti nakapapatay saanda a rebbeng nga isuko iti imana;+ ta saanna idi a pagaammo a nakabilna a napapatay ti padana a tao, ket isu saanna a sigud a gurguraen.+  Ket masapul nga agnaed iti dayta a siudad agingga iti panagtakderna iti sanguanan ti gimong maipaay iti pannakaukom,+ agingga iti ipapatay ti nangato a padi+ nga adda iti akem kadagidiay nga aldaw. Iti daytan a mabalinen nga agsubli ti nakapapatay,+ ket sumrekto iti siudadna ken iti balayna, iti siudad a pimmanawanna.’”  Iti kasta impaayanda iti sagrado a kasasaad ti Kedes+ idiay Galilea iti nakabambantay a rehion ti Neftali, ken iti Siquem+ iti nakabambantay a rehion ti Efraim, ken iti Kiriat-arba,+ kayatna a sawen, Hebron, iti nakabambantay a rehion ti Juda.  Ket iti rehion ti Jordan, idiay Jerico, nga agturong iti daya intedda ti Bezer+ idiay let-ang iti tanap manipud iti tribu ni Ruben,+ ken ti Ramot+ idiay Galaad manipud iti tribu ni Gad, ken ti Golan+ idiay Basan manipud iti tribu ni Manases.  Dagitoy nagbalinda a siudad a naituding maipaay kadagiti amin nga annak ti Israel ken maipaay iti ganggannaet nga agnanaed nga agtataeng kas ganggannaet iti tengngada, tapno agkamang sadiay ti asinoman a di inggagara a makabilna a mapapatay ti maysa a kararua,+ tapno saan a matay iti ima ti manangibales iti dara agingga iti panagtakderna iti sanguanan ti gimong.+

Footnotes